حبيت بدوي

البارت الـ30 (2)

ميره دمعت عيونها بس انصدمت: منذر! ليش هالسؤال؟ 

منذر مسح دموعها: ما ادري بس جي احس انج مغصوبه

ميره نزلت راسها ومسحت دموعها وكابرت.. ابتسمت: لالا بس وايد فهالفتره مشتاقه لأمايه

منذر بحنان: ياعمري انتي (حضنها)

ميره هنيه صاحت اكثر.. لأنها تذكرت أمها ولأن منذر غمضها لأنها تحب غيره وهو من تصرفاته واضح انه ميت عليها، لفت ايدها عليه وبادلته الحضن

(أم ميره توفت وخالتها ربتها كأنها أمها.. عشان جي في واحد من البارتات كانت ترمسها كأنها أمها)

منذر تم حاضننها وهي تصيح لين ما نامت بحضنه.. تنهد ورقدها زين ورقد صوبها

..........

بعد شهر..

اليازيه بدا يبين فيها الحمال لأنها فالشهر الثالث وكلهم مستغربين نفخة البطن واليوم بتسوي سونار

الريم طول هذا الشهر كانت مشتاقه لمكتوم لكن تحاول تتناساه بعد المسج

مكتوم كتب مسج ومسحه والريم جافته لكن ما تعرف ترد عليه ولا تسكت.. وسكتت

هزاع عيونه استوت ما تجوف الا روان وقلبه بدا يميل لها بعد

روان بدت تحس بحب هزاع لكن خايفه يكون وهم

راكان فالغربه.. يدرس بجد ويحاول يتناسى حبه لميره وكل ما ذكرها دعا لها وتناساها

جوري وفلاح عايشين بسعاده مع عيالهم وبدت تطلع ضروس لميود الحلو

شوق قضت اول شهر فالسجن وكانت اصعب شهور ف حياتها.. ضعفت وايد لدرجة ان عظامها بدت تبين وشعرها بدا يصير خفيف وتحت عيونها سواد من السهر

...........

دوخت فالسجن للمره الثالثه وجافتها السجانه الي تحرسس زنزانتهم.. دخلت وشلتها و وودتها للعياده وكانت شرات الريشه لأنها ما تاكل مول..

تمت فالعياده والمغذي ف ايدها وهي راقده دش عليها المحقق سيف وجافها وحن قلبه عليها اكثر.. تنهد وطلع لأن هب مسموح له يتم وياها اكثر..

.....................
نروح لمكتوم..

#مكتوم

اففف خلاص لين متى بتكابر يا مكتوم؟ احبها هيه احبها واشتقت لها ولسوالفها واحس شي ناقصني.. خلني أفج الانستا وخلاص بقول لها

......................

مكتوم: (" الريم؟")

الريم كانت تلف فالانستا وياها اشعار وطنشته لأن اخر شي يا ف بالها ان مكتوم يرمسها.. فتحت الاشعار ومن جافت ان مكتوم هو الي رمسها فز قلبهااااا ودخلت المحادثه 

الريم: (" عونك")

مكتوم: (" عانج الرحمن")

كمل: (" امممم ما أبا أكون شرات الشباب وارمسج وجي وانا ما تربيت جي ولا انتي جي تربيتي بس حبيت اخبرج شي")

الريم هنيه ضرب قلبها بقوووه: (" تفضل ")

يتبع..!

لا تسبون ادري حماس😂😂😂😂🌚

أتمنى يكون البارت عيبكم🖤..