سيدة قامت طالعه علي بيت الجيران عباس وقف ليها في قدامها قال ليها عليك الله م تمشي ي سيدة أول كان الظروف وقفت في طريق ريدتنا ولما اتسهلت هسي انتي عايزه تخليني هنت عليك تلعبي بحياتي لدرجة دي ي سيدة؟
سيدة:_ ي عباس انا م قادرة افهمك ولا قادرة اعرف انت عايز مني شنو ؟
عباس:_ كيف عايز منك شنو دي دايره ليها شطارة دايرك انتي!!!
سيدة:_ قلتا م بتطلق مرتك عشان وصيه ابوك اتقبلت الحاجه دي لا وكمان علي حسب وضعك تعبان قلتا ليك م دايرة بيت برأي وبقعد مع مرتك وراعيت ليك ولي علاقتنا بس مرتك تجي تهيني وتضاربني في بيتنا وانت تكون واقف معاها وانا اسكت دا اكيد الحاجه ال م بتحصل
منى قالت ليها بس ي سيدة انا م ضربتك عباس عاين ليها بنهره قال ليها قفل خشمك دا الحصل ده كله بسببك م عايز اسمع صوتك ورجع يتكلم مع سيدة قال ليها انتي عارفه انا مستحيل اقيف في حاجه تكون ضدك وياها منى واقفه في قدامك وقالت ليك انا م رسلتها وهي عملت كدا من نفسها عشان م تخلي راجلها يعرس عليها عليك الله ي سيدة وافقي وخلينا ننهي الحاصل دا بردي قلبي الله يبرد حشاك
سيدة:_ عاينت بجاي بجاي قالت ليه موافقه ي عباس، ،،،عباس فرح فرح مبالغه، ،،،بس م وافقت عشانك ي عباس !!!!
عشاني انا عشان نفسي وقلبي الغلبني عشان السنين الضيعتها وانا منتظراك بس اتأكد لو مرتك رجعت عملت حاجه م برجع ليك لو السماء انطبقت علي الأرض ووقتها اوعك تلومني وتقول انا الخربت البيناتنا!!!!
عباس:_ لا لا م بحصل حاجه وعد مني ومن منى وانا الفرحه م سايعاني ومن فرحتي بعدين بمشي لي يوسف ود عمك وبحدد العرس
(_سيدة وفاطنه وعباس الفرحه م سايعاهم ومنى بتبكي علي روحها قبل اي شيء )
بعد منى وعباس طلعوا سيدة بقت تضحك باعلي صوت وقالت ليها مش انا قلتا ليكي عباس دا زي الخاتم في اصبعي؟
فاطنه:_ قالت ليها قادره ي بتي لو م كان شفتا الحاجه دي بعيوني م كان صدقته لا وكمان انتي الضربتيها وخربشتيها وعباس خلاها تعتزر ليكي !!!!
سيدة:_ ههههههههههههه ي امي منظرها وهي مكسورة خلاني طايرة من الفرح منى دي بتمثل مسكينه بس علي منو هي واحدة وشلابة شالت مني عباس بس وعد ارجعو منها بطريقه تخليها تكره اي راجل في الدنيا دي
فاطنه:_ أنا من زمان م شفتك فرحانه كده ي بتي الله يديمها عليكي سعاده ي بتي
سيدة:_الله يسعدك ي امي بس احلا حاجه بدون م اتفق معاكي علي شيء مشيتي في الخطة وقلتي كلام انا زاتي اتفاجئت فيهو هههههه
فاطنه:_ والله م عارفه بس بدون احس لقيت نفسي بقول ليه كدا ولا التمثيل القبل م تجي هههه اتمنيتك كنتي هنا عشان تشوفي عباس كيف كان عايز يخليها تلمس لي رجليني وتعتزر مني وانا مثلت المسكينه الطيبه ال خايفه علي بتها وم بتهمها غير سعادتها
سيدة:_ههههه انتي قايلاني كنت في غرفتي لا لا والله كنت مدسية وراء الشوال داك وسمعته اي حاجه وبقدرة قادر بعدين عرفت اكتم الضحكة وبعدين دي شنو مفتكرني خايفه علي بتي دي ؟ انتي م خايفه علي ولا شنو؟
فاطنه:_ لا وحاتك انا خايفه عليهم منك ومن الممكن تعمليه فيهم.
سمر جات داخله
(سمر دي بت الجيران وصحبة سيدة )
السلام عليكم ناس خالتي فاطنه كيفكم تمام؟
فاطنه:-الحمد لله ي بتي اتفضلي ناس بيتكم كيف؟
سمر:_ تمام ي خالتو بسلمو عليكي
فاطنه:_الله يسلمهم
سمر:_تعيشي ي خاله سيدة وين م تكون برا بس دايرها ضروري والله
فاطنه:_ لا لا قاعدة دخلت هسي عوضتها ادخلي عليها
سمر :_ حاضر ي خاله
(ي حيوانه مالك م جيتيني كنت دايراك في موضوع ضروري رسلت ليك ابرار اختي بس م جيتي معاها وقلتي ليها قولي ليها جايه وم جيتي )
سيدة:_والله انشغلت بموضوع اقعد احكي ليكي!!!
سمر:_بري يختي انا ي الموضوع الجيتك بي م بتحمل صبر
سيدة:_موضوع شنو كمان؟
سمر:_ بتقال عليك حاجات تتسد منها الاضان في الحي
سيدة:_ نطتت عيونها البتقال شنو م سمعت حاجه احكي لي سريع
(عاجبك كدا كسرت عيني قدام نفسي قبل اي زول عاجبك هنتني وخليتني اعتزر لزول هو الغلط علي وضربني )
عباس:_حتي لو هي ضربتك تستاهلي عشان طلعتي من دون اذني لا وكمان ماشه تاخدي قرار نيابه عني في زول قال ليك انا شافع ومنتظرك تمشي لي حياتي انا راجل وبعمل الأنا عايزه
منى :_ يعني انت عشان راجل تعمل العايزه لو صاح او خطأ انت فاهم الرجالة خطأ الراجل هو البحافظ علي مرته وبعمل حاجات تخليها تشوفه كبير في نظرها
عباس:_اتلفت ليها بضيق انتي جنيتي ي وليه انا راجل وغصب عنك وكلمه تانيه م رميتك من الحمار دا م يبقي اسمي عباس قطمي زفتك دا قال عايزه تعلمني الرجولة قال اسألي عن عباس في كل الحلة دي واسمعي الكلام البتقال عن شهامتي ورجولتي ولو مرة تاني واسمك منى اتعرضي لي سيدة او امها بكلمة غلط والله سنونك ديل م مسكتك ليهم في يدك سن سن م يبقي اسمي وياهو حزرتك
(بعد وصلو البيت قال ليها طيري انزلي سكتي ولدك البجوعر دا جوا )
منى نزلت وبقت تهز في برعي لحدي سكت بعدين رجتو لحدي م ربط الحمار ونزل الكارو وبعدين يجي يفتح ليها الباب،،،،فتح الباب دخلت قالت ليه وديت بسمة وين قال ليها طيري جيبي لي موية نشرب!!!!!
ردت ليه انا بقول ليك بسمة وين تقول لي الموية الموية تطير ان شاء الله
قال ليها انا تقولي لي الموية تطير ورفع يدو وضربها كف طيري جيبي مويه مويه تلحق حدك
منى ختت برعي ومشت جابت ليه مويه وجات شال الكوز شرب وجدع الكوز في الأرض وهي واقفه ورفع رجلينو في السرير وخت يدينو في وشو وداير ينوم!!!!!
منى قالت ليه ي راجل وريني وديت البت وين
جدع ليها المفتاح طيري طلعيها ،،،،منى شالت المفتاح ومشت علي الغرفه فتحت الغرفه شافت بسمة واقعة في الأرض بقت تعيط باعلي صوت.......
يتبع
تابعوني
