عباس خاف قال احسن النمرق المرة دي بقت خطيره وم ابتنضمن هسي تطلع لي بموضوع تاني وانا الاولاني م خلصان منو هسي اجيبهم ليها من وين كان كدا إلا امشي لي محمد صاحبي اشيل منو القروش المسكتهم لي واجي ادفعهم ليها ناس الحلة ديل عارفني ظالمها وساكتين وم دايرين يتدخلو عشان منى م استنجدت بيهم لكن مدام هددتني تمشي ليهم في محلهم اكيد بجيبو ليها حقها وبعدين الحمد لله جات علي العشرين ألف وم طلبت حاجه اكتر وإلا كان انشليت لبس شبطو وطلع من البيت علي بيت محمد صاحبو
منى من السعاده لمن م قدرت تقعد في الأرض قالت والله صاح الرجال المرة لو سكتت ليهم وقدرتهم وفوتت ليهم اغلاطهم مرة واتنين وتلاته بعملها زي الجزمه وكل مرة يدوسو عليها وهم مطمنين وعارفين انها م ابتقول ليهم حاجه بس لو قوت وعرفت حقها بتقدر تطلعو من عين العفريت الحمد لله سمعت كلام ياسمين وإلا كان لي يوم الليله في محيط الظلام الكنت عايشه في طول عمري
أثناء م منى قاعدة سارحة مع نفسها سمعت زول بنادي ليها ختت برعي ولده في السرير وطلعت لقتها دي ياسمين واقفة ليها بفوق للحيطة منى مشت عليها اهلن ي ياسمين
ياسمين :_ صراحه م قدرته اصبر لي بكره لمن تجيني ههههه لانو شايفه راجلك هسي طالع وشو م بتفسر لمن مشيت اكشح الوساخة قلتا لازم اجي وأسألك اها يختي الأمور مشت كيف؟
منى :_ ههههه تمام واخر حلاوة وهسي من الصباح بدعي ليكي ربنا يرزقك الخير لأنك نورتي لي بصيرتي وخليتني اشوف الدنيا صاح واعرف حقوقي
ياسمين:_ ههههه لا ياخ نحنا اخوات وانا مبسوطه لأنك ماشة تفهمي الحكاية صح اها طلبتي كم قبيل نسيت م حددت ليكي وعارفاكي بتكون بتخافي منو وم ابتطلبي مبلغ عديل
منى :_ طلبت عشرين ألف
ياسمين:_ لا إله الا الله انتي جنيتي هسي دا طلب ليكي العوين من وراء الرضوية دي بسون الدهب انتي طالبة ليكي عشرين هسي ديل بصرفنك عديل ان شاء الله عشره يوم زي الناس كان تستغلي الفرصة دي عشان م ابتتكرر تاني اعمل فيكي شنو بس قولي لي زاتي غلطانه استعجلت كان اتفاهم معاك أول في الموضوع دا بعدين امشي
منى :_ ولا تزعلي روحك هسي خلي يجيب ديل وتشوفي البشيلهم منه لسه تاني والله اندمو علي العرس العرسو انا م بمنعو من العرس بخلي يعرس عشان يعرف سيدة دي علي حقيقها ويكرهه وانا تاني م سكته ولا اديتو فرصه فيني
ياسمين:_ صح كلامك م مقنع بس م مشكله شيليهم وخلينا نشوف بنعمل فيهم شنو مع اني زعلانه منك طفله انتي لمن تتغشي ليك بعشرين ألف الطفل لو قالو لي اطلب العايزو بطمع خلي انتي الكبيرة الناقصك كل حاجه
منى :_ والله جات معاي كدا اعمل ليها شنو يعني
ياسمين:_ طيب م مشكله شيلي ديل وبفكر ليك في حاجات تانيه تفتكري بجيب ليكي توب مع العروس في الشيلة؟
منى:_ هههههه هسي دا سؤال تساليهو م انتي عارفه والله توب لو يطير علي يرجعو وخصوصآ بعد العشرين ألف البدفعهم من دم قلبو بس ي ستي علي راحتو لو م جابو م عايزه لي
ياسمين:_ كيف م عايزه دا حقك ويدفعو غصب عنو قولي لي دايرة ابيع ملابس لي الأولاد
منى :_ بس كدا م بكون عصرت علي
ياسمين:_ ي زوله انتي في يدك شنو تعبانه في القروش عشان تعملي ليهم حساب وبعدين عباس دا الناس كلهم عارفه انو بكسب حلو من شغلو دا وشوف عينك م بصرفهم فيكي لا انتي لا عيالك اها بوديهم وين اكيد تلقاهم قاعدات مخزنهم هنا ولا هنا وبعدين انتي متذكره اخر مرة فرحتي عيالك ولبستيهم جديد هسي استغلي الفرصه وفرحيهم اشتري ليهم ملابس وبجامات بدل الكملو فيهم ديل
منى :_ معاكي حق انا تاني م بعمل لي اي توفير لي قروشو ديل وخليني اشوف نهايتو
ياسمين:_ طيب يختي بكره بجي عليك ويلا امشي لي ولدك حسو بكورك وانا زاتي صالح قاعد دايرة اعمل لي شاي المغرب يلا سلام
_حبيبي
_امممممممم
_خلاص جاهزين لي بكره ي سيدة قلبي
_اي كل حاجه جاهزة اشترينا العصائر والحاجات وحتي الناس عزمناهم لي الشيلة
_طيب حلو م مصدق انو بكره شيلتي عليك !!!!!
_ولا انا حبيبي بدور اسألك سؤال!!!!!
_قولي ي سيدة قلبي
_اها بكره مرتك بتجي في الشيلة ولا لا
_والله براحتها لو حابه تجي تجي ولو لا براحتها مافي زول بجبرها بقول ليها إلا تمشي وبعدين احسن م تجي زاتها
_لا لا ياخ بلعكس خليها تجي هي بتخاف منك هددها وقول ليها إلا تمشي
_بس انتي لي مصره كدا انو منى تجيب مع الناس الشيلة؟
_ عايز الناس يشوفها ويقولو هي موافقة عشان كدا جات مع الشيلة وبعدين م تقول لي علي كيفها لو عايزه عايزه ولو لا لا انت بتقدر تجبرها وبعدين هي بتخاف منك وم بترد ليك طلب عليك الله اعمل كدا وخليها تجي عشان سيدة حبيبتك دا أول لي طلب م تردني
_عباس طيب تمام بشوفها ليك وان شاء الله بتجي
(عباس بعد قفل من سيدة بقي يفكر ح يعمل شنو وكيف بقنع منى تمشي الشيلة بعد م وعد سيدة أنها بتجي ومنى ياترا رد فعلها بكون شنو وخصوصآ م شايفها بقت تخاف مني بعد التغير الشفتو فيها اليوم حتي الخوف الكنت بشوفو في عيونها لمن اتعصب عليها الليله م شايفو بلعكس شايف زول واثق من نفسو شديد بس انا لازم اخليها تمشي الشيلة بي اي طريقه )
منى عملت العشاء واكلت واكلت بسمة وطلعت ونامت من بعد العشاء عباس لسه م جا بس وحياتكم ولا هاميها علي كيفو ومجرد م غرقت في النوم في زول هبشها من كتفها قامت مخلوعة قالت بسم الله دا منو دا لقت عباس قدامها قال ليها مالك اتخلعتي كدا ؟
قالت لي انا نايمه وزول هبشني من كتفي كدا متوقع مني شنو وبعدين داير شنو ،،،،،قال ليها روقي براحه تعالي داير اتكلم معاك، ،،،،قالت لي امشي هسي بلحقك، ،،،بعد مشي منى شويه وقامت مشت علي وبقت تقول هسي دا داير مني شنو هسي والموضوع المهم شنو بخلي م ينتظر لي الصباح ويصحيني من نومي
وصلتا عباس ووقفت بفوق لي قال لي اقعدي قعدته وقلتا لي داير شنو لانو نعسانه وم دايرة النعسه دي تفك
قال لي دايرك بكره تمشي مع الناس وتودي الشيلة
انا هنا طوالي ابتسمت قلتا في قلبي دا م طلبك انت ي كلب دا طلب الهانم عشان مفكره انها بتغيزني بس طلبها دا بكرهه لي ابتسمت بخبث قلتا لي بس كده حاضر ي حبيبي بمشي الشيلة بس عندي شرط.....
يتبع .
