چِـــهـــار

Chapter 17

وسريعا جاء اليوم التالي ،، اليوم المعهود لدي والده عهد ،، فمنذ الصباح الباكر استيقظت والده عهد وبدئت في تحضير الطعام والشراب للضيوف وأيضا قامت بترتيب المنزل فجعلته مرتب ونظيف للغايه...
وبعد مرور عده ساعات ارتدت والده عهد فستان في غايه الرقه وايضا ارتدي والدها بدله انيقه للغايه وارتدت بطله حكايتنا فستان في غايه الجمال والرقه فكان رائع للغايه واصبحت به ملكه جمال...
وبعد عده دقائق معدوده طُرق باب منزلهم بطرقات خفيفه ،، فاسرعت والده عهد لكي تفتح الباب لهم...
فقال حسين بابتسامه واسعه وهو يفتح الباب : اهلا وسهلا اتفضلوا
رد عليه شكري (والد العريس) بابتسامه عذبه قائلا : اهلا بيك يا حسين بيه
وبالفعل دخل كلا من شكري(والد العريس) ومرڤت (والده العريس) وفارس(العريس)...
وتوجهوا جميعا الي غرفه الصالون وجلسوا بها ،، في البدايه ظلوا يتسامرون قليلا وبعد عده دقائق ذهبت سوسن لاحضار عهد...
وبالفعل اخذت عهد صنيه المشروبات علي مضدد وتوجهت الي اهل العريس والعريس حتي تعطي لهم المشروب...
عهد كانت تعتقد بأنها اقوي مما تتخيل ولكن في هذا التوقيت كانت تشعر بالخوف الشديد والحرج والخجل ،، فنعم مهما كانت الفتاه تتميز بالقوه ولكن هذه اللحظه صعبه علي اي فتاه وتصيب جميع الفتيات بالخوف والخجل الشديد...
فكانت عهد تمسك صنيه المشروبات وتتجه اليهم وهي خافضة بصرها لأسفل من شده الحرج....
وفي هذه اللحظه كان فارس يري حوريه من حوريات الجنه تقترب منه فكانت كلما اقتربت اكثر واكثر كان يبتسم اكثر فاكثر ،، وبعد عده ثواني معدوده اصبحت عهد امامه مباشره....
فقالت عهد له وهي خافضه بصرها في الاسفل : احم اتفضل العصير
رد عليها فارس بنبره رجوليه جذابه قائلا : تسلم ايدك يا عهد ،، بس انتي باصه في الارض ليه انتي خايفه تبصي عليا ولا ايه
ردت عليه عهد وهي ترفع بصرها له : لا ابدا انااا.....!!!!
وفجاه صُدمت عهد مما رأته ،، فلسانها اُصيب بالشلل لبضع الثواني واصبحت غير قادره علي الحديث او النطق ببعض الحروف البسيطه...
وفي هذا التوقيت انتشالها فارس من شرودها...
فقال فارس بنبره رجوليه خشنه جذابه : احم سرحتي في ايه
ردت عليه عهد بارتباك قائله : ها لا ولا حاجة
وهنا قاطعت حديثهم سوسن فقالت لهم : تلاقيها مكسوفه بس يا فارس ،، تعالي يا عهد يا حبيبتي اقعدي جنبي
ردت عليها عهد قائله : حاضر يا مامي
قاطعت مرڤت حديثهم وهي تقول بابتسامه عريضه : كنتي مخبيه الجمال ده كله فين يا سوسن هانم
ردت عليها سوسن بابتسامه كلاسيكه قائله : ههههههههههه مكنتش مخبياه ولا حاجه
وهنا قاطع حديثهم شكري قائلا بابتسامه هادئه : طب من غير مقدمات كتير احنا يشرفنا نطلب ايد بنتكوا عهد لابننا فارس يا حسين بيه
رد عليه حسين بابتسامه عذبه قائلا : ده شرف لينا احنا يا شكري بيه ،، انا عن نفسي مش هلاقي احسن منكوا علشان اناسبكوا بس القرار الاول والاخير في ايد عهد ،، ها رأيك ايه يا عهد
ردت عليه عهد بارتباك قائله : ها!! احم ،، طب ممكن اروح اجيب ليكوا الحلويات وبعدها اقولكوا رأيي
ردت عليها سوسن قائله : تحبي اجي معاكي يا حبيبتي
ردت عليها عهد بابتسامه قائله : لا شكرا يا مامي خليكي انتي مرتاحه انا هروح واجي علطول
ردت عليها سوسن بابتسامه عذبه قائله : تمام يا حبيبتي ومتتأخريش يا عهد
ردت عليها عهد سريعا قائله : حاضر يا مامي
وفي غضه بصر كان طيف عهد قد اختفي بالكامل واختبئ بداخل المطبخ...
فقالت عهد بداخل نفسها بصدمة في المطبخ : مش ممكن!! طب ازاي!! ده اجمل ولد انا شوفته في حياتي كلها ،، هو فيه جمال كده!! انا اول اشوف حد اجمل مني ،، يعني كده الكاس الاخير بيتحقق بس بطريقه مختلفه عن كل مره ،، بس انا مش هعرف اتكلم قدامه كلمتين علي بعض من كتر جماله ،، يخربيتك يا ابن الذينه جبت الجمال ده كله منين بس
فكان فارس يتميز بالبشره البيضاء المائله للون الخمري وكان يتميز بالعيون الزرقاء الفاتحه والشعر البني الناعم والذقن الخفيفه المهندمه وكان طويل القامه ويتميز بقوه وصلابه العضلات ،، فحقا كان وسيم للغايه وقد حطم الارقام القياسيه في شده الجمال...
وبعد عده دقائق فاقت عهد من السحر التي سُحرت به بفعل فارس واحضرت الحلوي بعنايه ووضعتها بشكل انيق للغايه ثم توجهت الي غرفه الصالون حيث يوجد فارس وبعد هذه المقابله يجب ان نعترف بأنه اصبح فارس احلامها...
في غرفه الصالون بدئت عهد في توزيع الحلوي علي افراد عائله فارس ثم افراد عائلتها وانتهت بوضع الحلوي امام فارس..
فقالت عهد له بنبره جذابه : اتفضل اتمني انها تعجبك
رد عليها فارس بنبره رجوليه جذابه قائلا : اكيد هتعجبني مدام من ايدك
ردت عليه عهد بخجل قائله : ميرسي اوي
وبعدها جلست عهد في مكانها..
فقال لها حسين بنبره هادئه : ها يا عهد رأيك ايه يا حبيبتي
ردت عليه عهد بخجل قائله : اللي تشوفه يا بابي
وهنا قاطع حديثهم شكري قائلا بابتسامه عذبه : يعني نقول مبروك
رد حسين علي عهد قائلا : انا عن نفسي موافق يا عهد اعتبر انك كده انتي كمان موافقه!!
ردت عهد عليه بخجل قائله : اللي تشوفه يا بابي
قاطعت حديثهم سوسن قائله بفرحه شديده : البنت موافقه يا حسين بس هي مكسوفه
رد حسين عليها بابتسامه قائلا : طب علي البركه كده اقدر اقولك مبروك يا شكري بيه
رد عليه شكري بابتسامه قائلا : يبقي نقرء الفاتحه بقي
وفي نفس التوقيت نظر فارس لعهد نظرات جذابه وبادلته عهد نفس النظرات وبعدها بدوء في قراءة الفاتحه ،، وبعدما انتهوا من قراءه الفاتحه قامت العائلتين وهنئوا بعضهم البعض وبعد عده ثواني كان قد جاء الدور علي ان فارس سوف يهنئ عروسته الجديده "عهد"
فقال فارس لعهد بنظره جذابه : مبروك يا عهد
ردت عليه عهد بنظرات مشابهه قائله : الله يبارك فيك يا فارس
وهنا قاطع حديثهم سوسن قائله : تعالي يا مرڤت هانم اوريكي الروف بتاعتنا هيعجبك اوي وانت كمان يا حسين تعالى معانا انت وشكري بيه
رد عليها حسين بابتسامه قائلا : تمام تعالي معايا يا شكري بيه
وبالفعل ذهب جميع افراد العائلتين الي الروف وتركوا عهد وفارس معا بمفردهم في غرفه الصالون...
قال فارس مقاطعا للصمت الذي دار لبضع الثواني : اخدتي بالك من الحركه اللي عملوها
ردت عليه عهد برقه قائله : اااه عملوا كده علشان يسبونا نتكلم علي راحتنا يعني
رد عليها فارس بابتسامه جذابه قائلا : طب تحبي تقعدي ولا انتي مرتاحه كده وانتي واقفه!! ؟
ردت عليه عهد بابتسامه هادئه قائله : لا تعالي نقعد افضل
وبالفعل جلس كلا من فارس وعهد..
قال فارس لعهد بابتسامه عذبه : قوليلي بقي ايه هواياتك مثلا وايه الحاجات اللي بتحبيها وكده
ردت عليه عهد بابتسامه رقيقه قائله : انا مليش هوايه معينه يعني وبحب اني اعمل شوبينج كتير واشتري اكسسورات كتير والحاجات بتاعت البنات دي ههههههههههههه
رد عليها فارس بابتسامه عذبه قائلا : اه عارفها ههههههههههههه
ردت عليه عهد بابتسامه قائله : وانت بتحب ايه وايه هواياتك وكده
رد عليها فارس بابتسامه هادئه قائلا : انا بحب الأكل جدا يعني اكتر حاجة بحبها في حياتي هي الاكل وعلي فكرة انتي لازم تحبي الاكل زيي وتشاركيني في كل حاجة انا بحبها وهواياتي بقي اني بحب اعمل اي حاجه جديده ومش تقلديه وتبقي فيها شويه جنان يعني ههههههههههه
ردت عليه عهد باستغراب قائله : مع ان مش باين عليك خالص انك اكيل وكده يعني ،، بس هوايتك حلوه يعني حساها ممتعه كده ومخليه حياتك كلها احداث مش ممله
رد عليها فارس بابتسامه قائلا : لا اصل انا مش بستغني عن الجيم نهائي فعلشان كده مش بيبان عليا ،، وبالنسبه لحياتي بقي يا ستي انا حرفيا بتعب منها من كتر الاحداث اللي فيها مش بعرف اقعد هادي كده يومين علي بعض لازم اعمل فيهم حاجه
ردت عليه عهد بابتسامه قائله : بس انا حقيقي اتبسطت ان حياتك مش ممله
رد عليها فارس قائلا : ده انتي هتزهقي من كتر المفاجات اللي هتشوفيها علي ايدي ههههههههههههه ،، بقولك ايه تحبي نروح نتعشي في مكان ونحتفل بقرايه فاتحتنا يعني
ردت عليه عهد بحماس قائله : تمام مفيش مشكله
وبعدها استأذن فارس من اهل عهد لكي يذهبوا الي مطعم للاحتفال بقراءه الفاتحه وبالفعل وافق اهل عهد علي طلبه وبعدها ذهبوا الي مطعم كلاسيكي وراقي للغايه...
في المطعم...
قالت عهد لفارس : بس انت طلبت اكل كتير اوي كده ليه يا فارس يعني احنا اتنين بس اكيد مش هناكل كل ده
رد عليها فارس بابتسامه قائلا : انا قولتلك يا عهد من البدايه اني بحب الأكل اووي وانك لازم تحبيه زيي يعني كل ما هتحبي الأكل اكتر كل ما هحبك أكتر وافرحك اكتر وافاجئك اكتر
ردت عليه عهد بابتسامه ممزوجه بنبره استغراب قائله : انا الصراحه اول مره اشوف حد بيحب الاكل للدرجه دي يا فارس هههههههههههه بس بالهنا والشفا يعني
رد عليها فارس بابتسامه قائلا : طب الاكل جاي اهو عايزك تخلصيه كله علشان نحلي بعده تمام هههههههههه
وبالفعل احضر الجرسون الطعام ووضعه علي الطاوله في البدايه تناولت عهد الطعام الكافي لها ولكن فارس اجبرها ان تتناول اكثر واكثر وهي وجدت نفسها تُنصت الي حديثه تناولت بالفعل طعام اكثر....
بعد مرور وقت ليس بكثير...
قالت عهد بنبره متعبه : كفايه بقي يا فارس بطني هتتفجر من كتر الاكل
رد عليها فارس قائلا : انتي علي فكره اكلتك ضعيفه اوي مينفعنيش الكلام ده لازم تهتمي باكلك أكتر من كده
ردت عليه عهد قائله : حرام عليك ده انا كلت اكتر من طاقتي علشان خاطرك
رد عليها فارس بابتسامه قائلا : تسلميلي يا حبيبتي ،، قوليلي بقي تحبي تحلي ب ايه
ردت عليه عهد بفزع قائله : احلي!!!! لا طبعا انا مش فيا نفس للحلويات
رد عليها فارس بابتسامه جذابه قائلا : طب ولو قولتلك علشان خاطري
ردت عليه عهد برقه قائله : بجد يا فارس شبعت اوي خلاص مش قادره خلي الحلويات يوم تاني
رد عليها فارس بنبره هادئه قائلا : خلاص انا مش هكتر في الحلويات وهجيب حاجه بسيطه علشان متقلش عليكي
وبالفعل طلب فارس من الجرسون حلوي ليست بكميه قليله ،، وانفزعت عهد من الكميه التي طلبها فارس من الحلوي...
بعدما احضر الجرسون الحلوي..
فقالت عهد بفزع لفارس : ايه يا فارس كل الحلويات دي لمين!!
رد عليها فارس بابتسامه قائلا : ايه يا حبيبتي انا حتي مكترتش ،، يالا بقي علشان ناكل بوصي احلي حلويات هتكليها في حياتك هتبقي هنا ،، الصراحه المطعم هنا عالمي في الاكل
ردت عليه عهد بقليل من عجرفتها المعهوده قائله : انا لو كلت اكتر من كده ممكن يجيلي تسمم من كتر الاكل وبعدين انا كده ممكن اتخن
رد عليها فارس بنظره جذابه قائلا : علي فكره انا بحب البنات المليانه شويه مش الرفيعه اوي كده يعني مش هيحصل حاجه لو تخنتيلي شويه
ردت عليه عهد بارتباك قائله : اتخن شويه!! بس انا عمري ما فكرت في الموضوع ده قبل كده
رد عليها فارس بابتسامه جذابه وهو يمسك يديها برقه قائلا : ممكن تسبيلي نفسك خاالص وانا هخليكي تعيشي احلي ايام حياتك
ولان عهد تعتقد بأن هذه هي فرصتها الاخيره لتحقيق احلامها فلذلك كان ردها علي فارس...
ردت عهد عليه باستسلام قائله : موافقه
وبعدها بدئت عهد في تناول بعض الحلوي هي وفارس وبعدها بدئوا في الحديث مع بعضهم البعض ،، وحقا عهد قد شعرت بانها انجذبت لفارس وشخصيته الفكاهيه الغريبه فهو كان تركبيه غريبه الاطوار ،، وبالمثل انجذب فارس لجمالها بشده وايضا انجذب لوقارها وهيئتها الانيقه واسلوبها الراقي في الحديث...
وهكذا كانت انتهت هذه الليله بتوصيل فارس عهد الي منزلها ،، وبعدما ذهبت عهد الي منزلها لم تدري بنفسها الا وهي نائمه نوما عميق بسبب الطعام الكثير التي تناولته...
في صباح اليوم التالي أستيقظت عهد علي طرقات خفيفة علي باب غرفتها...
فقالت عهد بصوت نائم : ايوه مين
ردت عليها سوسن وهي تفتح باب الغرفه : كل ده نوم يا عهد احنا بقينا الضهر يالا يا حبيبتي قومي بقي كفايه نوم
ردت عليها عهد وهي تغطي وجهها قائله : سبيني انام شويه كمان يا مامي كده كده مفيش محاضرات مهمه انهارده ومش هروح الجامعه فسبيني بقي انام شويه
ردت عليها سوسن بابتسامه مكر قائله : اممم طب ولو قولتلك ان فارس بره هتفضلي نايمه برده
ردت عليها عهد وهي تقوم بفزع قائله : ايييه!! بره فين!! بره في الصالون يعني
ردت عليها سوسن بضحكه عاليه قائله : ههههههههههه اااه بره في الصالون يعني
ردت عليها عهد بتشتت قائله : طب مش كنتي قولتيلي يا مامي علي الأقل كنت جهزت نفسي
ردت عليها سوسن بابتسامه مكر قائله : ماهو اول ما جه انا جيت قولتلك اهو ،، بس انتي شكلك عايزه تنامي وترتاحي فنامي وانا وباباكي هنقعد معاه
ردت عليها عهد وهي تنهض من علي سريرها قائلا : لا انام ايه انا قمت خلاص اهو
ردت عليها سوسن باستفسار ممزوج بقلق قائله : انا ليه يا عهد حاسه انك مدلوقه علي فارس ووافقتي علطول كده يعني بتتعاملي معاه بطريقه مختلفه عن اي حد قبله
ردت عليها عهد بابتسامه حزينه قليلا قائله : لانه اخر فرصه يا مامي علشان كده لازم احافظ علي الفرصه دي كويس جدا قبل ما تضيع مني زي اللي قبلها
ردت عليها سوسن بعدم فهم قائله : فرص ايه انا مش فاهمه حاجه ،، انتي قصدك يعني علشان اتخطبتي كذا مره وكده يا حبيبتي!!؟
ردت عليها عهد باستعجال قائله : هفهمك بعدين يا مامي بس انا دلوقتي لازم اخرج لفارس علشان متأخرش عليه كتير فاانا هلبس بسرعه واخرج
ردت عليها سوسن بابتسامه قائله : تمام يا حبيبتي انا هخرج بقي واسيبك تغيري هدومك براحتك
ردت عليها عهد بابتسامه قائله : تمام يا مامي
وبالفعل خرجت سوسن من غرفه عهد واغلقت باب الغرفه علي عهد جيدا وبعدها بدئت عهد في تبديل ملابسها وارتدت ملابس انيقه حتي يُعجب بها فارس اكثر واكثر...
وبعد وقت ليس بكثير خرجت عهد من غرفتها وهي في كامل اناقتها ثم توجهت الي غرفه الصالون التي يوجد بها فارس...
فقالت عهد بابتسامه رقيقه : ازيك يا فارس
رد عليها فارس بنظره اعجاب قائلا : الحمد لله وانتي عامله إيه
ردت عليه عهد بابتسامه قائله : تمام ،، بس ايه الزياره الحلوه دي مقولتليش يعني انك هتيجي انهارده
رد عليها فارس بابتسامه عذبه قائلا : ماانا قولت اعملهالك مفاجاه بقي وبعدين انا كنت بقول لانكل اننا نخرج انهارده والحمد لله هو وافق
ردت عليه عهد بابتسامه كبيره قائله : تمام شكرا يا بابي
رد عليها حسين بابتسامه قائلا : العفو يا حبيبتي المهم تخلي بالك عليها يا فارس ومتتاخروش
رد عليه فارس بابتسامه قائلا : اطمن يا عمي عهد في عنيا ،، طب يالا بينا يا عهد
ردت عليه عهد بابتسامه قائله : يالا بينا
فقال فارس بابتسامه وهو ينهض من مكانه : طب عن اذنكوا يا جماعه
رد عليه حسين بابتسامه قائلا : اتفضلوا يا ولاد
وبالفعل خرج كلا من فارس وعهد من المنزل وتوجهوا الي سياره فارس...
فقالت عهد بحماس لفارس بداخل السياره : ها قولي بقي هنروح فين
رد عليه فارس بنظره اعجاب قائلا : قوليلي انتي الاول ايه الجمال ده كله
ردت عليه عهد بقليل من الغرور قائله : دي اقل حاجه عندي
رد عليها فارس بنظره اعجاب قائلا : اومال اكتر حاجة هتبقي ايه مدام دي اقل حاجه
ردت عليه عهد بابتسامه جذابه قائله : بس لم نفسك بقي وسوق وانت ساكت
رد عليها فارس بتحدي قائلا : اممم طب مدام انتي اتجرئتي وقولتي ليا كده فعقابا ليكي ان اي حاجه هقولها انهارده هتقولي عليها حاضر ونعم وبس ،، مفهوم
ردت عليه عهد بضحكه كبيره قائله : ههههههههههه لا مش مفهوم
رد عليها فارس بنظره جذابه قائلا : عهد!!
ردت عليه عهد بشرود قائله : خلاص مفهوم
رد عليها فارس بابتسامه كبيره قائلا : ههههههههههه ايوه كده
وظلوا هكذا طوال الطريق حتي وصلوا الي مكان مجهول بالنسبه لعهد...
فقالت عهد لفارس وهي تخرج من السياره : احنا فين يا فارس ايه المكان الغريب ده
رد عليها فارس بحماس قائلا : انا مش قولتلك اني هعملك مفأجاه
ردت عليه عهد بتسأل قائله : ايوه بس فين المفاجاه برده!!
رد عليها فارس بحماس قائلا : انا جبتك لاكتر رياضه بحبها في حياتي وبحس اني طاير كده في السماء واني حر طليق
ردت عليه عهد باستفسار قائله : رياضه ايه دي انا مش شايفه غير طايرات بس
رد عليها فارس بحماس قائلا : تعالي بس وانتي هتعرفي كل حاجة في وقتها متستعجليش
وبالفعل اخذ فارس عهد من يديها ثم توجهوا الي طائره صغيره...
فقالت عهد لفارس وهي امام الطائرة : فارس انا مش فاهمه حاجه ومش هطلع الطياره غير لما تقولي احنا هنعمل ايه بالظبط
رد عليها فارس بابتسامه قائلا : يا ستي احنا هنركب الطياره دي وبعدها الطياره دي هطلع لحد ارتفاع معين وبعدها هتقف في الجو وقتها بقي احنا هنط منها وهنبقي طايرين كده في الجو وهتحسي انك فعلا حره في اللحظه دي
ردت عليه عهد بضحكه ممزوجه بسخريه قائله : ههههههههه لا والله انت اكيد بتهزر صح هههههههههه
رد عليها فارس بجديه قائلا : لا مش بهزر انا بتكلم بجد
ردت عليه عهد بصدمه قائله : بجد!! انا مستحيل اعمل كده طبعا انت بتقول ايه ،، بوص اطلع انت ونط وانا هقف تحت واسقفلك اول ما تنزل بس إني اطلع ده مستحيل يحصل
رد عليها فارس بجديه قائلا : عهد انا بجد يفرق معايا جدا ان شريكه حياتي تشاركني في كل حاحه انا بحبها وخصوصا بقي لو الحاجه دي بالذات ،، بوصي يا عهد انا سبت بنات كتير بسبب اللعبه دي وانهم قالوا نفس كلامك ده وده كان بيثبتلي انهم في المستقبل عمرهم ما هيضحوا بحاجه علشاني فكنا بنسيب بعض
ردت عليه عهد بارتباك قائله : بتسيبوا بعض!!! بس انا مستعده اني اضحي علشانك يا فارس بس مش لدرجه اني اضحي بعمري
رد عليها فارس بجديه قائلا : يبقي انتي كده مش بتثقي فيا يا عهد وخلاص بقي نفضها سيره احسن
ردت عليه عهد بارتباك قائله : ايه اللي انت بتقوله ده انت ليه متسرع في قرارتك كده ،، استني نفكر طب ونلاقي حل
رد عليها فارس بنفاذ صبر قائلا : هو لتوفقي وتطلعي معايا ونكمل مع بعض واتاكد انك فعلا البنت اللي تصلح انها تكون شريكه حياتي او ترفضي واروحك بيتكوا ونفضها سيره انا مش بجبرك علي حاجه يا عهد انتي حره وفي ايدك القرار
ردت عليه عهد قائله : انت بتحطني في اختبار صعب وبتخيرني بين اننا نكمل ولا وبعدين تقولي مش بجبرك!!
رد عليها فارس قائلا : انا لازم اتاكد انك البنت اللي هتقدر تكمل معايا طول العمر وهتضحي علشاني ولا لاء
ردت عليه عهد بارتباك قائله : ماانا هضحي صدقني وهعيش معاك طول العمر بس بلاش التضحيه دي
رد عليها فارس بتحدي قائلا : لا يا عهد هو مفيش غير الاختبار ده اللي يحدد انك فعلا هتبقي اد المكانه الكبيره اللي هدهالك ولا ،، ها قررتي انك تعملي ايه!!؟
ردت عليه عهد بقلق شديد قائلا : احم خلاص موافقه
رد عليها فارس بابتسامه نصر قائلا : ايوه كده هي دي عهد اللي اُعجبت بيها واصلا انا متاكد انك هتبقي غير اي بنت انا عرفتها وانك البنت اللي هكمل معاها
ردت عليه عهد بشرود قائله : ها اه ان شاء الله
وبعدها صعدت عهد الي الطائره ومعها فارس وبدئت الطائره في الارتفاع والابتعاد عن سطح الارض وكلما شعرت عهد بارتفاع الطائره وابتعادها عن سطح الارض فكانت تشعر بان روحها تبتعد عنها رويدا رويدا ،، فهي لاول مره تشعر بمعني جمله بان روحها تُسحب منها ببطئ...
فمن الممكن ان نضحي لاجل شخص بسبب اننا اغرمنا به او اننا خائفين من عقابه ولكن لماذا ضحت عهد!! فهي لم تكن خائفه من فارس ولم تُغرم به للدرجه التي تجعلها ان تضحي براحتها لهذه الدرجه..
فاذن لماذا ضحت عهد ووضعت نفسها في هذا الموقف!! ايمكن اللعبه التي دخلتها في البدايه هي التي اجبرتها ان تفعل ذلك!! ايمكن خوفها من خساره الفرصه التي تعتقد بأنها الفرصه الاخيره تجعلها تفعل ذلك!! الهذه الدرجه شخصيه عهد تغيرت بشكل كبير!!
وفي هذا التوقيت تدخلت دهب وقطعت احداث الحكايه...
فقالت دهب بنبره كلاسيكيه : سمعنا كتير اوي ان فلان ضحي علشان فلان وان البنت دي ضحت علشان حبيبها وان الام دي ضحت علشان ولادها والكلام ده مش بنسمعه او بنشوفه في الافلام والروايات وبس لا ده احنا كمان بنشوف ناس حوالينا عملت كده ده لو احنا مكناش ضحينا بحاجات كتير لناس بنحبهم او الظروف كانت اجبرتنا اننا نضحي بالحاجات دي..
طب هل التضحيه دي نصنفها إيه!! يعني نقول انها ضعف ولا حب!! فيه ناس بتضحي علشان خايفه وفيه ناس بتضحي علشان بتحب اوي بغض النظر انت بتضحي ليه وعلشان ايه هنلاقي ان المشترك بين اي حاله من دول ان التضحيه لو ذادت عند حدها هتأذيك جامد والطرف التاني هيبقي فاكرها حق مكتسب منك وان خلاص بقي واجب عليك انك تضحي ،، كل حاجة في الدنيا دي لازم تبقي بالمعقول مهما كانت الحاجه دي بسيطه ولا..
خليكوا فاكرين الجمله دي كويس جدا..
"انت ممكن تضحي وتقدر تضحي بس خليك فاكر انك قبل ما تضحي لازم تبقي متاكد مليون في الميه ان هو ده الشخص اللي يستاهل انك تضحي علشانه لانك لو ضحيت للشخص الغلط التضحيه دي هتبقي لعنه وهتوصلك لطريق في نهايته هتخسر نفسك"

يا تري ايه اللي هيحصل لعهد وهي في الطياره وايه هيكون رد فعل فارس وهل عهد هتنط من الطياره ولا هترجع في رأيها...
لو عايزين تعرفوا كل ده انتظروا البارت اللي جاااي  🔥🔥🔥🔥

......................................................................