مروة وقفت وبقت تعاين لي فدوى وهي مصدومة وم قدرت تحرك يد ولا رجل شويه كدا وانتبهت علي نفسها قالت ليها كيف يعني م اختك جنيتي انتي ولا شنو؟
اكيد دا كلام بتقولي عشان تشتتي افكاري وم اقول لي امي بحقيقتك لكن بعد الكلام القلتي دا مش بس امي بفضحك مع الناس كلها واولهم راجلك مش هو سافر انا بتصل لي تلفون وكمان م بنتظرو لحدي م يجي لأ بقول ليه وهو هناك ويجي من هناك عشان يقتلك
فدوى :_ والله يختي انا قلتا ليكي انتي قولي الحقيقه لي الناس وانا حقيقتي هنا بقولها لي الناس بطريقتي
مروة :_ جات قعدت في الأرض الحاصل شنو ي فدوى م تحرقي دمي عليك الله لو بتقولي كدا عشان تخوفيني او تشتتي افكاري وم تخليني اقول لي امي وسليمان حاجه ورويني
فدوى :_ طيب الظاهر لازم اكشف الحقيقه قدامك خليك قوية كويس هههههه وم تنصدمي لي في قدامي عشان م عندي حيل عشان اشيل او ارفع وانتي عارفاني حامل في الشهور الأولي والدكتور قال لي ارتاحي وم ترفعي حاجات تقيلة ههههههه
مروة:_ بطلي تلعبي بي اعصابي اكتر من كدا وقولي لي الحاصل شنو ؟
فدوى:_ م تمشي لي امي وهي تقول ليك الحقيقه ومدام بتتنرفذي فيني زي دا م بتكلم زاتي عايزه انوم وارتاح شويه عندي مواعدة بعدين بليل وح افضل صاحية لي وقت متأخر من الليل ههههههه
مروة :_ طيب خلاص سكته قولي لي عليك الله
فدوى:_طيب مدام كدا اسمعي زمان لمن كان عندي عشرهه سنه كنتو انتي واختي لسه م اتولدتو واكيد عشان كدا شايفه فارق السنه بيني وبينك كبير ومن المفترض انا وانتي طرايد وبنشاف انا اكبر منك تقول بقرين عشرين سنه هههههه يلا م علينا انا الزمن داك صاح كنت صغيره بس كنت بشوف امي بتجيب في الراجل مكان ابوي من عندي خمسه سنه اي نعم انا كنت صغيره وم كان صح اشوف الحاصل قدام عيوني وم اقول ليك امي م كانت بترسلني عشان ألعب بلعكس كانت بتعمل العليها وبتديني جنية حديد عشان اسكت وامشي ابيع لي حلاوة وألعب هعهههههه بس زي م تقولي انا كنت عارض وبريد امي شديد ولاصقه جنبها حتي لو رسلتني ألعب كلها عشرهه دقائق بالكتير وبجيها راجعه وبمسكها بالثابته وكنت بسالها امي دا منو بتقول لي(خالك جدك عمك إلخ )يومي اسم جديد لمن تم عمري سبعه سنه بقيت اعرف شويه شويه كانت امي بتهددني بالسكين وبتقول لي لو كلمتي ابوك بقتلك وانا كنت من خوفي منها ببكي وبزعل وبكون متطره اسكت عشان امي م تضبحني زي م بتقول لي لحدي م في يوم ربنا داير يكشفها ابوي رجع بدري من الشغل ولقي عمر جارنا مع امي وحصل الحصل وضربها وطلقها والزمن داك انا تميت العشره سنه ولو لاحظتي السنين العدت دي كلها علي راسي امي ماشه في الحرام من زمن قبل اعرف لحدي م عرفته وامي من حظها الكعب بقت حامل الفتره دي وجابتك انتي ونسبتك لي ابوي بس ابوي كان دائما بقول انتي م بتو وامي اتفضحت والناس بقي م ليهم شغله ولا عمله وبعدك انتي وبعد م ابوي طلق امي كان مفترض امي تتوب وترجع لي ربنا بس وحاتك م حصل وم خلت زول في الحلة دي م مشت معاه وجابت سناء وكانت دائمآ بتقول ليكم انكم اخواتي وبنات ابوي بس انا عارفه الحقيقه ابوي وراني كل حاجه ولما ابوي مات رجعنا بيت ابوي وبقينا عايشين فيهو وانتو مفتكرين انكم اخواتي بس في الحقيقه انتو بنات حرام ومافي زول عارف ابوكم منو بضبط كدا من كتر عدد الناس الكانت امي بتمشي معاهم وجيران وكتير من الناس عارفين انتي وسناء م اخواتي بنات ابوي بنات امي بس
مروة :_ لا انتي كذابه بتكذبي علي وبقت تبكي اكيد القلتا دا كلو تأليف منك بس عشان اسكت علي العملتيهو وم اقول لي امي علي خيانتك لي راجلك
فدوى :_ ههههههههههههه وحلاتي العسل ال م مصدق لا صدقي يختي انتي بت حرام وبكاك م بغير الحقيقه انتي بت حرام ولو ماشه تكلمي امي طيري وريها بس الحقيقه عمرها م ابتتغير ولا ح تتغير وامي م ابتقدر تقول حاجه عشان نحنا طالعين ليها مش بقولو البت بتطلع لي امها بس خلاص كلنا طالعين ليها في قلة ادبها ومشيها البطال ياخ بعد م ابوي مات بتقول ماشه تشتغل بتمشي لي الرجال وتجيب القروش تربينا بيهم _اها اذا كان انتو بنات حرام وانا مربية بالحرام متخيلانا نطلع سيدات اعمال يعني عليك الله طيري كدا ولا كدا وجعتي لي راسي وطلعت وخلتها مصدومة في امها الكانت مفتكراها مثلها الأعلي تطلع كذابه وخاينه وماشة في الحرام
كنت قاعدة ياسمين نادتني بفوق قالت لي م تعملي قهوة ياها جاهزه تعالي بس اشربي، ،،،،شلتا حاجاتي حقت قهوتي ومشيت عليها ،،،،قالت لي م كان تجيبي حاجه انا مش قلتا ليكي ياها جاهزة؟
قلتا ليها م مشكله م فيها حاجه انا جبتهم قبيل وقلتا اناديكي لكن مدام ناديتيني قلتا اجيبهم ليك وبكره نشرب بيهم!!!!!!
ياسمين :_م مشكله جيبيهم وينهم الأولاد م جبتيهم معاكي ؟
منى :_ نايمين يختي!!!!
ياسمين :_ طيب افترضي صحو وبقوا يبكوا؟!
منى :_ لا انا منوماهم في الراكوبة الجنبك دي لو واحد صحي بسمعو خلينا نشرب هسي راسي عايز يتكسر.
ياسمين جابت القهوة وجات قعدت جنب منى وكبتها قالت ليها اها م قلتي لي يختي !!!!!
اقول ليك شنو ؟
_عباس ماشي معاك كيف ؟
_بمشي معاي كيف ياهو بحاول يتقرب ويعمل الحاجات البتعجبني وبقي م بتضايقني بس م عندي ليه حاجه !
_طيب مش كفايه تفكي الحصار عليه ؟!
منى :_ ياسمين م تعكري مزاجي ساي
ياسمين:_ منى انا عايزه مصلحتك والله وانا م بضرك صدقيني وشايفه الموضوع دا في مصلحتك كفايه لمي اسرتك كلها عليك
منى :_ عارفاك دايرة مصلحتي بس دا م زمنو قولي لي عاملة شنو مع صالح؟!!!!!
ياسمين :_ ضحكت هي يا يمه صالح راجل السرور يوم واحد م زعلني الله يخليهو لي والله لو طلب عمري بديهو ليهو بدون نقاش !!!!!
منى :_ سيدي ي سيدي الله يخليكم لي بعض منى كانت بتشرب كدا سمعت برعي ببكي بصوت عالي اتنفضت وختت الفنجان من يدها قالت ليها بجيك بعدين خلي امشي اشوف برعي بالصوت العالي دا كدا مالو بس جيت داخله الراكوبة كدا اتفاجئت من الشفتو وبقيت متصلبه في مكاني شفت........
يتبع .
