الفصل السادس و الثلاثون
شعرت كارمن بالانتصار فهي تريد إفساد حياتها و نزلت خلفها و هي تصيح عليها قائلة :
-سيلين؟ استنى سيلين......
اتجهت سيلين راكضة إلى الغرفة التي رأت بها الفتاة تعذب من قبل و عندما كان يوجد حارس أمام الباب
-افتح الباب
-معنديش أوامر بدخول حد
-انا مرات اللي مشغلك فافتح الباب احسن
اخفض راسه في الأرض و قال :
-مقدرش افتح يا مدام، دي تعليمات أيهم باشا
استمع سيف إلى صوت سيلين فذهب في اتجاه و قال :
-سيلين؟
نظرت له سيلين و اقتربت منه و قالت ببكاء :
-انا عايزة ادخل اشوفها ارجوك يا سيف افتح الباب
ابتسمت كارمن بسخرية و هي تنظر إليه
تنهد سيف و قال :
-سيلين ممكن تطلعي....
انفعلت سيلين و قالت بعصبية بالغة "لا مش هطلع انا عايزة أشوف ماما، من فضلك يا سيف"
-أيهم....
قطعته سيلين بغضب و قالت :
-مليش دعوة به انا عايزة أشوف ماما
و صمتت و بعد ذلك تسألت بقلق "هو حصلها حاجه؟"
رتب سيف علي كتفها و قال :
-لا محصلهاش بس.....
قطعته سيلين و امسكت بيده و قالت بتوسل :
-خليني اشوفها يا سيف لو سمحت
كارمن بتفشي" ما تخليها يا سيف"
نظر سيف لها و الي هيئتها الباكية و عيناها الحمراء و قال :
-افتح الباب و خليها تدخل
فتح الحارس الباب و دلفت سيلين إلى الداخل بخطوات بطيئة خاشية أن ترى بها شي
ابتسمت كارمن و قالت :
-هتيجي تحت ايدي يا سيف
-اخرسي يا كارمن
سقطت الدموع على وجنتها و جثت على ركبتيها أمامها و قالت :
-ماما....
حاولت سيلين تفيقها و قالت :
-ماما!؟ انا سيلين هل تسمعيني!!؟
فاقت مونيكا على صوتها و لم تصدق عيناها و قالت :
-عزيزتي....
احتضنها سيلين بشوق و ظلت تبكي و قالت :
-لماذا جيتي؟ إلى هنا؟!
ابتعدت سيلين عنها و أمسكت كفيها برفق و قالت :
-لماذا؟
تنهدت مونيكا و مسحت دموعها بأطرافها و قالت :
-أرسل لي صورتك و قال انك مازالتِ علي قيد الحياة و طلب مني عدم أخبر جان، شعرت بغرابة الامر و لكن عندما أرسل لي عده صور و قال بأنه زوجك صدقته و جاءت إلى مصر و لم أخبر جان و لكن لما فعل ذلك و انتي هنا لماذا؟
بكت سيلين و قالت :
-لماذا فعلتي ذلك؟
حاوطت مونيكا وجهها و قالت :
-أردت رؤيتكِ يا عزيزتي....
بكت سيلين بشده و زاد نحيبها فهي تخشى عدم قدرتها على إخراجها من ذلك الوكر الذي سقطت بداخله
ارتجفت عندما استمعت إلي صوته و قامت مفزوعة و نظرت إليه قائلة :
-خدعتني تاني، دا السبب يعني
-اخرجي برا و الا
صرخت سيلين به " و الا ايه يا أيهم..؟! هتعمل ايه؟"
سحبها من يدها و جرها خلفه بقوة و طلب من الحارس غلق الباب، كانت سيلين تحاول التخلص من يده
-سيبني
دفعها لتسقط على الأرض و قال بغضب :
-انتي بتتدخلي ليه؟ انتي مالك؟
سيلين بعصبية :
-اللي جوه دي الست اللي ربتني
كانت كارمن تقف على سور الدارج و تراقبهم بسعادة ......
غضب أيهم و قبض على ساعدها و سحبها خلفه ليصعد إلى الغرفة و يلقها بداخلها و قال بحدة :
-مش عايز اطلع شيطاني عليكي يا سيلين
-انت كداب و خاين
-انتي عايزة ايه منهم؟!
سيلين ببكاء :
-انت استغلتني عشان تجيبها هنا؟ انت حقير اوي بجد.....
كور قبضة يده بعنف و قال بغضب :
-مش عايز اسمع صوتك و الا هخليكي تشوفي اسود يوم في حياتك
زاد نحيبها و قالت من بين شهقاتها الباكية "حرام عليك، انت مبتحسش"
-لا مبحسش يا سيلين و انا مش هرجع عن اللي هعمله و انتي هنا ملكيش لأزمة في حاجه و بعدين خلاص انسيهم للأبد، و امبارح لما مضيتي عقد جوازنا كان معناها أنك بقيت ليا في كل حاجه
-انت اتجوزتني مشترتنيش
أيهم بسخرية :
-تمنك كام و انا اشتريكي
نظرت له سيلين بصدمة و قالت ببكاء :
-لو عملتها حاجه وقتها هتبقى قضيت على كل حاجه بما فيها انا.....
نظر لها ببرود و قال :
-فات الأوان يا سيلين انتي مراتي و محدش يقدر يخدك مني و لا تقدري تعملي ايه حاجه
خرج أيهم من الغرفة و قفل الباب من الخارج، جثت على ركبتيها و ظلت تبكي فهي لا تستيطع فعل شي حتى أنها لا تقدر على التحدث مع جان و اخباره فهي لا تريد أن يتأذى أيهم
قامت سيلين و ذهبت ناحية الباب و لكنها لم تستطيع فتحه فزفرت بحنق فهو قام بحبسها
اتجهت ناحية الكوب الموضع و قامت بكسره و أخذت قطعة الزجاج لتقطع معصمها، تدفقت دمائها بسرعة بالغة إلى أن فقدت وعيها......
________
رواية خدعة ابليس بقلم اسماء صلاح
-هتعمل ايه يا أيهم؟
أيهم بحنق :
-معرفش مخنوق بجد تصرفات سيلين تضايق
سيف بتعجب :
-أيهم سيلين لحد دلوقتي مشوفتش منك غير خدع و كدب بس و استغلال
-اعمل ايه ما انا مش هوقف اللي عملته من سنين عشان سيلين
-خلاص موتها هي كمان يا أيهم، و على فكرة كارمن هي اللي قالت ليها عشان توصلكم لكدا.....
قام أيهم و خرج من المكتب و شعر بالقلق فصعد لكي يراها و لكنها اندهش عندما رآها نائمة على الأرض و بجانبها بقع من الدماء، اقترب منها و ضرب على وجهها بخفه "سيلين؟؟؟؟؟؟؟؟"
صاح على ماجي بقوة فاستمعت له على الفور و ذهبت لكي ترى ما به، شهقت بدهشة عندما راتها و قالت :
-ازاي دا يحصل؟
حملها أيهم و وضعها على الفراش و ذهبت ماجي و أحضرت حقيبتها الطبيبة و ارسلت احد ليجلب لها بعض الأغراض من الصيدلية.....
بعد أن انتهت ماجي من تخطيط الجرح و ضمدته، وضعت لها محلول لتعويض ما فقدته من دمائها و خرجت من الغرفة دون أن تنطق بشي....
فتحت سيلين عيناها و وجدته بجوارها و قالت :
-أيهم؟!
-عايزة ايه؟
اوصدت عيناها و ذرفت الدموع منها و قالت :
-لو ليا ايه مكانه عندك حتى لو بسيطة ارجوك سيبها....
-هو انتي بتحبهم اوي كدا؟
تنهدت سيلين و قالت :
-اها الناس دي هي اللي ربتني فمقدرش اشوفها هتتأذي قدام عيني
زفر أيهم بغضب و قال :
-بتحبهم اكتر مني؟
وضعت يدها على يده و قالت :
-أيهم انا معملتش حاجه غير اني حبيتك و انت كل اللي بتعمله انك بتكسر قلبي
-انسيهم، هعملك اللي انتي عايزها بس انسى انك ِ شوفتي الناس دي؟
هزت رأسها نافيه و قالت :
-مش هقدر
-انتي كدا.....
قطعته سيلين و قالت "قبل ما تكملها معنديش نيه اني أخسرك بس انا حتى مش عارفه اكسبك، ارجوك يا أيهم سيبها هي ملهاش ذنب في حاجه والله"
-سيلين انا مش هوقف اللي بدأته عشانك
ابتلعت ريقها و قالت :
-و انا مش هفضل مع واحد عايز يقتل الست اللي ربتني
صمت أيهم و نظر لها فهي بذلك سوف تفسد مخططاته القادمة
تأوهت سيلين فجأة و وضعت يدها على قلبها
أيهم بقلق :
-مالك؟
-مش عارفه قلبي وجعني شوية
-طب متتحركيش و خليكي نايمه
-على أساس انك بتخاف عليا
-اها بخاف عليكي يا سيلين بس انتي عايزة تربطي كل حاجه ببعض و....
قطعته سيلين بجدية و قالت :
-أيهم انت و لا بتخاف عليا و لا طايقني اصلا و دا الواضح، انت بس عايز تستغلني و حتى اتجوزتني عشان كدا، و ناوي تعمل ايه فيها، هتقتلها و لا هتعذبها، دا انا حتى معرفش ايه سبب ايه اللي انت بتعمله دا و ليه؟
قام أيهم من جانبها و قال بغضب :
-معلش واحد ابن عاهرة عايزاها يبقي ايه؟
و بعد ذلك خرج من الغرفة دون أن ينتظر باقي حديثها و صفع الباب خلفه، لم تستوعب سيلين جملته و ما علاقة ذلك بجان و عائلته، و الأهم الان هو مصير تلك السيدة التي اعتنت بها و عاملتها كابنتها....
ذهب أيهم إلى غرفة كارمن و فتح الباب، ارتعبت كارمن و قامت قائله :
-أيهم
-انتي اللي قولتي لسيلين صح؟
ابتلعت ريقها بتوتر و قالت بتلعثم :
-اها بس مكنتش اعرف.....
قطع حديثها صفعته الدامية إليها و قبض على خصلات شعرها بعنف قائلا :
-مش قولتلك طلعي سيلين من دماغك، انتي مبتفهميش
دفعها بقوة لتسقط أرضا و قال بغضب :
-انتي عارفه لو كان حصلها حاجه مكنش هيكفيني فيكي حرقك حيه
-ليه؟ مش عايزها تعرف انك عايز تستغلها عشان تخلص من جان و لا إيه؟
أيهم بنرفزة :
-في واحد هيستغل مراته
كارمن بغضب :
-انت ليه جبت مونيكا هنا...، أيهم انا بكره سيلين، فلو انت مش عارف تكرها سيبني انا
-اكريها تحبها مشكلتك بس ملكيش دعوة بسيلين لأن المرة دي كلام، بس المرة الجاية هقتلك، انتي هنا عشان تخلصي شغلك و دا باتفاق يعني مش حب فيا
كارمن ببكاء :
-انا بحبك يا أيهم.....
قطعها بزمجرة "و انا لا و بلاش تضحكي على نفسك"
و أدر ظهره لها لكي يخرج من الغرفة
اوقفته قائلة :
-بتحبها
صمت أيهم و التفت اليها و قال :
-اها بحبها و مش بحبها بس لا انا بعشقها
كارمن بحزن :
-اشمعنا هي؟
-لأنها هي الوحيدة اللي أديت بدون مقابل يا كارمن
مسحت كارمن دموعها و اتجهت لتقف أمامه و حدقت بعيناه و قالت :
-بس مش انت لوحدك اللي بتحبها يا أيهم، صاحبك هو كمان بيحبها و يمكن اكتر شوية .......
رواية خدعة ابليس بقلم اسماء صلاح
