حبيت بدوي

البارت الـ26

في غرفتها يالسه وتصيح وتطالع صورة فلاح وفحضنها ولدها نهيان راقد.. سلمت على أهلها ودخلت غرفتها وما طلعت منها ابداً.. ما دخلت شي ف بطنها مع ان أمها أصرت عليها بالذات انها الحين ف نفاس وتعبانه والمفروض تتقوى بالاكل لكنها رافضه مووول..

في نفس البيت، في غرفه ثانيه يالسه واحلامها الورديه مع غيث توديها وتييبها، حددوا موعد عرسها وهي تقريباً خلصت كل شي، اما غيث كان دايماً معاها ويجيك على الأشياء الناقصه ومووول مب مخلنها ف حالها.. متحمسه وبنفس الوقت خايفه لأنها بتعيش حياه يديده، حياه ثانيه بالأصح!

بعدنا في نفس البيت ما رحنا بعيد لكن هالمره في غرفة الريم، تكتب وتمسح، تبا تتخبر عن البلاغ، تبا تجوف مكتوم تحرك ولا بعده.. خايفه تنفضح لأن تعرف شوق مينونه والي ف بالها تسويه

تكتب: هلووو.... مسحته
تكتب: هاييييي مكتوم.. مسحته ما تباه يحس انها تسولف
تكتب: السلام عليكم... مسحته لأن تحس ان رسمي
مكتوم: ("فكيني من متى تكتبين وتمسحين😂🙄")

الريم فقلبها: شت شت شت

الريم كتبت: (" شحالك🌚؟")

مكتوم عرف انها تبا تغير الموضوع: ("بخيررر عساج بخير😂😂")

الريم: ها زاخنييي (" دوم")

مكتوم: تسوي عمرها ما تعرف ههههه ("انزين شو بغيتي😂؟")
الريم: أحس بيقول ذلتني ياربييي (" امممم، يعني والله آسفه بس بلّغت😕؟")
مكتوم: بلاج ما تدرين اني ما أبا ابلغ عشان اتمين ويايّه (" ان شاء الله ببلغ، لا تحاتين ما بتضرج بشي وانا موجود")

الريم: حسيت ان وجوده بحياتي شي مهم بعد هالجمله، ما اعرف بس شخصيته جذبتني معقوله حبيته؟ (" يديم وجودك🖤")
مكتوم: يمكن تقصد وجودي بهالدنيا، مب لازم وجودي صوبها! ("آمين، وياج🖤")

..........

نروح لفلاح، متعذب ومايروم يصدق ان حبيبته خانته.. نظرتها، حلفانها وصياحها خلوا قلبه يضعف .. حتى امه وابوه لاحظوا هالشي بعد ما طلق جوري وكانوا بيخلونه يرجعها لكن هو رافض.. فالنهايه ها ريال وما يرضى ان كرامته تنهان!
......
لذاك المتعذب، الي يحس كل الدنيا على راسه بنروح.. راكان، ندمان! لأنه تأخر وما خطبها، لأنه اوهمها بحبه لأخته.. وفي مليون سبب يخليه يندم.. يفكر يروح المانيا ويرد يدرس
#راكان

هه، ادرس طب وجراحة قلب وانا قلبي ما اروم اداويه، قلبي المتعذب في هواها ما اروم اداويه يا عالم (ظهّر النصخ) الله يعينّي على هالحال.. شكلي بكمل دراستيّه عل وعسى انساها.. مستحيل ادري لكن شو اسوي؟ ما عندي الا هالحل والله يصبر قلبي على فرقاها، بحظر عرسها والي يكتبه الله بيصير

بعد أسبوع مرّ على اغلب ابطالنا بثقل يعني مثلاً فلاح، هبوب توديه وتييبه، ما بين مصدق ومجذب وما عنده حيله.. وراكان الي لهيب يسري بيوفه وخبّر اهله عن انه بيروح وبكمل دراسته في المانيا وبيرجع جراح للقلب واذا جفنا حال جوري تراه اردى حال لأنها تبا فلاح يصدقها لكن وين الدليل، واذا صدقها، بيرد كل شي نفس ما كان؟؟

يوم الخميس..
عروستنا اليازيه بتاخذ غيث اليوم، هذا يومها (يوم العرس)