Rhythm of Lies (Daguitan Series #1)

Ikatatlumpo't Anim na Kabanata

Ikatatlumpo't Anim na Kabanata: Grandmother

Tulala ako habang nakaupo sa loob ng tub, tinititigana ng bula. Nasa loob na ako ng common bath at pabalik balik sa isipan ko si Isaiah dahil sa huling nakita sa kuwarto. Habang tumatakbo sa isipan ko ang buong nangyari kanina, hindi pa rin ako makapaniwala. Magmula sa simula hanggang ngayon.

Parang sobrang bilis ng nangyari. Sa isang kurap lang, naghahabulan kami sa corridor ng hotel. Nag-uunahan kung sino ang unang makakarating sa tapat ng pintuan.

Napagtanto ko ang nangyari kanina noong papunta kami sa opisina ng airline. Kasama ko si Jeremy. At noong tingnan ko ang cellphone kanina, wala akong mensahe na natanggap mula sa kaniya. Did he know about this? Was he manipulated by Isaiah's hands? I'd like to think that way but I realized that it will be too much for that boastful beast.

Ano na lang ang iisipin ng asawa niya? Pero sa bagay, hambog nga ang lalaking ito. Ano na lang ang silbi ng kaniyang mga nakuha sa buhay kung hindi nga naman niya gagamitin. Nakasalalay ang anak niya. Pero desperado na lang siguro ang gagawa ng ganoong bagay.

Magtatagal pa sana ako sa loob ng banyo kaya lang narinig ko ang pagkalampang ng mga plato sa kusina. Tapos na siguro sa pagluluto si Jenine kaya bumangon na ako nagbanlaw. Sa loob na rin ako nagbihis. Isang simpleng T-shirt lang at shorts ang kinuha. At dahil hindi ko nadala ang blower, pinulupot ko nalang ang twalyang dala.

"Lumabas na ba?" tanong ko agad kay Jenine pagbukas ko ng pinto.

Naabutan ko siyang nag-aayos ng mga gamit sa round glass table ng suite. Pang-apatan lang iyon, hindi gaano kalaki.

Nag-angat siya ng tingin sa akin. Napatingin pa siya sa living area kung saan naroon ang puntuan ng kuwarto namin bago umiling.

"Hindi pa po, ma'am. Wala naman akong napansin." Sagot niya.

Tumango agad ako at nagdesisyon na tumulong na lang muna sa kaniya. Hindi na muna ako mang-iistorbo sa mag-ama. It's his first time seeing his son. So it's understandable why he's making most of him to be with Paul.

Ano nalang kaya ang iisipin ng asawa ng lalaking ito? Sa naisip kong iyon, napagtanto ko na isa iyons a mga bagay na kailangan naming pag-usapan mamaya. I have an image to protect. Paniguradong kapag malaman ng masa ang tungkol dito, magiging isa itong malaking eskandalo. Knowing he's family. And for sure, Isaiah is known now. Bukod lang sa pagiging Maderal niya.

Natapos kami agad sa paghahanda. Ang mga plato ng suite ang ginamit namin. Hindi na ako nag-abalang mag-isip kung pinalagyan ba ito ni papa ng kumplentong gamit.

Somehow, the familiar plating scenery made me realize that this is our usual set-up whenever my friends come by to my unit. Nagkaroon naman ako ng mga kaibigan sa States sa ilang taong pagbubuo ng sariling pangalan. Some of them are famous performers.

Nakayuko ako at pinapatuyo ang buhok gamit ang twalya nang naisip kong tawagin si Isaiah. Tinapos ko muna ang pagpapatuyo at nang makuntento, naglakad ako papuntang living diretso sa tapat ng pinto ng kuwarto.

Nakahawak na ang kamay ko sa seradura nang nagdalawang isip ako. Pero tinuloy ko parin sa huli at sumilip muna bago tuluyang pumasok sa loob.

I saw Isaiah on his white shirt and cotton cream shorts is lying sideways facing my still sleeping son. Naka-suporta ang kaniyang kaliwang kamay sa ulo at ang isa naman ay nakita kong nakaibabaw sa may braso ng anak. Sandali siyang tumingin sa akin. Nakatayo naman ako at hindi alam ang gagawin. Nang binalik niya ang atensyon sa anak, naglakad ako papasok sa closet.

Nakita ko agad ang kaniyang puting dress shirt na suot niya kanina nang tuluyan na akong nakapasok sa loob. Nasa tabi iyon ng aking mga damit na maayos na nakatupi sa loob ng isang semi cubicle stand ng closet. Magulo ang kaniyang damit at halatang nilagay niya lang talaga ng walang pakealam sa ayos.