سليمان عاين لي منى وعيونو شرار قال ليها دا شنو البقول فيه راجلك دا سرقة شنو كمان بقيتي تمدي يدك وتسرقي راجلك ي حيوانهه؟
منى بقت تبكي والله م سرقته حاجه ي سليمان ولا عمري مديت يدي علي حاجه م حقتي بس كنت دايرة اشيل قروش عشان اعالج بسمة لانو حرارتها كانت مرتفعة شديد وهو رفض يوديها الدكتور او يديني قروش عشان اوديها قلتا احسن اشيل منو واودي يدي قبل م تضيع من يدي مسكت القروش وهو جا لقاني ماسكه القروش افتكرني سرقتهم واني بسرق منو يومي وقبل م يصبر لي افهمو وقع فيني ضرب
قال ليها ان شاء الله بتك تطير في السماء م تقولي لي اعالجها ولا زفت المهم مديتي يديك علي القروش بتاعتو بدون م تاخد الإذن بتاعو وهي مش بتو لو م عايز يعالجها خلي يخليها تموت يعني تمدي يدك عشان تعالجي ليه بتو الهو ملزوم بيها وبعد داك يتهمك بسرقة
ي اخوي دا شنو الكلام البتقول فيهو دا يعني بلعربي كدا انا بشوف في القروش وبشوف في بتي عيانة وراجلي م داير يوديها بشيل وبوديها ولا بقعد وانتظرها بمرضها؟!
ي زوله الكلام دا انا م بعرفو دي م ياها البت كويسه وقامت
لا م كويسه حرارتها كانت مرتفعة شديد بس هسي خفت شوية بعد م عملتا ليها علاج بلدي ومكمدات
ريحني من كلامك البدون معني دا طيري ادخلي جوا لحدي م اشوف لي طريقة فيكي ياخ كل م اقول ارتحت منك واشوف حياتي القاكي ناطة لي الله يرحمه ابوي ويسامحه هو وامي ماتو وارتاحو وخلوني انا لي المصائب
منى دخلت البيت لقت فدوى في قدام الباب والظاهر انها سمعت الحوار الدار كله منى مدت يدها فدوى سلمت ليها بطرف اصابعها، ،،،برعي مد يدو لي فدوى نظام شيليني فدوى بقت تعاين ليه من فوق لي تحت ودخلت وخلتو ببكي ولا فكرت عشان تقول ليهم اتفضلو مع انو منى البيت بيت أبوها
بسمة من شافت صينية الأكل جرت عليها وبقت تاكل حد بطنها فدوى جات عشان ترفعها لقت بسمة بتاكل بطريقة مبالغة كدا كأنها عندها سنه م شافت آكل ولا دخل بطنها، ،،،،منى خجلت ووطت راسها وم عرفت تودي نفسها وين وفدوى تشيل وتحمر ليها قالت ليها انتي ذاتك كان جيعانة تعالي اقعدي اكلي بس بتك م خلت حاجه انتو البت دي كنتو رابطنها ولا شنووو ؟
منى ضحكت قالت ليها بتاكل والله بس بتحب تلعب ساي ،،،،فدوي قالت ليها ي منى انتي مفتكراني مجنونه ولا م بعاين شايفه البت قدامي بتاكل كيف م تغشيني كويس ديك الراكوبة دخلي فيها حاجاتك ديل أصلا م فيها حاجه!!!
منى سكتت ساي ودخلت الراكوبة وبقت تبكي وم عارفة تعمل شنو يعني فعلآ عباس مجوع الأولاد وم بتقدر تقول ليه حاجه ولو قالت ليه م تعرس عشان عيالك وانت م بتقدر بقول ليها لما اجوعهم اتكلمي، ،،،بسمة جات داخلة منى مسكتها غسلت ليها وهبشت راسها لقت الحرارة نزلت قالت الحمد لله.
