قيود لعنة العشق (الجزء الثاني من سلسلة عشق الرجال )

الفصل الثاني عشر

(باسم !!)

همهم بإبتسامة مختلة وهو يتقرب منها ببطء لتفتح هاتفها بسرعة وخلسة تطلب اخر رقم تم الرن عليه وهو ...قاسم ...

فهو اصر علي اخد رقم  هاتفها والرنين عليها لتسجله اذ وقعت في مشكلة وصل اليها باسم وهو يمسك بشعرها بقوة يسحبها دون رحمة

(كنتي فين يا وعد ...قلبت عليكي الدنيا كلها حتى الزفتة اللي بتشتغلي فيها قالولي مش بتيجي )

(اااه سيب شعري يا باسم )

هتفت ببكاء وألم حاد يفتك بها وهي تحاول ان تبعد يده لكنه شد علي شعرها اكثر

(بقولك سيب شعري يا باسم انت ملكش الحق تسأل عليااا )

ابتعد عنها وهو يضرب الحائط عدة مرات وهو يقول بصراخ

(انا ...انا الوحيد اللي ليا حق انا جوزك يا هانم ..)

صرخت بقوة وهي تبعده بيديها الضعيفة مقارنة به

(لا مش جوزي ...انت مش باسم مش الشخص اللي انا حبيته وهو حبيني انت حد تاني ..)

صمتت ثم تابعت ببكاء لم تستطيع السيطرة عليه

(انت خونتني يا باسم فاهم يعني ايه !! طول الوقت بتقولي انتي اللي في قلبي وطلع ده كدب فيه واحدة تانية والله اعلم..)

قاطعها بصوت متعب به غصة بكاء مكتومة

(والله غصب عني ..انا .. انا اتجوزتها علشان امي عايزة حفيد مني ..)

ابتسمت بدون مرح وهي تمسح دموعها بقسوة

(لو انت عايز تتجوز علشان الخلفة ده حقك بس من حقي اني اعرف يا ارفض وكل شخص يروح لحاله يا اوافق وده مش هيحصل و مش من حقك نهائي مش من حقك تخبي عليا..)

ركع امامها بضعف وهو يتحدث بهستريا غريبة قشعرتها بل شعرت بالاشمئزاز منه

(ابوس ايدك ابوس ايدك متسبنيش يا وعد علشان خاطري انا بحبك مش هقدر اعيش من غيرك ..)

ابعدت يديها عنه بجفاء ونظراتها ترسل له شرارات ليس غضب او حقد بل استحقار جعله يبتلع ريقه بخوف

(انا بجد مشفقة عليك وعلي نفسي وعلي مراتك اللي متعرفش انها خدت واحد زيك مريض ..يكدب الكدبة ويصدق نفسه )

صمتت قليلآ قبل ان تتابع بصوت منخفض مصدوم

(انا مستهلش واحد زيك ...انا معملتش حاجة وحشة فيك...انا فعلا مستهلكش)

استقام بغضب وكأنه استعاد وعيه يقبض علي يديها بعصبية

(ده مش كلامك ...مين اللي حط الكلام ده في دماغك!!؟ )

نظرت الي الباب بجفاء تنتظر اي شخص ينقذها من ذلك المختل

(مفيش حد كل الناس شايفة كدة من بدري ...من بدري أوي بس للأسف انا اللي فهمت متاخر )