اليازيه يالسه فالصاله تتريا اخوها زايد تبا تعرف شو وراه وتهز ريلها.. دورته في كل مكان فالبيت.. ماله اثر.. يلست تفكر بأخوها والذكرى توديها لغيث وتبتسم وترجع تبوز كل ما تتذكر اخوها.. فيها رقاااد وبدت تتعب.. سكرت عينها شوي.. وفتحتهن ع كبرهن يوم دخل وهو هب في وعيه.. تحسبت انها تحلم.. وقفت.. منصدمه من الي تجوفه.. يترنح؟ يتمتم؟ شكله مو طبيعي.. ما تعرف شو تسوي فيه.. تصفعه وتواعيه ولا تخليه؟..
......
اما عند مكتوم..
جفاه النوم.. يحس في ثقل واايد كبير عليه.. بس مجرد تفكير ان ذياب بمصيبه الشي يتعبه.. كيف لو كان الحل بأيده.. الساعه 1.. يتصل فيه ولالا؟.. وطى راسه ورقد وباله مشغول بربيعه..
.....
جوري كانت راقده وصوبها فلاح.. قبل الرقاد كان بينهم جدال ضايقها.. رن تلفونها.. تأففت وقامت فتحت التلفون.. تجوف رقم غريب.. قامت عشان ما تسوي حشره لفلاح.. طلعت من الغرفه..
جوري ببحه: ألوو
....: الو هلا جوريتي
جوري تتثاوب: منو ويايه؟
....: افا ما عرفتي ميود؟ حبيبج
جوري بأستيعاب بطيئ: حبيبي؟
مايد: ياعيونه
جوري استوعبت وكانت بتهزبه لكن عشان ما تسوي حشره همست بحده: ليش متصللل؟
مايد: اطمن على حبيبتي
جوري: تطمن (بتمثيل) واي حبيبي انا بخير.. (همست ) ويعههه
مايد: انزين ليش تستهبلين
جوري بأستهبال مقهور: استهبل مع حبيبي عندك مانع لا سمح الله
مايد: افا انا عندي مانع.. لا والله (بعد صمت) أحبـ (سكرت بويهه لما حست بحركة فلاح وراها)
فلاح بهمس: جوري؟
جوري بأرتباك وبهمس: آآآ..هـلا؟
فلاح وهو يفرك عينه: فيج شي؟ ليش قمتي؟
جوري نزلت دموعها ومسحتهن بسرعه وبهمس: لا ماشي بس البيبي يتحرك ولعوزني
فلاح أبتسم وهمس: تعالي (وفتح لها ايديه).. ما رضى يجوف امه مزعله ابوه
جوري ابتسمت وتكتفت: منو مزعل الثاني الحين؟
فلاح أشر لها تسكت وهو يجوف نهيان تحرك.. همس: أشش بتقومينه.. تعالي بحضني.. (ابتسم) آسف
راحت له وحظنته.. وناموا بأحضان بعض.. جوري بهمها.. وفلاح بوناسته لأن حبيبته وام عياله بحظنه.. وفيه شوية ضيق لأن الي سمعه كان يتحسبه حلم
......
نرجع لها.. محتاره، شو تسوي به؟ سحبته بقوه لغرفته ودخلت معاه وقفلت الباب، غسلت ويهه وهي ترجف، خايفه، محتاره، لايعه جبدها من ريحته.. ودته و يلسته على السرير.. ويابت ليمونه بسرعه و شربته عصيرها.. انتظرت عشر دقايق.. جافته بدا يصحصح.. طول ها العشر دقايق كان يهذي.. لما صحصح، صفعته كف، سكته
أنت تقرأ
حبيت بدوي
Romanceحبيت بدوي، رواية إماراتيه تدور أغلب أحداثها بأرض الإمارات للكاتبتين الجوهي والنبض 17-7-2020 .! ما بنحرق يلااا اقروا🏃🏻♀️ !. (مكتمله 31-1-2021)
