unicode -
နေ့သစ်တစ်ရက်ကို ဆီးကြိုသော
အလှတရားများထဲတွင် စားပွဲပေါ်မှ
ကော်ဖီခွက်လေးမှာတော့မပါ၍မဖြစ်။
ကော်ဖီနံ့သင်းသင်းကြောင့် အိပ်ယာမှ
ထလာရင်း မနက်စာအတွက်အလုပ်ရှုပ်
နေသောချစ်ရသူ၏နောက်ကျောကို
အချိန်အတော်ကြာထိငေးနေမိပြန်သည်။
နှစ်သက်သဘောကျသည်ထက်ပိုသော
မြတ်နိုးခြင်း....။
ယနေ့နှင့်ဆိုလျှင် ယခုအိမ်တွင်တူတူနေထိုင်
နေသည်မှာ တစ်လပြည့်ပြီဖြစ်သည်။
ခေါင်းဒဏ်ရာလည်း အတိုင်းတာတစ်ခုအထိ
သက်သာလာပြီဖြစ်၍ ရက်ရွေးကာအိမ်ပြန်
ဖို့ရန်အတွက် စဉ်းစားမိသည်။
အနောက်၌ Jimin ရှိနေသည်ကိုပင်
သတိမပြုနိုင်အောင် အလုပ်ရှုပ်နေသော
ပင်တိုင်စားဖိုမှူးလေးအား
နောက်မှသိုင်းဖက်လိုက်ရာ
" Good Morning မင် "
ဟူသော နံနက်ခင်းနှုတ်ဆက်စကားလေး
ကြောင့် မျက်၀န်းအိမ်လေးများစေ့ပိတ်
သွားသည်အထိ ပြုံးရယ်ရပြန်သည်။
သိုင်းဖက်ထားလျက်ပင် ပုခုံးကျဉ်းလေး
ပေါ်သို့ခေါင်းတင်ကာအချိန်အတော်ကြာ
သည်အထိ ကြည်နူးနေလေ၏။
" မင် ဒီနေ့အိမ်ပြန်တော့မယ် "
စားပွဲပေါ်သို့ ပန်းကန်များစီချနေသည့်
လက်များရပ်ကာရှေ့ရှိကောင်လေးကို
မျက်လုံးပင့်ကြည့်လိုက်ရင်း
" ဒီမှာနေရတာ စိတ်တိုင်းမကျလို့လား "
" မဟုတ်ပါဘူး ကိုရဲ့
အိမ်ရှိနေတာကို အိမ်မှာမနေလို့
ဘယ်ဖြစ်မလဲ "
yoongi ဘေးသို့၀င်ထိုင်ရင်း အရိပ်ကဲကြည့်ကာ
နားချရန်ပြင်ရလေပြီ။
" ကိုယ်ကတော့ မင့်ကိုစိတ်မချဘူးကွာ
ဒီမှာပဲအပြီးနေလို့မရဘူးလား ဟိုအိမ်ကို
ငှားတာဖြစ်ဖြစ် ရောင်းတာဖြစ်ဖြစ်လုပ်လိုက်ပေါ့ "
" ဟာ... ကိုကလဲ
ကိုနဲ့ကရုံးမှာလည်းတွေ့နေရတာပဲ
ကို့ကိုလည်း ၀န်ထုပ်၀န်ပိုးမဖြစ်စေ
ချင်လို့ပါ နော် နော် "
yoongi ဘာမှဆက်မပြောနိုင်မှန်း
သိ၍ ကော်ဖီကိုသာမော့သောက်
လိုက်သည်။ မနက်စာထမင်းဝိုင်းလေး
မှာလည်း စားသောက်ပြီးသည်အထိ
တိတ်ဆိတ်သွားလေပြန်သည်။
YOU ARE READING
ʏᴏᴜʀ ᴍɪʀᴀᴄʟᴇ||𝚈𝙼✓
Fanfiction" မင်းကို မမုန်းနိုင်လောက်တဲ့အထိ ချစ်တယ် မင် " " မင္းကို မမုန္းနိုင္ေလာက္တဲ့အထိ ခ်စ္တယ္ မင္ " unicode & zawgyi available ✨ • 𝟐𝟕𝐭𝐡 𝐌𝐚𝐲, 𝟐𝟎𝟐𝟎
