الفصل السادس و العشرون
اقتربت كارمن من سيف عندما رأته يخرج و حتى لم ينظر لها و أكنه لم يراها و قالت :
-هو ماله
-مش عارف بس العاصفة حلت تقريبا
-سيلين؟
تنهد سيف و قال :
-للأسف اها و عارف ان سيلين دي هتودي أيهم في داهية
كارمن بتساؤل :
-ايه اللي حصل و بعدين هو ماله بيها؟
زفر سيف بحنق و قال :
-معرفش بس كل اللي اعرفه انه اكيد هيموته
-مين؟!
-سيلين اتجوزت و انا شايف انه حقها و معرفش هو شايف ايه بقا بس اكيد هيروح يجيبها من شعرها
كارمن بصدمة :
-اتجوزت.....
-بأمانة مش فاهم هو بيعمل معاها كدا ليه؟
كارمن بخبث :
-هو ايه العلاقة بينهم يعني؟ قصدي لسه اخته زي ما كان بيقول
نظر إليها بدهشة فذلك ما يهمها و قال بامتعاض :
-اكيد لا
_________
رواية خدعة ابليس بقلم اسماء صلاح
أخذت سيلين حقيبتها و قالت :
-إيمي هتيجي معايا و لا هتمشي بعدي
ابتسمت ايمان و قالت :
-لسه ورايا شغل يا لولو امشي انتي عشان متتاخريش و متنسيش تاخدي الدوا
سيلين باستياء :
-العملية صعبة صح؟
رتبت عليها ايمان و قالت :
-يعني بس بأذن الله هتخفي و هتبقى زي الفل و اكتر كمان
سيلين بقلق :
-خايفه الصراحة بس مش قدامي حل تاني
تنهدت ايمان و قالت :
-تفائلوا بالخير يا سيلين و بعدين حازم معاكي و بيدعمك
تجمعت الدموع بعيناها و قالت بحزن :
-عارفه انا همشي بقا
-طمنيني عليكي....
ذهبت سيلين و خرجت من المستشفى و لكن خفق قلبها بشده عندما رأته يقف أمام السيارة، اقتربت منه و قالت بقلق فهي تخشى معرفته "في حاجه؟"
-اركبي
ابتلعت سيلين ريقها و قالت بتوتر :
-هو حصل حاجه يعني؟
