قيود لعنة العشق (الجزء الثاني من سلسلة عشق الرجال )

الفصل الأول (نوفيلا تكميلية)

الفصل الاول

(لا انت بتهزر يا ياسين !! اكيد مش هتبات كمان النهاردة برة !؟)

قالتها فجر بنبرة مصدومة وهي تتحدث مع ابنها ليقول بنبرة حانية وهو ينظر الي اباه علي ان ينقذه

(يا امي والله الشغل فوق راسي مش هعرف اخذ اجازة غير علي اخر الأسبوع ..صدقيني غصب عني ..)

(وانا من حقي اقعد مع ابني يا ياسين !! ما اتكلم يا يونس ..)

نطق يونس بصوته الرزين ..تقر به فجر مهما مرت السنوات مازال علي هدوئه ورزانة تفكيره

(روح انت يا ياسين علي شغلك وانا هفهم امك ..)

شهقت فجر بخضة وهي ترفع حاجبيها بغيظ وعتاب

(اسمها امك يا يونس !!!)

ضحك ياسين وهو يقبل رأسها ثم غمز الي والده وذهب الي عمله بهدوء ليلتفت يونس الي فجر التي تنظر بحزن الي الباب حين رحل ابنها

(اااه )

خرجت صرخة بسيطة منها بعد ان وجدت يونس يدغدغها فجأة من خصرها ثم يقول بعبث

(اوعا الكوسة تقع ...)

كتمت ضحكتها بصعوبة وهي تلوي شفتيها بغضب مصطنع

(عيب علي سنك يا حبيبي ..)

اقترب منها بحنان وهو يحاوط كتفيها بحب وبرقة

( لو مكنتش اعمل حاجات غريبة واعمل حركات الشباب معاكي هعملها مع مين ؟ ابنك السايكو!؟)

(بس متقولش عليه سايكو ..)

ضحكت برقة وهي تمرمغ رأسها بحضنه وهو مازال يحتضنها بحنان لتتابع بحيرة ونبرة امومية

(هنعمل ايه معاه يا يونس ..ده كمل التلاتين..)

(يا حبيبتي انا عرفتك وانا عندي ٣٢ ...وبعدين هانت ..كله بأوانه يا فجري ..)

قالها بخبث ومكر شديد وعينيه تلمعان بوميض غامض

(كله بأوانه..)

.....................................................................

(يا حبيبي انا قولتلك كذا مرة عايزة اعمل فرح ..)

نظر يحيى الي سلمى خطيبته بهدوء وهو ينطق بمنطقية

(ايوة ..تعملي فرح بس بسيط ...مش فرح يتكلف كل ده علشان كام ساعة يا سلمى ..)

(يوووووه بقا يا يحيى انت ديمآ كدة بتقفلني من اي حاجة ..قول انك بتتلكك انك تعمل فرح اصلا ..)

(بتلكك!!)

نطقها بصدمة ممزوجة بغضب وعينيه اطلقت شرارات اتجاها لتحاول ان تمتصها بصوت ناعم ..مصطنع

(مش قصدي يا حبيبي ..انا بس )

نطق بصوت بارد فاقد للحياة وهو ينظر اليها بنظرات خاوية ..لا تحمل اي معنى