واااااااي ي ياسمين افترضي انو ضربني اها انا اقول ي منو واقبل وين انا يومي الاتهمتها هاج فيني وقلتا بقتلني هسي عايزاني امشي اقول ليهو الكلام القلتيهو دا والله عمري إلا ينتهى وم الحق اربي وليداتي ديل
ياسمين :_ ي بت بطلي خوف كتير هو انتي بس بتمشي تقولي لي القلتو ليكي وهو لو م صدق الشك بدخل في قلبو والراجل لما الشك يدخل في قلبو عارفه براك الممكن يعملو شنو دا ممكن يقوم الدنيا وم يقعدها الشك دا عامل زي المرض الخبيث بيفضل ينخر في جوا الشخص وبعدين انتي براك قلتي يساعدوك ودا انسب حل صدقيني
منى :_ هي كمان م بالطريقه دي ي ياسمين يعني كدا بضحي بعمري وانا دايرة اربي عيالي
ياسمين:_ منى بطلي خوف احسن والله حاجه واحدة م بعملها ليكي انتي بس خوافه ونحنا اتفقنا الخوف دا خلاص تختيهو علي جانب واتكلمي معاه كلام ثقة كلام زول واثق من كلامه و م بخبط في الكلام ساي
منى :_ والله م عارفه اقول ليك شنو بس خايفه
ياسمين:_ لا م تخافي ان شاء الله م بحصل ليكي حاجه
الصراحه الخطه القالت لي ياسمين اعملها صعبة بس برضو انا دايرة افتح عيون اخوي علي البحصل في حياته وهو م شايفو شلت توبي ولقيت عباس في قدام الباب وكنت جد م منتبهه عشان بالي في سليمان لحدي م اطاقشت معاه، ،،،قال لي مالك مجنونه ولا م ابتشوفي اتعميتي يعني ؟!!!
قلتا لي عباس والله انا هسي م فايقة ليك ولا لي كلامك واحسن خليني ساكته وافرض اني كنت شاردة انت مالك عيونك ديل م بشوفن، ،،،،قال لي بغض النظر عن عميان ولا لا دا م بتخصك ماشة وين شاردة كدا ؟!
_ ماشة لي سليمان اخوي
_عندك معاه شنو ؟
_ كيف يعني عندي معاه شنو ؟!!! هو م اخوي ولا شنو _ وبعدين من متين الاخوان عشان يشوفو بعض محتاجين سبب او حاجه ؟!!!!
_ منى العبي غيرها انا علاقتكم دي مفتكراني م عارفها ولا شنو عمرك انتي وسليمان م كنتو بتتصرفو مع بعض زي الإخوان العاديين العبي غيرها
_والله نحنا حرين نتشاكل ونتصالح بطريقتنا ومافي زول يتدخل في علاقتنا وبعدين نتشاكل من جوا بس م بنكون شايلين حاجه في قلوبنا اتجاه بعض ونحنا م لينا في الدنيا غير بعض وهو بفضل سندي بغض النظر عن كل حاجه
_منى ماشه لشنو وبعدين وشك دا م وش زول ماشي يسلم لو في حاجه قولي لي عليها اي نعم انا م معترف بيك ك مرتي بس بفضل مسؤول منك ومن كل حاجه بتخصك وح افضل احميكي
_تحميني من منو ي عباس ياخ انا قلتا ليك ماشة حرب عشان تحميني قلتا ليك ماشه لي اخوي عليك الله بطل كلامك دا خليني امشي سريع عشان إتأخرت
_مع انو كلامك م اقنعني بس م بقدر امنعك و اقول ليك م تمشي لا امشي بس لو حصل حاجه او احتجتي لي حاجه كلميني
_ قلتا لي عليك الله م تمثل انك خايف علي الحاجه دي م جايه معاك من الاساس يلا مع سلامه خلي بالك من العيال انا شوية وبجي ولو برعي كورك وانا إتأخرت في حليب في الحلة اديهو يشرب
_ هوي ي زوله مالي ومال عيالك انا لا عارف عيال ولا بسكت عيال
_ي زول هم عيالك وانت حر خليهم يتعايطو يلا سلام
مشيت علي مكان دكان سليمان وكل م اقرب علي الدكان قلبي بقول لي ارجعي بس عقلي بقول لي واصلي وفعلآ سمعت كلام عقلي وامشي وارجع وامشي وارجع لحدي م وصلت قدام الدكان قلتا لافه راجعه سليمان نادا لي ي منى ي منى
اتلفت علي
_تعالي مالك راجعه بعد وصلتي ؟
_لا مافي شي
_طيب قربي هنا اتكلم معاكي بدل الغاشي والماشي سامع فينا
مشيت علي وانا خايفه حاسه قلبي برجف قال لي الجابك شنو هنا ادخلي جوا في النعقريب دا اقعدي، ،،،دخلتا وقعدته، ،،،قال لي جاتك من وين اول مرة تعمليها وبعدين م تقولي لي اتشاكلتي مع راجلك وخلتي لي العيال والله تخليهم م تخيليهم قعدة ليك في البيت مافي شوفي ليك مكان طيري علي
_قلتا في قلبي هسي دا اخو دا دا زول يستاهل يتقال علي سند والله دا م حصل ربع سند وانا زاتي من اتكلم معاه في الأنا جايه في دا وافتح عيونو تاني وشو دا م دايرة اشوفو
_شاردة وين م تنطقي الجابك شنو ؟
_انا جيت عشان افتح عيونك النايم عليها دي فوق نايم علي مخك دا انتي كمتك قلتا ليك مرة دي خاينة وبتجيب ليك الرجال في بيتك م داير تصدق ومفتكرني حاسداكم ودايرة اخرب ليكم بيتكم العامر وكذبتني وصدقتها وم باقي ليك إلا الضرب م ضربتني ليهو اها رايك شنو لو قلتا ليك الناس شافوها راكبة معاه وجو وروني وقالو لي اهدي اخوك وبعدين انا عارفه م صح اتكلم معاك في الموضوع دا بس قول لي انت اربعه سنه لي م مشيت الدكتور ولا فكرته تمشي م فكرته فيها أنو احتمال كبير الولد دا يكون م ولدك ولد الراجل الخايناك معاه ؟
لو م عايز تفحص نفسك ولا تصدقني بطل شغل يوم وراقب مرتك بتمشي وين
_سليمان عاين لي بغضب قال لي يوم داك سكت ومشيتها ليك وم رفعت ليك عليك مع انك كنتي غلطانه بس المرة دي البحلك مني م ابتلقي وملص القاش وجا ماشي علي
يتبع
