حبيت بدوي

البارت الـ30 (الأخير)

هب هاين عليّه انهي الروايه🥺.

بعد شهر  ولدت اليازية ويابت ولدين واحد منهم كان فيه عيب خلقي وعرفوا يوم فحصوه.. والي هو ان وحده من فقرات ظهره فيها شي.. يعني بيكمل حياته على الكرسي المتحرك صاحت اليازية اول ما عرفت لكن مسحت دموعها وقوّت عمرها ، عشانها وعشان عيالها وزوجها وأهلها بتصير اقوا ووبتكمل حياتها مثل أي ام

الكل ف بيت بوحمدان مستانس لولادة اليازية ومتضايقين شوي من ان واحد من التوائم من أصحاب الهمم ويدعون الله يعافيه

.............

بقا لها سنه وتطلع من السجن.. كانت دايماً اتم تطالع برع من الجامه وتجوف المكان برع تتمنى تطلع من هالمكان تماماً.. تابت خلاص بس يطلعونها، طول ما هي فالسجن كان المحقق سيف وياها يطمنها لكن ما كان يدري انها بدت تخاف منه ومن اهتمامه.. صارت ما تثق ف اي شخص خلاص.. الكل خذلها!

............

مكتوم تعبان من فرقا الريم طول هالشهور.. بس يجوف ستورياتها وهي تجوف ستورياته عسب يتطمنون على بعض.. اليوم يوم حطت ان يوّ لهم تؤام وايد استانس لأنها مستانسه.. ابتسم بشوق لها ولسوالفها طول هالشهور وانسدح وحط التلفون على بطنه وغنّا

ياخي ذبحني عليك الشوق
ماحن قلبك على قلبي
طال انتظاري وياخي فوق
يكفي تجاهلك عن حبي
عطيتك القلب ويّا الموق
وإللِّي طلبته لك ملبي
بين الشرايين والمعلوق
ساكن يا روحي ومتربي
مالك مُنافس ولا مخلوق
غيرك ولو مر في دربي
ماحرك أشيا ولا له ذوق
إنته دوا الخاطر وطبي
كل الأحاسيس فيك تروق
حرام يكفيك تلعب بي
هوّن على قلبي المسروق
تعبت ع جرحه مغبّي

_ احمد المسافري

............

الساعه 12 فليل..

طلع مفاتيحه ودش والبيت كله ظلام.. ما خبر حد انه بيي حتى امس يوم امه اتصلت فيه قال لها اوههه امايه مطوووولل بعدني وهي تمت متغصصه وتباه يرد.. ماكانت تدري انه بيي وبيفاجأها ومكتوم كان يالس فالصاله الثانيه على تلفونه ويقرا المحادثات.. ماله حيله عشان يطفي شوقه غير هالشي.. يقرا المحادثات ويجوف الستوري.. دش راكان ومكتوم سمع صوت جان يفز ويلف لأخوه

مكتوم: بسسم الله اعوذ بالله ليكون قرين راكان ها

راكان نقع من الضحك: ههههههههههههههههههههههههههههههههههههههه لالا (نقز عليه مكتوم بالمخده)

مكتوم بشويش: يا حمار سكان المريخ سمعوا ضحكك فضحتنا اسكت

وراكان ميييييت ضحك

مكتوم بشويش: هههه اص اص فضحتنا

وعقبها زقروا الي فالبيت وكل واحد فيه رقاد وفاجئوهم ب راكان وكلهم استانسوا فيه.. لأنه خلاص تخرج و شهادته وايد زينه ..