Tempting the Truth (COMPLETED)

Chapter Twenty

Temptine: Wala po rito ang magiging usapan ni Prima at Kite from Chapter Nineteen, may iba rin po ritong details na hindi ko ininclude dahil iu-under ko po ang story na ito sa Goodnovel. 'Yon lang, good day!

---

TWO DAYS. 

Two days ago nang ipaalam ni Prima kay Kite na may anak ito, na may anak sila. Ngunit hanggang ngayon ay hindi pa rin makapaniwala si Kite sa natuklasan. He had always been careful when it comes to sex. Kaya nga dalawang babae palang ang nakatalik niya sa tanang buhay niya. And well, pangatlo si Prima. 

Ang akala niya ay binibiro lang siya ni Prima but then he remembered what happened ten years ago. When he thought he was a victim of something he horrible he couldn't even say. He blew a loud breath. He panicked the day after it happened, hindi niya nakita ang babae, he ran away and never looked back. 

Takot siya no'n. Takot na takot. Bukod sa takot na nadarama ay nagulo rin siya sa kung ano ba ang dapat niyang gawin. Tila ba ninakawan siya ng utak at hindi siya makapag-isip ng maayos noon. 

Pinadulas niya ang daliri sa kaniyang buhok. Kinakalma ang sarili na huwag nang muling isipinang mga nangyari noon. Ang importante, ay kung papaano niya masasabi kay Prima na hindi pa siya handa. Kaka-simula pa lang ng restaurant niya for god's sake! Wala pang kasiguraduhan na kaya nang makapagpalamon at magpalaki ng bata gamit ang income ng resto niya. 

Two days na rin pala niyang iniiwasan si Prima. Ngayon ay nagpaalam ito sa kaniya, uuwi raw ito sa bahay upang kausapin ang anak. Hindi niya mawati kung ano'ng klaseng pag-uusap nga ba ang ibubunyag nito sa anak. Tungkol ba sa kanya iyon? But he said give him a time to process everything, susuwayin kaya iyon ni Prima? Hindi naman na malayong gawin ng babae 'yon dahil kilala niya ito at napaka-tigas ng ulo. 

Ilang saglit pa siyang nagmuni-muni nang tumunog ang kaniyang cellphone. Senyales na mayroong tumatawag sa kaniya. He took out his phone and a knot formed on his forehead. Si Doeren 'yon, malamang ay kinukulit na naman siya tungkol sa pagtanggap ng offer sa kanya ng kilalang businessman na mag-franchise ng resto. 

“Yes?” pagod na ang boses na bungad niya rito. Napamasahe pa siya sa bridge ng ilong niya nang marinig na naman ang tungkok sa offer. 

“Ano, 'wag mong sabihin na busy ka dahil alam kong namomroblema ka sa love life mo.” 

“Pano mo nalaman?” takhang-takhang tanong niya.

“Chinika sa akin ni Bang-Bang na hindi raw kayo nagpapansinan ni Prima. Nag-commute din daw siya pauwi kahapon. 'Wag mong itanggi sa akin, halika na kasi! One week lang naman 'yong business trip.” 

Napaupo siya sa swivel chair. Parang nanghihina yata siya sa pamimilit sa kaniya nito.

“Pag-iisipan ko,” tangi na lamang niyang nasabi. 

“Sus, parang kada-sabi ko about sa offer 'yan palagi sinasagot mo, tapos ang ending hindi naman pala. Hindi tatagal itong offer, Kite, Mr. Tan is a very impatient man. Maraming siyang kailangang asikasuhin, kung ako sa 'yo bibigay ko na agad ang sagot.” 

“I know but fifty percent ang hati? Hindi ba't parang napaka-unfair naman no'n? Seven-thirty ay papayag pa ako.” 

“Exactly why you need to come with me this weekend at i-discuss ang dapat na pag-usapan.” 

He siged. “Fine, saan ba 'yang trip na 'yan.” 

“Kalibo.” Nahigit niya ang hininga, bumilis din ang pagtibok ng puso niya, tila ba nararamdaman niyang nakikipag-karera siya kasama ang mga kabayo. That's where Prima lives, and her daughter. His daughter.