مكتوم: (" المسج الي مسحته هاك اليوم بعد ما جفتيه مقصود")
الريم كلعاده تستغبى: (" أي مسج؟")
مكتوم مستحي: (" هاك المسج")
الريم فهمت وما حبت تطول السالفه اكثر: (" انزين شو فيه؟")
مكتوم: (" اممم يعني ما كان بالغلط")
الريم انصدمت واستحت بنفس الوقت.. اوووووه ما خبرتكم سالفة المسج، تعالوا تعالوا بنروح ل قبل اسبوع
..قبل أسبوع..
مكتوم دش المحادثه وخلاص بيعترف وكتب لها بدون أي مقدمات احببببببج.. جافت المسج واستغربت عقب هو استوعب الي سواه ومسح المسج بسرعه بس هي جافته.. استحت واستانست وايد حست في داخلها إحساس غيييير لكن اخفته وحطت استفهام "؟" حس انها تضايقت ف كتب لها (" السموحه بالغلط")
الريم انصدمت وانجرحت واييييد حست بالغيره واحاسيس مالها أي مبرر غير انها تحبه.. كتبت وهي تخفي الي داخلها (" لا عادي.. يديمكم🖤")
مكتوم انجرح وحس ان ماله قيمه ف قلبها بس كتب (" امين🖤")
وهذا كللل الي استوا.. نرجع للواقع
الريم استحت واستانست وتجمعت فيها كل الاحاسيس.. رفعت راسها يوم سمعت صوب باب غرفتها صوت وكتبت بسرعه: (" كيف يعني؟")
مكتوم:(" يعني الي كتبته صدق")
الريم وهي تباه يقولها كتبت: (" شو كتبت انزين🙃؟")
مكتوم فاهمنها بس مستحيي: (" يعني امممم احبج")
الريم استحت وياها شعور حلوووووو.. تمت تطالع الكلمه لين ما سمعت صوت صوب الباب وسكرت علطول وهي حاطه ايدها على قلبها.. قامت وسحّت (مشطت) شعرها
وهي تطالع نفسها ومندمجه وتحس ان قلبها طاييييرر..
يتبع..!
ها قلوبكم فراشات صح😂؟
أنت تقرأ
حبيت بدوي
Romantizmحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
