حبيت بدوي

البارت الـ13

شو اسوي بهالهبله الي تراكض وراي، أخاف ابلغ و يوصل الموضوع لأهلي والله محد بيصدقني، أرمس مكتوم؟ شو بيقول عني.. قليلة أدب وتتلصق بي، هذا الي بيقوله أدري.. واضح أنه ما يلعب، ع كثر البنات الي يوه مسوي طاف.. برمسه.. شو اسوي؟ فتحت حسابه ياني فضول أجوف صوره اليديده، وعاد الصدق محلوّ.. وكان منزل ستوري، وعاد دودتي ما بتبرد الا لو جفت ستوريه.. كان حاط صورة أبوه وكاتب (" الحمدلله على سلامتك يابويه وعساك لنا ذخر والله يديمها عليك من صحه") وحاط ستوري ثاني يغني فيه:

" ياطير سلملي على خل(ن) تغيب من سنين .. والبعد سبب لي بلى وانا بلا شوفه حزين" وبعدها قال: يجماعه روحوا لحساب عضيدي ذياب (و كان حاط حسابه) اونه مسوي فيها مشهور ينشر للخلق هههههههه، بس لحظه شدخل الغنيه؟ شوفيني أستخفيت، بس يخرب بيته صوته غاوي وعن الشكل عاد تعدى مرحلة الغاوي من زمااااان، يعيبني تحديد شنبه، جي عيونه ناعسه و جحيله أخ بسسس، أيه ايه بس انا يايه أرمسه مب اتغزل به.. يلا بكتب اول مسج.. عدلت يلستي وتحمحمت جني بطرش له فويس

المسج الأول: (" السلام عليكم")

أجوفه اونلاين بما أني كلمته قبل فيطلع لي، رد علي.. أستغربت سرعته

مكتوم: ("وعليكم السلام")

مكتوم: (" هلا ختيّه")

الريم: (" أهلين.. أخويه") الصراحه بغيت أسئله عن حاله نفس ما اسوي مع أي حد بس ما بغيت يقول تبا تسولف

مكتوم: (" لبيه")

الريم: ما اعرف ليش أحس ها الكلمه فيها مغازله بس مسكين ما قال شيء ("لبيت حايه")

مكتوم: ("آمريني")

الريم: (" ياخوي انت خبرت الساحره شوق عن جذبتنا؟ لأنها يايه وتهدد أنها تنشر صوري") الصراحه طولت لين ما رديت لأني كنت أحاول أكتم عصبيتي، بس الظاهر انها واضحه ههههه

مكتوم: موتتني من الضحك واضح انها ماسكه أعصابها وما تبى تهب فويههي، سويت لها فويس:("هههههههههه .. والله اني ماخبرتها شيء، صدق انها ساحره شدراها؟، المهم شو بتسوين الحينه؟")

الريم:فزيت اول ماجفت أن مطرش فويس.. سمعته كانت ضحكته بنج والله (" ما ادري والله.. أحس خلاص تعبت وشكلي بخبر أهلي.. أحسن من ما يكتشفون بروحهم")

الريم: (" أنته شو رايك؟ ")

مكتوم: ياخي ودي أسمع صوت هالذربه بس بتتحسبني لعاب فخلني ساكت أحسن (" والله جان رايي يهمج..")

مكتوم: ياي بكتب ولا تكتب

الريم: (" أكيد يهمني")

مكتوم: تعيبني ذرابتها وايد، ما مر علي شراتها (" أنا وياج، ان الأهل لازم يعرفون بس أحيد ما عندج دليل")

الريم: (" وانا مو كاسر ظهري.. بسم الله علي .. الا ها!!")

مكتوم: ههههههههه ذبحتني يوم قالت بسم الله علي شكلها جايفه حد يتويع ("هههههههههه بسم الله علي")