الصباح عباس وناصر جهزو نفسهم وقالوا ماشين علي مكان العقد وممكن يكون عباس اكتر زول مستاء من يوم عرسو لي الدرجة دي بس م بقدر يعمل حاجه عشان الناس م تشيل اسم سيدة وتلف بي البلد وهي م عندها يد في حاجه ومشاعرو دي حاجه ليهو هو وبس
بعد الناس قعدت لي العقد واي حاجه أولاد عم سيدة وبعض من اصحاب عباس و المأذون عايز يبدأ يعقد سيدة وقفت ليهم في قداهم الناس بقت تتطاقش وفي البقول الجاب البت دي هنا شنو والبت دي م مربيه وأولاد اعمامه قومو الدنيا وم ختوها كيف يعني تجي هنا وفي واحد ضربها كف وقال عايز يطلعها من الصيوان وقفت في قدامه قالت لي قبل م انا اطلع من هنا عايزة اقول ليكم حاجه ولازم تسمعوني ود عمها واحد قال ليها طيري من هنا اسي وبعدين قولي العايزه تقولي كفاياك فضايح في حقنا، ،،،قالت لي لا م ماشة مالم تسمعوني ،،،،عباس قام وقف قال المجنونه دي مالها والجابها هنا شنو ودايرة تقول شنو ؟
المأذون قال لي ود عمها خليها تتكلم نشوف الحاجه الدايرة تقولها شنو ؟!!!
قالت ليهم عباس دا انا م دايرة م تعقدو لي عليهو انت سامعني ي مولانا انا م موافقه علي العقد دا واكيد البت موافقتها مطلوبه عشان العقد يتم وانا م موافقه عديل كدا علي عرسي من عباس، ،،،،هنا خلاص كل الموجودين بقو يتسالو ويقولو هم جايبننا يلعبوا بينا ولا شنو ودي شنو الفضيحة العملتها البت دي وهي زمن م دايرة عرس جابرنها لشنو م كان يحلو مشاكلهم قبل م يتورطو ويعزمو الناس، ،،،،ود عمها ضربها كف تاني وجراها طلعها برا الصيوان ووداها لي حاجه فاطنه قال ليها امسكي بتك ال ما مربية دي لحدي بعدين نحنا عندنا معاها كلام تاني ،،،،،حاجه فاطنه اتحيرت قالت ليها كنتي وين والوداك الصيوان شنو في نص الرجال وهم بعقدو وريني عملتي شنو ي مجنونه خليتي الناس ديل زعلانين منك كدا ،،،،،قالت ليها الكلام دا واضح ي امي عباس انا م دايرة وم بعرسو لو يبقي آخر راجل في الدنيا دي وجرت دخلت غرفتها، ،،،عباس كان واقف ومصدوم وم عارف سيدة عملت كدا عشان شنو مش هي كانت مبسوطه وبتقول ليهو بحلم متين عرسنا يتم طيب هسي دا شنو الجات عملتو قصاد الناس ديل قصدها تزلنا انا وأولاد عمها ولا فهمها شنو؟
ود عمها قال لي المأذون فكك من كلام المجنونه دي خلينا نتم العرس، ،،،المأذون قال لي مدام العروس م موافقه انا م بقدر اتم العرس دا، ،،،،واحد من أولاد عمها نط وقال ليهم بعد اذنك ي شيخنا مدام بت عمنا قالت م دايرة الغريب يبقي نحنا أولاد عمها أولي بيهما، ،،،،تاني كل الموجودين في الصيوان رجعو يعلقو ويقولو دا شنو البقول فيهو الولد دا ،،اخوه الكبير قال ليهو انت جنيت ي احمد دا كلام شنو ؟
احمد رد لي معليش اسمعوني لي النهايه انا بيتي جاهز وعندي البعيشني الحمد لله وبت عمي دي واحدة وانا عايز اعقد عليها واحافظ عليها زي م عمي وصانا وهسي امشو اسالوها لو قالت موافقه انا بعقد عليها هسي في مكاني دا !!!!!
اخوه الكبير وكل اخوانو الباقين اعتزرو من عباس ومن الناس القاعدين ومشي عشان يعرف رأي سيدة في الكلام الجديد الحصل مؤخرا دا !!!!!
ناصر جر عباس وبقي يقول لي ي سيدي اتبسط انت كجور ولا شنو لمن ربنا دا وقف معاك كدا كنت عايز تتم العرس عشان الفضيحه بس ربنا حلالها ليك بطريقه تانيه ان شاء الله تبقي ليك درس وم تغلط تاني وتحافظ علي بيتك ومرتك وأولادك وإياك تبتسم في الصيوان دا عشان الناس م يقولو الموضوع عاجبك هههههه
شوية كدا ومجدي جا داخل وقال ليهم العروس قالت موافقه وتم عرس سيدة علي احمد بدل عباس طبعآ الزغاريد والروراي الناس مفتكرين عباس وسيدة وعمرهم م جا في بالهم أنو سيدة واحمد.
ي امي انا قلتا اصلح اغلاطي انا من قمتا بعادي في الناس ديل وم كسبت حاجه غير كرههم لي بجد انا تعبت وانا وعباس دا ياريت عرفت من زمان انو م بناسبني وعارفه اني غلطه لأني اتحديتكم ووقفت قدام الناس وقلتا ليكم م دايرة بس بجد م كان في يدي حاجه غير القرار دا وإلا كان عقدو لي علي وبعدين أحمد احسن لي من عباس علي الأقل من زمان كان دايرني بس انا البصدو وعارفه انو بحافظ علي وبحميني وبستحملني لأنو ابوي الله يرحمه وصاهم علي، ،،،،هي ي بتي الحصل حصل ومبروك عليكي أحمد حافظي علي لأنو مافي زول غيرو لم الفضيحة الكان ممكن تحصل وعافيه منك دنيا وآخره
كنت في البيت بس كانو قلبي ده فيهو نار وبحاول اتجاهل الموضوع بالشغل والنضافه مع انو البيت نضفتو مرتين قبل كدا بس تاني بقيت انضف فيهو لي المرة التالتة عباس هسي بكونو عقدو ليهو، ،،،تاني اقول هوي م يعقد كان عقد هو أصلا مشي هناك عشان يعقد، ،،، شويه كدا واشوفو خاشي قلتا بسم الله هسي دا متين عقد والناس باركت لي، ،،،قلتا لي مبروك ي عريس بيت مال وعيال
_قال لي بحبك !!!!
_بسم الله ي راجل حب شنو البتحبني ليهو هو مش هسي عقدو ليك وبعدين الجابك سريع كدا شنو ؟
_ي منى جد بحبك وبقي يحكي لي بكل الحصل قلتا اها لا لا كويس الله يعوض عليك بوحدة تانيه م عارفه الكلمة دي طلعت مني كيف بس المهم قلتها، ،،،،قال لي دا كلام شنو دا ي منى واحدة تانيه بتاعة الساعة كم انتي هسي واعية لي الكلام البتقولي فيهو دا انا م داير غيرك تاني
_انت عمرك م درتني كويس وانا م دايراك وانت بتعاملني ك وقت فراق وانا الحاجه دي م دايراها وياريت علاقتنا تستمر زي م هي في حدود العيال وانا زي م قلتا ليك لو م كان عندي مكان اقعد فيهو م عيالي م كنت قعدته هنا عشان كدا خليك بعيد عني وربنا يعوضك لي المرة التانيه ومشيت وخليتو اتبسطه ياخ انبساط في الدنيا دي مبالغه عديل زاتي م قادرة افهم نفسي انا عايزه شنو بضبط كدا بس م علينا المهم حسيت قلبي ارتاح، ،،، أما عباس قال انت الخليتها تصلح لي درجة الكره دي اتجاهك ي عباس عشان كدة لازم تاخد فرصة وتصلح كل الاتكسر بسببك انا عارف م بالساهل تنسيها المضي بس م مشكلة حاول واكيد منى قلبها م قاسي لي الدرجة دي وإلا م ترضي معاي
سليمان كلام منى مع انو م صدقو بس اكيد حس بالشكل يعني في بعض من كلامها حقيقي ياربي هسي كدا انا اصدق منو منى عمرها م كانت كذابه صح انا م بريدها وبطلعها كذابه بس هي م بتكذب وانا كنت بتهمها عشان اكره الناس فيها لأنو ابوي كان دايمآ بفضلها علي وانا الراجل م هي وبعدين فدوى دي احتمال يكون الكلام فيها صح بس اثبت كيف اذا كان الكلام صح ولا لا لحدي م وقعت لي فكره قال بس دا الممكن يثبت لي صحة كلامي.
يتبع .
