استانس انها كاتبه له جان يكتب: ("الله يسلمج ويبعد عنج كل شر")
بعد دقايق ردت الريم: ("آمين وياك")
بعد خمس دقايق تقريباً كتبت له: (" مكتوم")
مكتوم: ("لبيه")
الريم بخوف واضح لكن حاولت تخفيه: ("لبيت حايه.. شو فيك؟ جيّه مرقدينك فالمستشفى؟")
مكتوم ضحك وحس فداخله شعور حلو ما يدري شو مصدره وشو الي مخلنه جي يحس: (" ماشي بس قلة تغذيه وجي ودوخت عليهم فالبيت ويابوني المستشفى")
الريم: (" كل زين المره اليايه")
كملت: ("الحمدلله على سلامتك، تحمل على عمرك")
مكتوم بدون ما يحس: ("من عيوني وانتي بعد")
الريم استحت بس ما بينت: (" تسلم عيونك.. ان شاء الله")
مكتوم استحى من عمره: ("يسلمج")
ونفس دوم سكتوا اثنيناتهم لكن فيهم رمسه داخلهم هب عارفين يوصلونها لبعض، تم هو فالمحادثه وتمت هي بعد فالمحادثه واثنيناتهم يتحسبون ان الطرف الثاني طلع من المحادثه وانه هب داري عنه سوا لايك على المسج الي كتبته، جان تسوي لايك على المسج الي هو كتبه وتموا يحطون لبعض لايكات على المسجات الي طرشوها لبعض
مكتوم: (" وبعدين😂؟")
الريم: ("😂😂😂😂😂")
دخل الدكتور وجاف الابتسامه الي على ويه مكتوم وتم ساكت شوي، عقبها رمس: مكتوم
مكتوم فز: هلا!
الدكتور: عندك الاذن للخروج
مكتوم قام وعدل كندورته: مشكور ما تقصر
الدكتور: واجبنا
...........
كانت تطالعها وتجوف الابتسامه على ويهها تزيد كل ساع، استغربت منها توها داخله وهي معصبه والحين تضحك؟
روان: تخبلتي ههههههههههههههههههههههههههههههههههه؟
الريم فزت: ها
روان تغمز لها: شو فيج تبتسمين؟ ترمسين منو؟
الريم: لالا محد، يالسه اجوف فيد
روان وهي تدري انها تجذب: اهااا
مكتوم: (" أقولج برمسج بعدين، بطلع من المستشفى الحين")
الريم:(" تمام، الحمدلله على سلامتك")
مكتوم:(" الله يسلمج")
روان: الريم
الريم فزت مره ثانيه: هلا
روان: ههههههههههههه بلاج تفزين كل ما ازقرج (اناديج)
الريم: لأني أكون مندمجه ههههه، انزين ها شو بغيتي
روان: خالي يقول يلا على الغدا
الريم: يلا يلا قمت
يتبع..!
أنت تقرأ
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
