Tempting the Truth (COMPLETED)

Chapter Eight

"MISS PRIMA!"

Mabilis pa sa alas-kwatrong napa-balungkot ng kumot si Prima nang marinig ang boses ni Kite.

Dalawang araw na nang mangyari ang mainit na pagtatagpo nila at hanggang ngayon ay awkward pa rin sa kaniya ang sitwasiyon. Nahihiya siya sa pinaggagagawa niya.

Sa totoo lang, gusto na niyang umalis at 'wag ng bumalik pa, kaya lang ay hindi pa niya nakukuha ang pakay niya.

Kung minsan ay napapisip si Prima, bakit hindi na lang kaya niya tanungin sa lalaki kung natatandaan ba siya nito pero naalala niya, maraming babae raw ang gustong kumausap sa Boss Sir niya, mabuti na lang at hindi niya kaagad na tinanong iyon dahil kung sakali, mapagkakamalan siyang isa sa mga ro'n.

Maya-maya pa'y sa kalagitnaan ng pagmumuni niya ay isang katok ang nang-interrupt. Batid niyang ang laalki na naman 'yon.

Pangatlong araw niya palang sa trabaho, gusto na niya agad na mag-quit. Sobrang kahihiyan talaga nag nangyayari sa kaniya ngayon!

"Prima, kumain ka na, maliligo na ako," paalam pa sa kaniya ni Kite bago umalis ng pintuan.

Nang maramdaman ni Prima na wala na ang lalaki, unti-unti siyang umalis sa kama at tinungo ang pintuan. Dahan-dahan niyang binuksan ang pinto at napasinghap nang matagpuan doon si Kite.

Lukot ang g'wapong mukha nitong nakatingin sa kaniya. Samantalang natampal na lamang ni Prima ang noo sa katangahan.

"Iniiwasan mo ba ako, Miss Prima?"

Peke siyang ngumiti rito. "Bakit naman kita iiwasan? Bala ka ba?"

Kite chuckled and shook his head. "Miss Prima, noong sinabi kong gusto kong maging healthy ang friendship natin, hindi ibig-sabihin no'n ay iiwasan natin ang isa't-isa."

"Alam ko, wala naman akong sinabi na hindi. At saka hindi naman kita iniiwasan, e. Inaantok lang talaga ako."

"Ito kape," napaamang siya nang makita ang hawak na kape ni Kite na mainit pa. "Pampawala 'yan ng antok, at sa pagpasok, malamang hindi ka aantukin. Halika na," susog pa nito.

Napangiti naman si Prima sa inasal ng kaharap. Ine-encourage siya nito sa bagay na dapat ay nakakatamad. Heto naman siya at nahahalina.

Pinanliitan niya muna ito ng mata bago nagsalita. "Workaholic ka, 'no?" Pansin pa niya.

Kite just shrugged that made her laugh. Oh, thank God, medyo nawawala na ang awkward atmosphere sa pagitan nila. Salamat na lang sa pa-kape ng Boss Sir niya.

"TABLE 23!"

Tumalina naman si Prima upang ibigay ang order. Napalaki ang mata niya nang makita kung sino ang taong naghihintay ng order.

"Benison..." tangi niya na lamang naiusal, nakangiti naman siyang hinarap ng lalaki. Alanganin ang ngiti nito, but she'll take that.

Luminga muna siya sa paligid bago umupo sa upuang kaharap nito. Nakadungok ang kaniyang ulo para hindi siya mapansin ng mga ka-trabaho- lalo na si Bang-Bang. Pagagalitan na naman siya malamang ng babae kapag nakita na naman siyang nakikipag-chikahan sa costumer.

"Ano'ng ginagawa mo rito? The last time we met, tumakbo ka paalis." Bungad niya sa lalaki pagka-upo.

Nervous naman itong natawa. "Sorry pala no'n, nabigla lang ako," sabi nito sa mahinang tinig.

"Oh, so, ano'ng ginagawa mo rito?"

"Can I talk to you after your shift?"

"And why is that?"