شوق يالسه فالسياره ودموعها على خدودها، تتذكر اخر مره جافت فيها أمها وكمية الألم الي كانت تتألمه أمها.. جافت ابوها من منظره السايق وجافت دموعه نزلت راسها ودمعت عيونها.. وقفت السياره، رفعت راسها وجافت انهم وقفوا صوب مركز الشرطه، جافت ابوها بخوف وقال لها: انزلي
شوق: ليش؟
ابوها بعصبيه: انزليييي
شوق نزلت وخلاص رضت ب الي بيستوي .. دشت داخل وسألوا عن مكان التحقيق
غرفة التحقيق..
دخل الظابط عليها ف غرفة التحقيق ووكان في حارس واقف صوب الباب
المحقق بلهجه قويه: السلام عليكم
شوق بصوت يرجف: وعليكم السلام
المحقق يرمس وهو يراعي نبرة صوته: اممم شوق صح؟
شوق حست انها بتصيح وهزت راسها هيه
المحقق: انتي تعرفين ان الي سويتيه غلط وبعد تعرفين ان مهما كانت الدوافع لازم ما تسوينه صح ولا (قال بنبره) غلط؟
شوق خافت من النبره هاي: ءءء صح غلطت (صاحت)
المحقق: وكيف نصلح هاي الغلطه؟ انتي تدرين انج دمرتي حياة الكثيرين؟
شوق حست بالذنب لأنه يعاتبها.. المحقق هذا على الرغم من انه صغير بالعمر الا انه تفوق على كل المحققين الباقين لأن شهادته امتياز مع مرتبة الشرف في علم النفس ولغة الجسد.. ما علينا من المحقق خل نسمعهم شو يقولون
شوق زاد صياحها وحن قلبه عليها لكن ما بين لها وقال بنبرة قاسيه: دموعج واسفج ما راح يصلحون ولا شي، الي بتسوينه ان صور (قال بنبرة غموض) الريم بتنمسح
شوق خافت اكثر يوم سمعت اسمها وعرفت منو الي مبلغ
كمل المحقق: وحمد بتتصلين تعذرين منه، وباقي الشباب والفلوس الي معطينج ياهم بترد لهم
شوق بطواعيه تامه لأنها خلاص انكشفت تماماً وانتهى النقاش: ان شاء الله
طلع المحقق وهو محصل كل المعلومات الي يباه عن طريق لغة جسدها دوّن كل شي وانحكم عليها اسجن ليوم المحاكمه وفي ليلتنا هذي نامت شوق ووهي تصيح.. يت في باله جمله " الدنيا دواره والله يمهل ولا يهمل" تمت تنوح في سجن الاحداث وكان المحقق يسمعها بهدوء..
...............
في مكان ثاني الهدوء فيه اكثر.. كان هزاع منسدح وتفكيره تماماً متوجه لعند روان.. مستغرب من نفسه ليش هب يالس يفكر فالريم؟ استغفر ورقد..
#حلم هزاع
الريم تمشي له وهي ماسكه ايد روان وفي ايدهم ورد.. سلمت روان لهزاع وعطتهم الورد وراحت.. بس راحت لبوابه سوووده
...........
فز من الرقاد بعد ما جاف البوابه السودا واستغفر ورد رقد وهو قلبه هب متطمن
يتبع..!
أتمنى تكون بارتات اليوم عيبتكم🖤
أنت تقرأ
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
