هوي مستحيل عباس يعمل كدا انتي اكيد بتكذبي، ،،،والله يختي لا بكذب لا بعرف لي الكذب ياهو المقطع قدامك شوفي واسالي الناس الحضرو الحفلة كلهم من الحصل فيها وعباس خلي الحفلة وطلع وناصر صاحبو اتطر يوقف الحفلة عشان يلحقو يشوفو مشي وين والناس بقت تقول زمن هو داير مرتو بعرس تاني لي وانتي عارفه ناس الحلة والشمارات
سيدة بقت تبكي، ،،،دنيا فرحت من جواها لمن شافتها كدا وقالت في قلبها دوقي شوية من الدوقتي لي الناس ومنى بتحديد انتي العملتي فيها مافي زول في الدنيا دي بقدر يستحملو وطلعت علي كدا
حاجة فاطنه جات داخلة قالت ليها بتبكي علي شنو ي سجم رمادي دا الأنا حزرتك منو قبيل بس انتي م راضية تصدقي كلامي قلتا ليك عباس دا م رايدك بس انتي اصريتي علي عشان تنتقمي من منى بس عجبني ليك انتي م خليتي ليك عزيز في البلد دي عشان يقيف معاك وأكبر دليل صحباتك بفتشن ليكي في حاجة عشان يزلنك بيها واول م وقع في يدهن حاجة تحرق دمك م اتاخرن ولا دقيقه واحدة انا م بقول ليكي وقفي العرس عشان هو الصباح لا عرسي بس تاني انتي ونفسك وابعديني من مشاكلك دي كويس عشان انا تعبت منك ومجرد م تعرسي الراجل القلتي إلا تعرسي برفع يدي منك خلاص وانتي ونفسك تاني
لما البيت راق ورجعتا وبعد م ملصت ملابسي بقيت افكر في الحاصل دا كلو واقول انا م كان البس ولا اعمل زي م ياسمين قالت لي هسي حاسه بتانين الضمير إتجاه عباس مع انو هو الغلط في حقي طيب لو الخبر وصل لي سيدة ياترا البتعملو شنو البت دي هي ساي كارهاني كره العمي هسي م بستبعد تعمل فيني او في أولادي حاجه جد راسي جايط شديد مابين مشاعري ال م قادرة اتحكم فيها دي إتجاه عباس مع انو م عمل لي حاجه كويسه زي النسوان بس مشاعري دي م عارفه هي منجرفه عليه لي ومابين خلاص قرفته من العيشة العايشاها معاه دي وبين لو خليت لي البيت م بعرف امشي وين او اعمل شنو
أثناء م انا بكمل في النضافه عشان اشغل نفسي شويه عن التفكير عباس جا داخل وم قال لا احم لا دستور اظنو نسى حاجه وجا يشيلها ويمشي العقد بكره من بيت ناصر صاحبو وم عندو عزومة بعد العقد الناس كلهم معزومين في بيت العروس عباس اتفق علي الشيء دا مع سيدة وودا ليهم الحاجات هناك نظام م عندو ام لا اخت عشان يتابعوا الترتيبات هنا ويقيفو علي الناس البجو ديل ياكلوها ويشربوهم ويشوفو الحاجة الناقصاهم شنو بس الحفلة بالمساء هنا في البيت
عباس دخل الغرفه وانا عاملة م مركزه معاه بس جد مركزه نفسي اسألوا من حاجات كتيره بس حاسه اني فقدت الحق من اني اسألوا، ،،،شال حاجاتو وجا طالع حاولت كتير م افتح خشمي واتكلم معاه بس بدون م احس قلت لي اها حاجاتك شلتهم كلهم ان شاء م يكون نسيت حاجه تانيه عشان م تتعب تجي لي راجع تاني ،،،،،عباس لما منى اتكلمت معاه حس بالراحه وقال الحمد لله م طلعت زعلانه مني عشان العملتو، ،،،رد ليها لا م نسيت شيء ومشي لحدي الباب وتاني جا ليها راجع قال ليها منى انا آسف
_علي شنو ؟!
_علي الحصل في الحفلة!!!
_لا م مشكلة انسى الموضوع زي م انا نسيتو ولو علي الناس هم زاتهم م ليهم شغله ولا عمله غير الكلام علي الناس عشان كدة م تشتغل بيهم !!!!
_منى انا بحبك والله م تقولي لي شنو ولا شنو بس جد م حسيت بالمشاعر دي إلا الليله يعني جد م عارف اقول ليك شنو بس انا حبيتك حب العشره زي م بقولو كنت مفتكر طول السنين المضت دي اني بحب سيدة بس لقيت نفسي معاكي وعلي م اعتقد الاتحملتي مني انتي ولا سيدة ولا مليون واحدة زي سيدة بتحملو جد انا خلاص عرفت قلبي جد جد مايل لي منو؟!!!!
_ههههههههههههه انت عمرك م حبيتني ي عباس ولا بتحبني زي م بتقول لي زمان انت حاسس اني مفروضة عليك م اكتر حاسس اني حمل كبير بس علي قلبك ومتمني كيف تتخلص منو انت بس عايزني ملكك تضرب وتهزء وتعمل العايزو بس مافي زول تاني غيرك بحق لي يشوفني سمحه ولا يتكلم معاي انت بس وجعك كلام الناس م اكتر وابشرك انا خلاص م عايزاك في حياتي انا شفت منك بما فيي الكفاية وانت دايرني بس دايمآ تحت جناحك وأول م عرفت اني خلاص قويت من دونك وبقيت أقدر اواجهك قلتا هوي إلا ارجعها تتزل لي تاني بس عايزاك تخت في راسك انو دا مستحيل يحصل تاني ومنى القديمه انا دفنتها وشلت عليها الفاتحة خلاص منى الجديدة م ينفع تتهان ولا تنضرب عارفه الليها والعليها وبتعرف تتعامل م اي زول يقلل من قيمتها وتوقفو في حدو كويس
_ ي منى اديني فرصة عليك الله
_فرصه اي فرصه انا بقول ليك انت عايز تعمل شنو لأنو فاهماك كويس انت عايز تتزوج سيدة وتكون في نفس الزمن كسبت حب حياتك وعايز توهمني بالحب وتخلينا نحنا الاتنين تحت جناحك وعايز سيدة تعمل فيني العايزه وانا متأكدة م ابتقدر تقول ليها دا غلط ودا صح عارف لي عشان بتحبها وبتخاف عليها تزعل انت ي عباس كنت راجل منى القديمة ومسيطر عليها بس منى الجديدة قوية ومستبدة وم ينفع غيرها هي تكون مسيطرة علي حياتها وتمشيها بالطريقة البتحبها هي
_طيب انا أصلا م بفضح بت الناس واوقف العرس بس عايزك تعرفي لو انا بحب زول ف هو انتي
_هههه حبك م بلزمني ومبروك مقدمآ ي عريس انا م بقدر اجي العقد لي ظروف خاصة بي بس وعد في حفلة الزفاف بكون أول الحضور وخليتو ومشيت
عباس طلع وهو لي اول مرة شايل خيبة أمل كبيرة في حياته جد عمرو م اتوقع انو م يكون مبسوط وبكره عرسو علي حبيبتو الكان بتمناها من زمن كان مراهق يعني الحياة دي لعبت معاه لعبة غريبة كدا البت البحبها مشاعرو اتجاهه تتجرد والبت الكان مفتكرها حاجه تقيلة علي قلبو ومتمني يتخلص منها بي اي طريقة يحبها ويكتشف انو بحبها إلا يوم عرسو علي حبيبتو يعني لخبطه كدا عجيبة بس تاني مافي مفر من الممكن يحصل وصل بيت ناس ناصر وفضل صاحي ومتمني الليل يطول والصباح م يجي
بعد عباس مشي بقيت ابكي قلبي بقول لي كان تسمعي منو وعقلي بقول لي اخدتي القرار الصاح انت تستاهلي تكوني مبسوطه من دونو يعني الصراعات دي خششتتي في دوامة رهيبة وبقيت افكر لحدي م نمته
سيدة شالت الليل كلو بكي يعني اتضح عباس بحب مرتو وهي اتدخلت تاني وخربت بيناتهم اتضح ليها انها م عندها حبيب في الحلة دي كلها وحتي صحباته البمثلو ليها أنهم واقفين معاها كارهنها من جواهم ومنتظرين فيها أقل عترة عشان يشيلو نايحتها ويقومو بيها اتضح ليها انو امها كان معاها حق وكان تسمع كلام امها وتبعد عن عباس واتضح ليها انو الراجل المتزوج مهما مثل علي بت انو بحبها في النهايه م ليهو غير بيتو وعيالو وحبو لي مرتو الممكن يكتشفو في اي زمن ويغير مجريات الأمور كلها اتضح ليها أنها غلطت كتير م عملت حساب لي أبوها المتوفي الكان بحبها شديد وعمرو م نقص عليها حاجه وختت سمعتو في الأرض لمن قبلت تطلع مع راجل متزوج والناس كلهم شايفنهم وهي الموضوع م هاميها مع أنو كان ممكن تفكر انو لو باعها مرة بقدر يبيعها مرتين وتلاته وعشره حتي امها زعلانه منها ،،، مسحت دموعها وقالت بس انا بعمل الفكره الجات في راسي دي بكره واصلح بيها كل اغلاطي وان شاء الله الموضوع يظبط وفضلت منتظره باقي الليل لحدي م أصبحت .......
يتبع.
