فقروب السناب:-
كايد: بشر وصلت؟ تراني ماروم اتصبر
فيصل: لا تنسون بيزاتكم عن تتوهقون
كايد: افا عليك يالشيخ بيزاتنا جاهزه
زايد: وصلتني الاجياس امس فليل الساعة هنتين زين فلَت منها يا ريال
منصور: ليش شصار؟
...
رن تلفون زايد باسم الوالد تأفف بظيج ورد
حمد (بو حمدان): وينك صار لنا ربع ساعة نترياك تحت عالغدا
زايد: زين يلا ياي لكم الحين
...
وهو كان على طاولة الطعام انشغل يكتب لربعه الي صار له، قامت من مكانها اخته الريم عسب تلعوزة لكنه فجأه صرخ عليها من قربت صوبه
الريم: شفيك ليش تصرخ؟ شمسوي هاا.. اعترف
عطاها زايد نظره وقال: ما يخصج
حمده (ام حمدان) بعصبيه: تأدب ويا اختك احسن لك
زايد وهو يقوم: الحمدالله شبعت
حمد (بو حمدان): وين؟ ما كلت كمل كمل ما عليك
زايد بدون نفس: لا مواعد ربيعي كايد بيمر عليّه الحين وبرد عالساعة وحده فليل تقريبا
حمده (ام حمدان): خيييبه كل هالساعات تهيـــ....
قاطعها زايد وهو طالع من غرفة الاكل: انا قلت الي عندي ويلا مع السلامة
وركب مع كايد وراحوا استراحتهم
في نفس الوقت...
تدخل جوري مع نهيان وهي مستغربة من طريقة طلعت اخوها بس طنشت ها الشيء لأنها كانت مشغوله ف الطريقه الي بتقول لأهلها انها حامل..
وهي تسلم على أمها (أم حمدان) دق الجرس خبرت الخدم يودون الي يايبتنه الحديقه ...
استأذنت من أمها وابوها عشان تروح الحديقه تأخرت وهذا الشي لفت انتباههم راحوا يجوفونها كانت توها مخلصه من التجهيزات
.........
جوري: حياكم.. حياكم
ابوها: اووه شغل حفلات هنيه شو مستوي؟
جوري: تفضلوا انا رايحه انادي اخواني
أبوها: انزين ما جاوبتي
جوري: أبويه تريا بعدين بجاوبك
أمها: لا تتأخرين
جوري راحت لخوانها عشان تخليهم ينزلون، ويحضرون الحفله
ونزلوا اخوانها وطلعوا للحديقه وسوت الحفله و استانسوا أمها وابوها واخوانها بالخبر
............
في بيت بو راكان بعد صلاة العصر مجتمعين فالصاله كالعاده لكن بدون راكان المبتعث في المانيا
مكتوم: والله يابوي متوله على راكان من ابتعث مايا زارنا ولا مرة
أم راكان: وأنا مشتاقه لك وله ياولدي، يلا هانت أنت شوي وبتخلص التجنيد و بتدرس وبتم تحت عيني
عمر: ماما مادري كيف تشتاقين لهالخايس وانا لو اروح البر يومين ويا عمي ما تشتاقين لي
نوف وهي تضحك: يعع خلصوا الناس الي بالدنيا عشان نشتاق لك
عمر: يت يت ام الفلسفه
مكتوم: دام جي أنا صاعد جناحي لأن هاليهال بيتضاربون وأنا مالي خلق لهم
ام راكان وهي مبتسمه ورافعة حايبها: هاا ليكون رايح تكلم الح..
مكتوم صرخ بعصبية: أمايه كمن مره قلت لج بنت أخوج ما أباها وعمري ما فكرت فيها ترا هب كل شي غصب وانا بعدني على هالسوالف
بو راكان بتأييد لكلام ولده: يا حرمه خلي الولد براحته يمكن يلقى الي أحسن منها
أم راكان: يابويه مكتوم والله أتمناها لك أدب وأخلاق
مكتوم: بروح العزبه أحسن لي من هالسوالف الفاضيه
أول ما وصل راح لأعلى عرقوب موجود فالعزبة، على طول مر فباله الأحداث الي صارت له قبل سنين يوم كان يالس مع ربيعة على هالعرقوب، كان يغني وذياب يدق عالعود فجأه ذياب تعب و رد البيت ومن هاك اليوم ما سمعوا عنه و انقطعت أخباره عن الكل، دمعت عينه على ذكرى ذياب تنهد وقام يشل بصوته الممتلي هم وشوق:
يا طير سلم لي على خلٍ تغيب من سنين
والبعد سبب لي بـلى وأنا بلا شوفه حزين
يا طير يالي في العلا حالي بدونه كالسجين
لو صد عـني أو سلى ذكره بي لو بعد حين
قل له حبيبك مـا غلى غيرك يابو عودٍ لدين
ودّي من شـفاتك هلا لي تخفي الدر الثمين
وأذكــرك وقـتٍ خلى كنا سوى متجمعين
يا ريـم راتـع فـالـفلا أحذر ضباعٍ مفسدين
ما همهم حسـنك ولا بتهمهم سمعة و دين
كلمات: محمد علي بن غدير الكتبي
مكتوم: وينك يا ذياب وينك؟
طمن أمك ورفيقك!
رد على رسالة طال عليها الزمن وقدمت!
........
الساعة 12في إستراحة الشباب
كايد وهو نص واعي: يا جماعة شكلي بدفن...........
يتبع..!
أنت تقرأ
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
