سيدة حبت تشمشر وتتصل لي عباس وتعرف لو منى جات في الشيلة ولا لا عشان بعدين تقعد مع بنات الحلة وتقول ليهم أنا الخليت عباس يرسل منى تجي مع ناس شيلتي وتحس احساس انها عظيمة عظيمة ومسيطرة
الو
عباس كيفك اها ناس الشيلة اتاخرو م اتحركو لسه ولا شنو لانو ديل هنا جاهزين من بدري
عباس :_ خلاص حبيبي جاين عليكم في الشارع شوية ويصلو
سيدة :_ امممم بقول ليك شنو
عباس :_ بدون م تقولي حاجه عارفك دايرة تسالي في شنو اطمن ي ستي منى معاهم
سيدة :_ واي اختك وين حبيبي انا يلا بعد الشيلة بتكلم معاك كويس وقفلت علي كدا
بعد سيدة طلعت من المكالمة قالت ليهم مش قلتا ليكم بخليها تجي غصب عنها هسي زانو تلقاها كفتها وقال ليها إلا تمشي هسي من تجي ركزو في وشها كويس احتمال تشوفو علامات الضرب، ،،،،دنيا قالت ليها قادرة يختي يلا نحنا بنطلع برا عشان نتشمشر بس انتي ي حليلك الموضوع بفوتك، ،،،،سيدة ضحكت قالت ليها م تخافي علي عندي مكان بشوف منو كل حاجه امشو انتو بس وم تقصرو في الناس وم دايرة زول يطلع وهو م اتضيف او م شرب عصير مفهوم، ،،،البنات ضحكو وقالو ليها بصوت واحد علم وينفذ ي فندم
وصلنا بيت ناس سيدة واول زول نزلت انا وبوراي طوالي والضحكة دي لي الضرس الأخير انا عارفه الحيوانه دي بتفكر في شنو هسي بس بقطعها ليها وبرضو اول م نزلنا ودقو رقصته حتيتو حت تمام بعدين اول زول دخل البيت انا واول م دخلت اتذكرت آخر مرة الاتعمل فيني في البيت دا شنو بس تاني قلتا الفات فات اعمل شنو طوالي اتناولت لي اقرب كرسي وقعدته فيهو ولا كانو البيت بيتي
سيدة انصدمت لمن شافت منظر منى التوب السمح والميكب والفرحة الكانت فيها قربت تجيها جلطة قالت ياريت كان خشمي انقطع ولا قلتا لي عباس رسلي لو مهما حصل هسي البنات بكرهني العيشة بتعرصتهم والشيلة مسخت علي زاتها.
ختينا الشيلة واتضيفنا واتوكلنا علي الله ركبته في العربية لي المرة الأولي احس نفسي مبسوطه وراضية عن نفسي تمامآ الراجل لو دارك بعمل كل الفي يدو عشان يسعدك بس لو بقي يعمل ليك امور شيلي انتي من قلبك وريحي نفسك واعملي وجودو زي عدموه واحد وم تقولي م بقدر الماسي بتقوي القلب وبتخلي الزول ينسا جبال من الحب انا تقريبآ بسبب العمايل حقت عباس طلع من نفسي ولما الزول يطلع من النفس بصبح وجودو وعدمو واحد ومدام كدا احسن استفيد منو واربي اولادي احسن تربية وبعدين كل الحاجات تطير
سيدة الموضوع من شدة غازها م عرفت تعمل شنو قالت تتصل لي عباس تشاكلو بس تاني راجعت نفسها وقالت لا لا هسي اقول لي شنو يعني انا كنت مفتكراك بتضرب مرتك وترسلها وانا حبيت اتسلي بالموضوع قدام بنات الحلة لا لا لا هسي احسن اكتمها شويه والبنات جو عشان يشمتو فيها واي واحدة تقول حاجه براها مرة ماشاء الله منى حلاتها ومرة شوفتو فرحتها وووووو الخ
الكلام دا دخل سيدة في النار وطلعها بقت تطرد فيهم وتقول ليهم امشو رفعو مع باقي البنات الحاجات وانا دايرة ارتاح واكون براي كلهم قالو ليها براحتك ومشو
وصلنا البيت وتاني ربيناها ربه تمام واي زول مشي بيتو بعد كدا واخر زول ياسمين قالت لي عاد م قصرتي شوفي ليك حاجه امسحي بيها عضامك لأني اراهنك بعدين بوجعوك من جنس الرقيص الشافنو ههههههه وطلعت مشت
جيت ماشة بي عباس زيو وزي الأرض واحد وانا اغني مبسوطه ولا كأني شايفه هو كان قاعد لي في كرسي، ،،،،قال لي اها الشيلة كيف ؟
قلتا لي والله سمحة سماح واتبسطنا فيها بسطه عجيبة قال لي ايوا كويس، ،،،عاينت لي ومشيت بقي ينادي لي يعني م ناويه ترفعي الحاجات ديل تنضفي البيت من الوساخة البقيت فيهو دي ؟
قلتا لي منو والله منى تعبانه في روحها دي شوف ليك زول ينضفو ليك ولا اقول ليك انت مالك كنت مرتاح من الصباح وم اشتغلت حاجه قوم خل الكراسي والمفارش ولقط الوساخة بيدك واذا بتقدر كنسها زاتو مالو
قال لي انتي جنيتي انا راجل م بكنس
قلتا لي ي دي راجل المطلع عينا بيها الرجال م بساعدو يعني قول لي بس انت فاهم الرجولة خطأ ي حبيبي عشان كدا م تتوقع مني حاجه تانيه وبعدين انا رفعت يدي منك ومن بيتك زمان ومافي حاجه بتجمعنا غير مصروف العيال كويس، ،،،وقمت ماشة تاني وقفنا قال لي انا نفسي اسألك سؤال واحد وتجاوبني علي بصراحه، ،،،قلتا لي اتفضل بس سريع جسمي واجعني شديد من الرقيص ، ،،،قال لي انتي الخلاك متغيرة كدا دا شنو لا وكمان واثقة من نفسك وكلامك نزلت فيك ليلة القدر ولا شنو واتمنيتي انك تتغيري واتغيرتي هههههه،،،، قلتا لي أولا ليلة القدر عمرها م نزلت في زمن غير رمضان تانيا شامة ريحة تريقة بس م علينا وثالثآ انا اتغيرت منك من عمايلك من الظلم والعمايل البتعملها لي من الجوع والفقر المعيشنا لي انا وعيالك وانت القروش العندك م ليهن حد اتغيرت من الضرب البدون مبرر اتغيرت بسبب عيالي بحتاجو لي العلاج وبلقو اتغيرت من العنف البشوفو منك كل يوم بكون عايشة معاك فيهو اتغيرت من التهم الزور والاستقوي وتشيل الذنب علي حاجات م لي فيها اتغيرت عشان انا تعبت امثل دور الضحية من قمت صغيره اتنفضت وقلتا خلاص كفايه عنف لحدي هنا انا كمان زول ومن حقي اعيش ،،،،،قال لي والله الكلام القلتي دا كله م بفيدك بحاجه احسن ليكي ترجعي زي م كنتي، ،،،،قلتا لي شنو ؟
قلتا شنو ؟
ارجع زي م كنت ؟
ههههه انت واهم نفسك يخوي والله عمرك م ابتشوفني ضعيفه قدامك عمري م بتبالد وبتبارد وبخليك ترفع يدك علي او تعاملنا بعنف انا عارفه حقوقي وحدودي كويس ومن يومي الفكرت اتغير خطيت حدود لي نفسي وعيالي مشيت ضمن الحدود دي كان بها اتخطيتها بعرف اتصرف كيف انا زمان كنت فاهمه الدنيا غلط وكانت طيبتي وغبائي اكبر جرايمي في الدنيا دي وبعد م صلحت العيوب الفي شخصيتي متوقع مني ارجع ليك تاني ضعيفه عشان تضرب فيني زي م عايز وتمشيني علي انغامك ههههه في احلامك ومشيت وخليتو متلبك وم عارف يقول شنو!!!!!
بعد ملصت ملابسي الكنت لابسهم وغسلت الميكب عاينت بي الباب شايفه بقي ينضف وماسك المكنسة وبكنس ههههه أصلا هو راجل كلامه في الفاضي
الصباح قبل م افطر شايفه فدوى جايه علي البيت عارفه جايه تشمت بس بقطعها ليها في رأسها....
يتبع.
