راكان: طبعاً خبرت امل عن مخططاتي وانا أبا اعرف إذا البنيه تحبني ولا لا
مكتوم: والله ما توقعتها منك، شو ها الغباء؟
راكان: انزين اسمع اكتشفت ان ميره تحبني، ما تصدق كيف استانست لكن (سكت شوي ونزل راسه بحزن)
مكتوم حط ايده على جتف اخوه ونزل لمستواه: لكن؟
راكان: اكتشفت أني غبي.. كسرت قلبها، امل سمعتها أمس فليل تتكلم وهي نايمه وتقول راكان يحبها وانا؟ وتصيح وتقول وانا؟ (خنقته العبرة و سكت و بعد فتره) تحس لو خطبتها بتوافق؟
مكتوم: والله (تنهد ومسك شعره من ورا) ما أدري وانا اخوك، لكن شو رايك تعترف لها وتخطبها بنفس الوقت؟
راكان: كيف
مكتوم: (... قال له الخطة لكن تحيدوني عاد نذله ما بقولها الا لما تستوي🌚...)
راكان: هيه والله لكن متى
مكتوم: امممم إذا مستعيل خلها الخميس وحدد موعد مع اخوها
راكان: والله ما غلطت لما ييت لك (باس راس اخوه)
مكتوم: ابوك انا تبوس راسي؟ ههههههه
راكان: لا أخوي الحكيم هههههههههه
مكتوم: روح ارقد يا العاشق الولهان
راكان يألف اغنيه من راسه ويهز وهو يمشي: الله يبلاك بالعشق مثل ما بلانا تننن
مكتوم فلعه (رماه) بالمخدة: ويعه لا تدعي
راكان يضحك بصوت عالي من بعيد: وييييييييو ما يتني
طلع بو راكان: شو هالصراخ
أشروا على بعض كأنهم أطفال.. بو راكان هز راسه بأسف ودخل الغرفة
مكتوم وراكان: هههههههههههههه
وراحوا ينامون
مكتوم بغرفته ومليون شيء في باله، سالفة ذياب، يفكر كيف بيحلها وكيف يتصرفون؟ يته الريم فباله، نسى عن موضوعها، فتح تلفونه، جافها اونلاين.. جاف الستوري مالها كانت ماسكه مسكة اختها وكاتبه: ("مبروك و عقبالنا💃🏻🤪").. ابتسم على هبلها وكتب
مكتوم رد على الستوري:(" مبروك وعقبالج🤣")
الريم بعد دقايق: ("هههههههه، الله يبارك فيك، ترا اتمصخر وعقبالك انت بعد")
مكتوم: ("لا يع ما أبا اتزوج، اتخيل وحده تنشب لي وين رايح من وين ياي؟")
الريم:(" فاهم الزواج غلط🙄!!")
مكتوم حب يحرجها: ("فهميني")
الريم عرفت قصده: (" روح لمرتك وقول لها فهميني🤣")
مكتوم يبا يزيد العيار: (" انزين ليش انا منو سألت توني؟")
الريم انحرجت لكن حبت تقلب الطاولة: (" أختك🤣")
أنت تقرأ
حبيت بدوي
Romansaحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
