حبيت بدوي

البارت الـ28(3)

يلس يرتب اغراضه، اليوم المغرب سفرته ويحس فيه تناقض، يبا يتم فالبلاد عشان يكون بقربها ويبا يروح بعد عشان ينسى خيانتها، تم يرتب الأغراض وف عيونه دموع، لأن بعض اغراضها كانت من بين اغراضه.. كانوا مرتبين ملابسهم على اساس يطقمون ف الالوان كل يوم..  شل بدلته الرسميه وطاح من جيبها تلفونها لأنه شله عنها يوم طلقها وكانت فالمستشفى.. حس ب شي يقول له افتح التلفون، يمكن يكون ظلمها.. يوم يا يفتح التلفون جاف ان في باسوورد، حاول مره ومرتين وثلاث وما نفع، بس يوم حط يوم ميلاده فتح التلفون.. يعني باسوورد تلفونها يوم ميلاده.. نزل راسه والدمعه الي كانت بعيونه نزلت وهو يتذكر نظرتها يوم تقول له " والله ما خنتك".. كل شي يرن براسه، صوتها ونظرتها وحركاتها وريحتها.. دخل الواتس وجافه كل اشعارات من ربيعاتها وخواتها والناس الي حولها بشكل عام.. 

" والله ما خنتك"
"والله ما خنتك"
"والله ما خنتك" 

فعلياً هالجمله تنعاد ف باله ودموعها الي بللت ايده هب قادر ينساها، راح لمحادثتها ويا مايد وجاف.. استغرب ووقف دمعه الي على خده، ما صدق.. راح اكثر فوق لأول المحادثه وجاف كل شي.. حس انه غبي او ان في شي غلط مستحيييل مستحيييل!!

حط ايده على راسه ووقف بسرعه، سحب مفتاح سيارته بسرعه وركض تحت عند امه، ام فلاح استغربت ليش يركض وهو طالع.. ويالس يضحك ويدمع.. خافت عليه لأن شكله ابداً هب طبيعي اما هو كان يركض ويشاهق ويحس حياته رجعت له، دق سلف وراح لبيتهم وسرعته 180، 

اما هي كانت يالسه فالحوي وتشرب قهوه وتتأمل المكان، قالت لها أمها تروح بيت يدها مع اخوانها بس ما تبا تروح.. تبا تكون بروحها.. انفتحت بوابة البيت من برع وهي عدلت شيلتها.. دخل هو بسيارته وهي عرفته وفز قلبها لكن اول شي سوته انها قامت بتدش داخل لأنها تعرف ان ما يا الا عشان يسوي مصيبه ويتضارب.. دخلت داخل وكملت قهوتها داخل

دخل وراها علطول وهي عدلت يلستها.. فلاح وهو يصيح ويشاهق بشكل هب طبيعي: جورررريييي

اول ما دخل جي جوري عرفت انه عرف الصدق وانه جاف تلفونها،  سوت عمرها ما تسمع، وقفت وكانت بتروح غرفتها بس هو مشى جدامها ووقفها.. حضنها بقوه واستسلمت بحضنه لأنها مشتاقه له تمت تصيح وتشاهق بحضنه وهو نفس الحال..

فلاح: آسف جوريتي والله آسف(تم يصيح)

جوري تشاهق بحضنه: اشتتتتققتتت لكك

فلاح يدور وهي بحضنه وحاضننها بأقوا ماعنده: وانا اكثر والله.. آسففف حبيبتي والله آسفف اني ما صدقتج

جوري شدت بحضنتها: احبببببك

فلاح غمض عيونه، اشتاق لهاي الكلمه اشتاق لحضنها ولكل مافيها: أعشقجج

يتبع..!

صراحه البارت يصيّح واعترف بهالشي، أتمنى يعيبكم🏃🏻‍♀️🖤.