قيود لعنة العشق (الجزء الثاني من سلسلة عشق الرجال )

الفصل الرابع

جحظت عيني وجد وهي تنظر الي ابيها وهو يقول بكل جدية انه يريد ان يتناولها في الصباح بدلا من فول المعتاد

(يا ابو وجد انت ملقتش اكل في التلاجة عايز تاكل بنتك !!)

ضحك والدها يقهقه لتبتسم علي ضحكه بحب وهي تحتضنه بقوة

(اوعدك تاكل لحمة النهاردة ..ازاي معرفش بس هاتكلها وخلاص )

ربت علي رأسها بحنان لتقبل يديه ثم ودعته لتذهب الي عملها فهي تقوم بإعطاء الدروس الخصوصية بجانب دراستها

(ازيك يا زكريا ..)

نطق الطفل البالغ عشر سنوات بحنق وهو ينظر لها بغيظ

(قولت زيزو مبحبش زكريا ده اسمي زيزو..)

ابتسمت وجد ليقولا بنفس الوقت بضحك ونظرة مستفزة منها

(عرفت ان اسمك زكريا مش زيزو ..يا كداب ..)

ضحكت وجد بسماجة لينظر لها زيزو بإستحقار

(متنمرة ..)

عادت الي نبرتها الجدية وهي تنظر في كراسته المهلكة

(عملت الواجب ..لو مطلعتش عامله هضربك بجد )

نطق بلا مبالاة وهو يشرب من العصير الخاص بها ببرود

(بس يا جوجو انا لو قعدت عليكي هفرمك ..)

نظرت بطرف عينيها ليجلس معتدل وهو يقول بنبرة منخفضة

(خلاص بس بلاش البصة دي اتفضلي ..)

بدأت في الشرح بهدوء وطريقة سلسلة علي الرغم من المزاح الذي حدث الا انها جدية عندما تبدأ في عملها

(ها فهمت يا زوز!!)

اومأ بإبتسامة واسعة وهو يجري الي داخل لتأتي والدته وهي تشكرها وقد اعطتها نقود الشهر الخاصة بها ..لتبتسم بخجل وهي تنوي الذهاب

لكن صوت زكريا اوقفها وهو يقدم لها حلوى بشكل خجول لتقبل وجنتيه بحب

(شكرا يا زووزو ..مع السلامة )

ودعها لتختفي ابتسامتها وهي تضع يديها علي قلبها تتنفس بعمق شديد وقد عاد الألم مرة اخرى حتى هدأت قليلآ..ثم اكملت طريقها للذهاب الي المنزل التالي ..

             ٠٠٠٠٠٠٠٠٠٠٠٠٠٠٠٠٠٠٠٠٠٠

(سفيان باشا  ..اللوا سمير عايز حضرتك في مكتبه )

قالها العكسري ليؤمي سفيان وهو يغلق الملف الذي امامه بتعب ويذهب الي مكتب اللواء

(ازيك يا سعادة الباشا !؟)

(سفيان اقعد يا ابني استريح .. ..)

نطق سفيان بجدية وهو ينظر اليه بنظرات ثاقبة مركزة

(اوؤمرني يا باشا ..)

(للاسف انت اليومين دول هتسافر الدقهلية  ..هتنتقل هناك لمدة ٦شهور ..)