اخوها سعود: بس يا خالي ما يستوي جيه، انا مرمس ربيعي.
يا راكان بيرمس لكن قاطعهم دخلت ميره: السلام عليكم (ما لاحظت ان راكان موجود لأنه كان يالس على الصوب اليمين)
الجميع: وعليكم السلام
ميزت صوته فعدلت الشيله: هلا خالي، طلبتني؟
خالها سهيل: هيه يا ابويه، ايلسي (واشر صوبه)
ميره مستغربه وتطالعهم تتريا منهم شرح
اخوها سعود: مثل ما قلت لك، البــ
راكان: وانت على أي أساس ترمس الريال؟
سعود: اخوها العود
راكان بضياع: عمي؟ رد عليه؟
(ترا سهيل خال ميره وعم راكان)
ميره: شو السالفه؟
سعود يا بيرمس لكن راكان وقف وراح لها، راكان: مييييره، ترا أمل اختي بالرضاع (انصدمت ميره، ابد ما كانت متوقعه) وو
ميره ترجف ومتوتره: والي كان بينكم؟
راكان: والله هي اختي وأنا،
ميره بفضول وشوية عصبيه لأن راكان طولها: شو فيك؟
راكان باستسلام: انا اباج على سنة الله ورسوله (كان بيقول احبج لكن حس ان لازم يحشم اخوها وعمه سهيل وابوه) -وبعد دقايق-موافقه؟
ميره استحت لكن ما بينت: آآ، بستخير
سعود يضحك: ههههه ما شاء الله، بتستخيريين؟ وانا وين شوري؟
ميره: انا بستخير والله بييب الي فيه الخير
سعود: من توفوا أهلنا انتي شورج بأيدي، وانا هب موافق يا راكان والله يرزقك ببنت الحلال
بو راكان: سعود؟ ليش هب موافق؟ جيه ولدي شو فيه؟ وبعدين البنت يتيمه ومن حقها تختار ريلها
سعود: خالي، البنيه ما تعرف وين الصح، وولد خالي ما فيه عيب لكن انا مواعد ربيعي منذر ان البنيه له
ميره ودموعها بعيونها: ليش تواعده؟ شو جايفنييييي؟ تروح تقوله اختي لك وانا حتى ما ادريي؟، انزين شاورني على الأقل
سهيل: ميره اميه، هدّي اعصابج، وان بغيتي راكان واستخارتج دلتج على راكان بإذن الله بيكون لج، وبنرمس منذر وان شاء الله يلقا له البنت الي تناسبه
ميره يت بتطلع، راكان: ميره
ميره وهي مدنقه (منزله راسها): هلا؟
راكان: اباج شوي ويا امل اختي
ميره: ان شاء الله
سعود بعصبيه: خير شو الي اباج ويا امل؟
راكان وهو طالع من الميلس: عن اذنكم، وانت يا سعود اطلع منها
سعود يتطالع خواله ويتريا منهم كلام لكن خواله كانوا مؤيدين الي يقوله راكان فتموا ساكتين
أنت تقرأ
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
