فتحت تلفونها بكيد بعد ما أكتشفت جذبه الريم ومكتوم
شوق: يتحسبني ميته على حبه هههههههه والله حاله.. والله لراويك يا مكتــ
قاطعها صوت التلفون الي كان يرن باسم " الحب بفلوسس"
تحمحمت وردت بدلع: زعلانه عليك يا حمد
حمد: أفااا افاا اذا صرت حمد يعني واايد زعلانه.. ليش ياروح حمد
شوق بدلع ماصخ: لو أنا روحك بتيي بتييب وياك هدية بنحتفل بيوم ميلادي
حمد بخقه وشوية شك: عيوون حمد وحمد كله لج.. انتي كم يوم ميلاد عندج مره 2-7 والحين4-11
شوق: حموددددددددي مره بالهجري ومره بالميلادي
حمد: ااااااااااه يا حمودي اهه رحت أنا وططي الحين ايي ونسوي أحلى حفله
شوق: تعرف هاك العطر من فرزاتجي شو رايك يكون هديتي عشان يكون ريحة حبنا
حمد: أي واحد
شوق: هاك الوردي.. ولا أقولك خلاص ما أبا اثقل عليك
حمد: بتزعليني أنتي شو ثقيله.. طرشيلي صورته ولا بشتري محل فرزاتجي كله لعيونج
شوق: يا عيوني أنت الحين بطرش لك
حمد: يلا يعمري طيران وانا عندج.. باييي
شوق: بااي (وسكروا)
شوق: اوك من حمد عطر فرزاتجي وسلمان التلفون اليديد ومنو بعد مكتوم قريب ان شاء الله قريب.. اتخيلهم يوم بيعرفون أني العب عليهم بالذات حمد هههههههههههههه اونه الغني هههه
............
جوري يالسه تلاعب نهيان وتتأمل ملامحه.. يشبه أبوه.. دمعت عيونها ونهيان مثل أي ياهل يجوف امه تصيح بيصيح وياها.. دخل فلاح وجاف مرته تصيح.. أستغرب ها الشي.. جوري مستويه حساسه وايد.. يمكن من الحمل.. أبتسم وراح لها.. يلس صوبها ومسك ويها.. حبها على راسها
فلاح وهو ياخذها بحظنه ويا نهيان: ليش حبيبتي تصيح؟
جوري تمت تصيح ومافي أي اجابه لسؤاله.. فلاح يلس يمسح على راسها.. بعدها شوي..
فلاح بستهبال: ها ولد أبوه مسوي فعايله بماما؟؟
جوري ابتسمت ابتسامة مجامله وهي تجوف حنان ريلها.. فلاح عرف انها ابتسامة مجامله فقال: اخلاااه شو ها الأبتسامه
جوري بصوت خفيف متغايض: ليش شو فيها ابتسامتي ان شاء الله؟
فلاح: ماشي طويلة العمر بس واضح انج تسلكين
جوري ما سمعت هذي الجمله لأنها كانت مندمجه بويهه.. فجأة حضنته.. استغرب منها لكن طوّف وشدها أكثر لحضنه
رن تلفونها.. ارتجفت بحضن فلاح.. خافت يكون مايد المتصل.. بعدها فلاح عنه ومسح دموعه وباس جفونها..
أنت تقرأ
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
