وبعدها صعدت عهد الي الطائره ومعها فارس وبدئت الطائره في الارتفاع والابتعاد عن سطح الارض فكلما شعرت عهد بارتفاع الطائره وابتعادها عن سطح الارض فكانت تشعر بان روحها تبتعد عنها رويدا رويدا ،، فهي لاول مره تشعر بمعني جمله بان روحها تُسحب منها ببطئ...
فمن الممكن ان نضحي لاجل شخص بسبب اننا اغرمنا به او اننا خائفين من عقابه ولكن لماذا ضحت عهد!! فهي لم تكن خائفه من فارس ولم تُغرم به للدرجه التي تجعلها ان تضحي براحتها لهذه الدرجه..
فاذن لماذا ضحت عهد ووضعت نفسها في هذا الموقف!! ايمكن اللعبه التي دخلتها في البدايه هي التي اجبرتها ان تفعل ذلك!! ايمكن خوفها من خساره الفرصه التي تعتقد بأنها الفرصه الاخيره تجعلها تفعل ذلك!! الهذه الدرجه شخصيه عهد تغيرت بشكل كبير!!
وفي هذا التوقيت تدخلت دهب وقطعت احداث الحكايه...
فقالت دهب بنبره كلاسيكيه : سمعنا كتير اوي ان فلان ضحي علشان فلان وان البنت دي ضحت علشان حبيبها وان الام دي ضحت علشان ولادها والكلام ده مش بنسمعه او بنشوفه في الافلام والروايات وبس لا ده احنا كمان بنشوف ناس حوالينا عملت كده ده لو احنا مكناش ضحينا بحاجات كتير لناس بنحبهم او الظروف كانت اجبرتنا اننا نضحي بالحاجات دي..
طب هل التضحيه دي نصنفها إيه!! يعني نقول انها ضعف ولا حب!! فيه ناس بتضحي علشان خايفه وفيه ناس بتضحي علشان بتحب اوي بغض النظر انت بتضحي ليه وعلشان ايه هنلاقي ان المشترك بين اي حاله من دول ان التضحيه لو ذادت عند حدها هتأذيك جامد والطرف التاني هيبقي فاكرها حق مكتسب منك وان خلاص بقي واجب عليك انك تضحي ،، كل حاجة في الدنيا دي لازم تبقي بالمعقول مهما كانت الحاجه دي بسيطه ولا..
وخليكوا فاكرين الجمله دي كويس جدا..
"انت ممكن تضحي وتقدر تضحي بس خليك فاكر انك قبل ما تضحي لازم تبقي متاكد مليون في الميه ان هو ده الشخص اللي يستاهل انك تضحي علشانه لانك لو ضحيت للشخص الغلط التضحيه دي هتبقي لعنه وهتوصلك لطريق في نهايته هتخسر نفسك"
نرجع تاني لحكايتنا....
وبعد عده دقائق معدوده وقفت الطائره في الجو وظلت تحلق في مكانها...
فقال فارس بحماس لعهد : الله يا عهد اللبس بتاع النط شكله جنان عليكي
ردت عليه عهد بشرود قائله : ها اه
رد عليها فارس بحماس شديد قائلا : جاهزه يا حبيبتي علشان ننط
ردت عليه عهد بخوف شديد قائله : لا مش جاهزه
رد عليها فارس وهو يمسك يديها قائلا : اطمني يا حبيبتي انا معاكي ،، ايه ده ايدك ساقعه اوي كده ليه!!!
ردت عليه عهد وهو علي وشك ان تغيب عن الوعي قائله : فارس الحقني
وفجأه وبدون مقدمات استسلمت عهد لكي تغيب عن هذا الواقع ،، فوجدت بأن اسلم حل لها بانها تستسلم لواقع اخر غير واقعها الحالي...
فقال فارس بلهفه : عهد عهد قومي يا عهد ،، معتز الغي الرحله خلاص مش هنقدر نكملها
رد عليه معتز قائلا : تمام يا فارس احنا هنرجع تاني بقي
رد عليه فارس قائلا : تمام (ثم وجه كلامه لعهد فقال) عهد قومي يا عهد خلاص مش هنط
رد عليه معتز قائلا : اهدي يا فارس فيه عياده تحت اول ما ننزل نوديها العياده دي
فرد عليه فارس باستسلام قائلا : تمام
وبالفعل انتظر فارس عده دقائق حتي وصل مره اخري الي سطح الارض وبعدها حمل عهد واوصلها الي العياده الخاصه بالمكان...
فقال فارس وهو يدخل الي العياده : لو سمحت يا دكتور خطيبتي اغمي عليها
رد عليه الطبيب بجديه قائلا : طب ممكن تحطها هنا علي السرير ده
وبالفعل استمع فارس لحديث الطبيب ووضع عهد عليه برفق وبعد عده دقائق كان يفعل بها الطبيب الاسعافات الاوليه لعهد بدئت عهد تفيق بعض الشئ...
فقالت عهد بصوت ضعيف : ااااه هو انا فين!!
رد عليها فارس بابتسامه قائلا : اطمني يا حبيبتي احنا في العياده
ردت عليه عهد بفزع قائله : هو انا نطيت يا فارس
رد عليها فارس بنبره مطمئنه قائلا : ههههههه ده انتي فضحتينا ،، لا ياستي انتي منطتيش ولا حاجه انتي اغمي عليكي والطياره رجعت بينا وانا شلتك وجبتك علي هنا علطول
قاطع الطبيب حديثهم قائلا : شكل الانسه عندها فوبيا من المرتفعات فياريت متتعرضيش لحاجات مرتفعه كتير علشان متتعبيش كده تاني
ردت عليه عهد قائله : حاضر يا دكتور ،، سامع يا فارس
رد عليها فارس بابتسامه قائلا : الله ماانا مكنتش اعرف بس الحمد لله انتي كويسه دلوقتي اهو ،، يالا بينا بقي علشان نروح
ردت عليه عهد باقتضاب قائله : تمام
وهنا وجه فارس حديثه الي الطبيب قائلا بنبره شكر : شكراً جدا يا دكتور تعبناك معانا
رد عليه الطبيب بابتسامه هادئه قائلا : الشكر لله ده واجبي
وبعدها اخذ فارس عهد وتوجهوا الي سيارته..
فظلت عهد صامته طوال الطريق وكان فارس يحاول ان يقطع هذا الصمت ولكن فشلت جميع محاولاته...
فقال فارس لعهد وهما امام منزلها : يعني هتطلعي وانتي زعلانه مني
ردت عليه عهد باقتضاب قائله : انا مش زعلانه من حد
رد عليها فارس بفكاهه قائلا : بقي كل التكشيره اللي من الصبح دي وكده مش زعلانه اومال لو زعلانه بقي هيبقي شكلك عامل ازاي
ردت عليه عهد باقتضاب وهي علي وشك النزول قائله : فارس انا نازله
رد عليها فارس وهو يمسك يديها قائلا : انا بجد يا عهد مش عايزك تنزلي وانتي زعلانه مني وبحاول ارضيكي من الصبح وانتي مش بتردي عليا ،، وبعدين انا مكنتش اعرف ان عندك فوبيا من المرتفعات يعني لو كنتي قولتيلي مكنتش خليتك تطلعي الطياره
رد عليه عهد باقتضاب قائله : خلاص يا فارس انا هنسي الموضوع بس سبني دلوقتي لو سمحت
رد عليها فارس بنظره جذابه قائلا : طب انا مستعد اعمل ليكي اي حاجه علشان اصالحك قولي اللي نفسك فيه وانا هعملهولك
ردت عليه عهد وقد لانت بعض الشئ قائله : امممم اي حاجه اي حاجه
رد عليها فارس بابتسامه جذابه قائلا : اي حاجه اي حاجه
ردت عليه عهد بابتسامه قائله : اممم طب انا بحب المايه اوي وكنت طول عمري نفسي اشوف السمك وانا قريبه منه يعني مش عارفه ازاي بس انا طول عمري نفسي كنت اعمل كده
رد عليها فارس بتفكير قائلا : اممم خلاص سبيني افكر واشوف هنعمل الموضوع ده ازاي مع اني مش بحب المايه اوي يعني بس موافق علشان خاطر عيونك
ردت عليه عهد بابتسامه كبيره قائله : شكرا يا فارس ربنا يخليك ليا
رد عليها فارس بنبره رومانسيه قائلا : ويخليكي ليا يا حبيبتي يالا بقي اطلعي البيت علشان باباكي ومامتك ميقلقوش عليكي اكتر من كده
ردت عليه عهد بابتسامه قائله : تمام باااي
رد عليها فارس بابتسامه قائلا : مع السلامه خلي بالك على نفسك
ردت عليه عهد وهو تودعه قائله : تمام وانت كمان
وبالفعل صعدت عهد الي منزلها وهي سعيده للغايه وظلوا هما الاثنين في حاله رومانسيه رائعه لمده اسبوع فحقا شعرت عهد وقتها بان هذا الشخص الذي يستحق ان تُكمل معه باقيه حياتها...
وبعد مرور اسبوع تلقت عهد مكالمه هاتفيه من حبيبها الجديد فارس...
فقالت عهد بنبره هادئه : ايوه يا حبيبي
رد عليها فارس بحماس قائلا : ايوه يا حبيبتي بقولك ايه قومي البسي دلوقتي حالا علشان محضرلك مفاجاه هتعجبك اووي
ردت عليه عهد بتوجس قائله : مفاجاه!! اوعي تكون زي بتاعت الطياره
رد عليها فارس بضحكه عاليه قائلا : هههههههههههه انتي لسه فاكره ده انتي قلبك اسود اوي ،، لا يا حبيبتي اطمني دي مفاجاه حلوه اوي وهتعجبك جدا المهم بس علشان نلحق اليوم من اوله انا هعدي عليكي كمان نص ساعه تكوني خلصتي لبس وجهزتي اتفاقنا
ردت عليه عهد بابتسامه قائله : تمام بااي يا حبيبي
رد عليها فارس بنبره هادئه قائلا : باي يا حبيبتي
وبعدها اغلقوا الخط معا ونهضت عهد بسرعه كبيره حتي ترتدي ملابسها...
وبعد مرور نصف ساعه كانت عهد قد انتهت بالفعل من ارتداء ملابسها وفي نفس التوقيت جاء فارس بسيارته ووقف اسفل منزلها منتظرها حتي يذهبوا الي مكان المفاجاه التي سوف يفعلها لها...
فقالت عهد لوالدتها بنبره سريعه : مامي فارس جه تحت انا هنزل بسرعه بقي علشان متاخرش عليه
ردت عليها سوسن قائله : تمام يا حبيبتي بس متتأخريش
ردت عليها عهد وهي تودعها قائله : حاضر يا مامي باااي
وبعد دقائق قليله كانت عهد بداخل سياره فارس وكان فارس قد انطلق بالسياره الي مكان المفاجاه...
فقالت عهد لفارس بحماس وهي بداخل السياره : ها قولي بقي ايه المفاجاه اللي انت محضرها ليا
رد عليها فارس بابتسامه كبيره قائلا : لا مش هقولك خليكي كده شويه ههههههههههه
ردت عليه عهد بالحاح قائله : قوول بقي يا فارس وبطل رخامه
رد عليها فارس وهو يقبل يديها بحنان قائلا : طب ايه رايك تستني ساعتين وتعرفي ايه هي المفاجاه اول ما نوصل
ردت عليه عهد بخجل قائله : احم اقنعتني في ثانيه خلاص موافقه هههههههههههه
وبالفعل ساق رمزي الي ما يقرب من عده ساعات وظلوا طوال هذا الوقت يتحدثون ويضحكون ولن ننكر ان عهد كانت تشعر بسعاده كبيره في وجود فارس...
وبعد مرور عده ساعات...
قال فارس بابتسامه لعهد : يالا ننزل يا حبيبتي احنا خلاص وصلنا
ردت عليه عهد بارتباك قائله : وصلنا فين يا حبيبي هي فين المفأجاه برده
رد عليها فارس بنبره جذابه قائلا : فاكره لما قولتيلي انك نفسك تبقي قريبه من السمك وانك بتحبي المايه اوي
ردت عليه عهد قائله : اه فاكره
رد عليها فارس وهو يمسك يديها بحب قائلا : انا بقي فضلت افكر كتير اوي ازاي اخليكي تبقي قريبه من السمك وتشوفيه عن قرب ملقتش غير اننا نركب غواصه وانتي جواها بقي هتشوفي السمك عن قرب وهتحسي انك قريبه منهم اوي ايه رأيك بقي في المفأجاه دي
ردت عليه عهد بصدمه قائله : ايييه!! انت بتتكلم بجد يا فارس
رد عليها فارس بابتسامه قائلا : طبعا بجد بس مش عايزك يغمي عليكي بقي وتفضحينا زي المره اللي فاتت اتفاقنا هههههههههه
ردت عليه عهد بحماس كبير قائله : ميرسي اوي يا حبيبي ،، يالا بقي ندخل بسرعه علشان انا متحمسه اوي للرحله دي
رد عليها فارس بابتسامه كبيره قائلا : هههههههههه تمام يالا بينا
وبالفعل دخلوا الي هذه الغواصه فكانت الجزء السفلي من الغواصه عباره عن زجاج حتي يسمح للركاب للنظر الي السمك بسهوله...
فقالت عهد لفارس بحماس كبير وهي بداخل الغواصه : الله يا فاارس المكان هنا تحففه بجد
رد عليها فارس بابتسامه قائلا : يعني مبسوطه يا حبيبتي
ردت عليه عهد بابتسامه قائله : مبسوطه اوي اوي يا حبيبي تعالي نقف قريب من الازاز ده علشان نشوف السمك
رد عليها فارس بابتسامه قائلا : تمام يا حبيبتي
وبعد عده لحظات...
قالت عهد لفارس بحماس وهي تشاور علي بعض السمكات الصغيره : بوص يا فارس السمك ده صغير وكيوت ازاي
رد عليها فارس بابتسامه عذبه قائلا : اه فعلا شكله جميل
ردت عليه عهد بابتسامه ممزوجه بصدمه قائله : يا نهااري بوص يا فارس السمكه دي كبيره ازاي ،، يا خبر ابيض هي ممكن تاكل السمك الصغير ده
رد عليها فارس بنبره مطمئنه قائلا : لا اطمني يا حبيبتي اكيد السمكه دي شبعانه ومش هتاكل السمك الصغير ،، بس تعرفي ان انا حسيت اني جعت اوي وهاين عليا أنزل اعوم واكل انا السمك الصغير ده هههههههههه
ردت عليه عهد بضحكه كبيره قائله : ههههههههههه بس حرام عليك يا فارس لما نخلص الرحله نبقي نتغدي
رد عليها فارس بحماس كبير قائلا : خلاص يا عهد انا بقي هعزمك علي حتي اكله سمك هتفضلي تحلفي بيها عمرك كله
ردت عليه عهد بابتسامه قائله : مع اني مش بحب السمك اوي بس هاكل علشان خاطرك انت يا حبيبي
وظل فارس وعهد ينظرون الي السمك بحماس ويتحدثون ويضحكون مع بعضهم البعض وعهد كانت في قمه ساعدتها في هذا التوقيت بسبب هذه الرحله ،، ولكن الاوقات السعيده تمر سريعا فاانتهي وقت الرحله ونزل كلا من فارس وعهد من الغواصه وتوجهوا الي السياره حتي يذهبوا الي مكان يتناولوا به وجبه الغداء...
قال فارس لعهد بابتسامه وهو بداخل السياره : ها اتبسطتي يا حبيبتي!!
ردت عليه عهد بابتسامه كبيره قائله : اتبسط اووي يا فارس بجد انا حاسه ان بقالي كتير اوي متبسطتش اوي كده ياريت نكررها تاني يا رمزي بليز
رد عليها رمزي بابتسامه عذبه قائلا : من عنيا يا حبيبتي ،، المهم بقي دلوقتي هنروح نتغدي بقي في مكان جنان احلي مكان بيعمل سمك في مصر كلها
ردت عليه عهد بابتسامه قائله : ههههههههههه هو مدام الموضوع فيه اكل انا مقدرش اتكلم فاانا موافقه يا حبيبي
رد عليها فارس بابتسامه قائلا : تمام يا حبيبتي
وبعد مرور وقت ليس بكثير وقف فارس بسيارته امام مطعم في غايه الجمال...
وبعدها نزل كلا من فارس وعهد من السياره وتوجهوا الي المطعم....
فقالت عهد لفارس وهي بداخل المطعم بعدما طلب الطعام : انا كنت متاكده انك هتجيب اكل كتير علشان كده انا عملت حسابي وجبت معايا فاتح للشهيه علشان متعبش زي المره اللي فاتت ههههههههه
رد عليها فارس بابتسامه قائلا : برافوا عليكي يا حبيبتي هههههههههه
وبالفعل تناولت عهد دواء فاتح الشهيه وبعدها بقليل جاء الجرسون ووضع الطعام المطلوب علي الطاوله وبعدها وبدئوا في تناول الطعام...
فقال فارس لعهد أثناء تناولهم طعامهم : لا ده فاتح الشهيه عمل شغل عالي اوي ههههههه
ردت عليه عهد بارتباك قائله : احم هو انا كلت كتير!!
رد عليها فارس بضحك قائلا : لا يا حبيبتي كلي براحتك طبعا بالهنا والشفا انا بهزر معاكي مش اكتر
ردت عليه عهد بابتسامه قائله : يعني كنت اعمل ايه في نفسي ماانا لو مكنتش اخدته كنت هموت من كتر الاكل ده ههههههههههههه
رد عليها فارس بابتسامه قائلا : طب الحقي خدي فاتح شهيه تانيه علشان تعرفي تحلي بنفس ههههههههههه
ردت عليه عهد بفكاهه قائله : انت كده تجبلي مصنع فاتح شهيه علشان نعرف نكمل مع بعض يا حبيبي ههههههههههه
وبعد مرور وقت ليس بقليل علي ابطال حكايتنا كانوا قد انتهوا من تناول الطعام والحلوي واتجهوا الي السياره لكي يذهبوا الي المنزل...
واستمر هذا الحال علي ابطالنا لايام والايام تحولت الي اسابيع ،، فطوال هذا الوقت ظل فارس يفعل مفاجآت عديده لعهد وفي المقابل كانت عهد تتناول طعام بكميات كبيره للغايه حتي ترضي فارس ،، ومن كثره مفاجأت فارس لم تلاحظ وزنها الذي بدء في الزياده بشكل ملحوظ...
فبعد مرور عده اسابيع عديده ...
قالت عهد لفارس عبر الهاتف : الو ايوه يا فارس انت مختفي فين بقالك اسبوع
رد عليها فارس قائلا : ايه يا حبيبتي ماانا موجود اهو
ردت عليه عهد بحزن قائله : لا يا فارس انت مبقتش موجود زي الاول انت الاول مكنتش بتسبني لحظه واحده بس دلوقتي انا حاسه انك بدئت تتغير
رد عليها فارس بنفاذ صبر قائلا : يا حبيبتي هو فيه زنقه شغل اليومين دول فعلشان كده انا تلاقيني مشغول
ردت عليه عهد بحزن قائله : طب انا زهقانه وعايزه اخرج وانت الصراحه وحشتني اوي يا فارس وعايزه اشوفك
رد عليها فارس علي مضدد قائلا : ماشي يا عهد البسي وانا هاجي اخدك علشان اخرجك بس متتأخريش عليا علشان مزهقش وامشي
ردت عليه عهد سريعا قائله : لا لا اطمن يا حبيبي مش هتاخر خالص باااي
وبعدها اغلقوا الخط معا ،، واتجهت عهد الي دولابها لكي ترتدي شئ انيق ولكن للاسف وجدت جميع ملابسها قد ضاقت عليها بشده وهنا ادركت عهد بزياده وزنها الهائله ،، فكيف هي لم تلاحظ هذا!!!
وكانت عهد علي وشك ان تحزن ولكن تذكرت عندما قال لها فارس بأنه يريدها ان تزداد في الوزن قليلا ،، ولكن ما العمل الان فجميع ملابسها اصبحت غير صالحه لها....
وبعد مرور عده لحظات تذكرت الفستان الواسع الذي احضره شريف من قبل..
فقالت عهد لنفسها في هذا التوقيت : طب اجرب الفستان ده!! لا بس مستحيل الفستان ده يجي عليا ده كان واسع اوي يعني انا اه تخنت شويه بس مش للدرجه يعني ،، طب اعمل ايه دلوقتي البس ايه بس!! طب خلاص انا هقيسه وممكن احط حزام في النص ولا حاجه علشان يضيقه شويه...
ولكن حدث ما كانت تخشي منه عهد فالفستان كان علي مقاسها بالظبط فياللهول فهل هي اصبحت سمينه لهذه الدرجه!!!
في هذه اللحظه شعرت عهد ببعض الضيق ولكن تحاملت علي نفسها لكي لا تفسد اليوم عليها وعلي خطيبها فارس وحاولت ان تتناسي الموضوع علي قدر ما استطاعت...
وبعد مرور وقت ليس بكثير...
قالت سوسن لعهد وهي تفتح باب غرفتها : يالا يا عهد فارس وصل بره
ردت عليها عهد بنبره حزينه قائله : حاضر يا مامي انا خارجه اهو
ردت عليها سوسن باستفسار قائله : مالك يا عهد شكلك زعلان ليه هو فارس مزعلك ولا ايه!!
ردت عليها عهد بابتسامه حزينه قائله : لا يا مامي فارس مزعلنيش ولا حاجه بس انهارده وانا بدور علي حاجه البسها لاقيت كل لبسي بقي ضيق عليا اوي يا مامي لدرجه انه مدخلش فيا انتي متخيله!! وقولت اقيس الفستان اللي كان جيبهولي شريف زمان وانا كنت متاكده انه هيبقي واسع عليا لاقيته بقي مقاسي بالظبط ،، انتي فاكره يا مامي الفستان ده كان واسع عليا ازاي!! انتي يا مامي متخيله اد ايه انا بقيت تخينه!!!
ردت عليها سوسن وهي تمسد علي ظهرها بحنان قائله : ماانا بقالي فتره عماله اقولك يا عهد خدي بالك من وزنك خدي بالك من نفسك خدي بالك من اكلك وانتي مش بتسمعي مني خالص
ردت عليها عهد والدموع معلقه في عينيها قائله : هو انا بقيت تخينه اوي يا مامي وشكلي بقي وحش!!
ردت عليها سوسن وهي تحتضنها قائله : لا يا حبيبتي متقوليش كده انتي قمر وهتفضلي طول عمرك زي القمر يا عهد ،، احنا ممكن مثلا نعمل رچيم من بكره ايه رأيك وبكده هترجعي زي ما كنتي يا حبيبتي
ردت عليها عهد بابتسامه قائله : ايوه يا مامي عندك حق انا لازم اعمل رچيم في اسرع وقت وهحاول اقنع فارس بقي اني اقلل اكلي لان اصلا هو اللي خلاني ابقي كده
ردت عليها سوسن بضحك قائله : هههههههههه تلاقيه بيحب البنات المليانه هههههههه يالا بقي يا حبيبتي قومي اخرجي ليه لحسن ده بقاله كتير اوي قاعد بره
ردت عليها عهد بابتسامه قائله : حاضر يا مامي
وبعدها خرجت عهد من غرفتها وتوجهت الي فارس ثم صافحوا والدي عهد وبعدها توجهوا الي السياره...
فقالت عهد لفارس بنبره حنان وهي بداخل السياره : وحشتني اوي يا حبيبي
رد عليها فارس باقتضاب قائلا : كل ده تأخير يا عهد!!
ردت عليه عهد بنبره أسف قائله : سوري يا حبيبي بس مامي قعدت تتكلم معايا شويه وده اللي اخرني عليك
رد عليها فارس باقتضاب قائلا : مع اني محذرك علشان متتاخريش وبرده اتاخرتي كلامي مبقاش يتسمع خالص علي فكره
ردت عليه عهد والدموع معلقه في عينيها قائله : انت ليه اتغيرت معايا يا فارس اوي كده!!
رد عليها فارس بنفاذ صبر قائلا : شوف بتكلم معاها في ايه وهي بتقول ايه ،، انتي بقيتي نكديه اوي علي فكره وكل ما اقولك اي حاجه ولا اتكلم معاكي كلمتين تقومي تقولي الكلمتين الفارغين بتوعك دول فاانا الصراحه زهقت ومش هتكلم معاكي براحتي تاني
ردت عليه عهد بحزن شديد قائله : لا يا فارس بليز متعملش كده خلاص حقك عليا
رد عليها فارس باقتضاب قائلا : ماشي يا عهد ها عايزه تروحي فين
ردت عليه عهد بابتسامه قائله : وديني مكان حلو علي ذوقك يا حبيبي
رد عليها فارس وهو ينهي الحديث قائلا : تمام
واخذها فارس الي مطعم هادئ وكلاسيكي وبعد عده دقائق طلب فارس الطعام لهم...
فقالت عهد لفارس بهدوء بعدما ذهب الجرسون : فارس انا كنت عايزه اخد رأيك في موضوع
رد عليها فارس بجفاف قائلا : موضوع ايه!!
ردت عليه عهد بارتباك قائله : انا بفكر اعمل رچيم علشان حاسه نفسي اني تخنت شويه
رد عليها فارس باقتضاب قائلا : يعني حتي اكتر حاجة بحبها مش هتشاركيني فيها!! خلاص يا عهد اعملي اللي يريحك واللي يجي علي مزاجك
ردت عليه عهد بابتسامه وهي تمسك يده بحنان قائله : انت اضايقت ليه بس يا حبيبي احنا بنتكلم براحه
رد عليها فارس بجفاف وهو يسحب يده من يديها قائلا : الكلام خلص يا عهد يالا علشان ناكل قبل ما الاكل يبرد ولا انتي بدئتي الرچيم خلاص ومش هتاكلي معايا
ردت عليه عهد سريعا قائله : لا يا حبيبي ده انا لسه هبدئه من بكره
رد عليها فارس بجفاف قائلا : طب كتر خيرك والله اتفضلي بقي خلصي اكل علشان اروحك علشان عندي اجتماع مهم بكره ولازم انام بدري علشان ابقي فايق ليه
ردت عليه عهد بصدمه قائله : اييه يعني كده خلاص الخروجه خلصت!! يعني مفيش مفاجات زي بتاعت زمان يا فارس!!
رد عليها فارس وهو يتناول الطعام قائلا : الاسبوع الجاي ابقي فضيت وفكرت في حاجه يا عهد يالا بقي انجزي وكلي
ردت عليه عهد بخيبه امل قائله : حاضر يا فارس
وبالفعل تناولت عهد طعامها وهي حزينه للغايه فكيف فارس تغير معاها لهذه الدرجة!!!
وفي نفس التوقيت اصرت ان تفقد الكثير من وزنها الزائد هذا لترجع عهد جميله الجميلات مثلما كانت...
وانتهي هذا اليوم هكذا علي ابطالنا...
وفي صباح اليوم التالي أستيقظت عهد بنشاط وقررت ان تذهب الي المول لتشتري بعض الاجهزه الرياضيه لكي تساعدها علي خساره وزنها الزائد سريعا...
وبالفعل ارتدت عهد ملابس رياضيه مريحه ثم ذهبت الي المول وظلت تبحث كثيرا عما كانت تريد وبالفعل وجدت ما كانت تريده ،، واثناء تجولها وجدت ساعه كان يريدها فارس بشده فلم تدري بنفسها الا وهي تشتري الساعه له بحماس ،، وبعدها ظلت عهد تتصل بفارس كثيرا حتي تقابله وتعطيه الساعه وتفعل له مفاجاه مثلما كان يفعل لها من قبل ،، ولكن للاسف الشديد كانت كل مره تتصل به كان لا يرد عليها...
فقالت عهد بداخل نفسها في هذا التوقيت : اكيد هو في الاجتماع المهم اللي قالي عليه امبارح وممكن يبقي عامل تليفونه صامت مثلا خلاص انا هروح بقي وابقي اقابله باليل مثلا...
وبالفعل اتجهت عهد الي طريق العوده لكي تخرج من المول وتتجه الي منزلها ،، ولكن اثناء سيرها رأت شيئا جعلها تقف في مكانها مثل الصنم ووجدت نفسها تصرخ من الداخل ولكن هي غير قادره علي اصدار اي صوت من الخارج...
ياتري ايه اللي عهد شافته خلاها في الحاله دي لو عايزين تعرفوا ايه اللي شافته وايه اللي هيحصل لعهد في حياتها اللي جايه انتظروا البارت اللي جاااي 🔥🔥🔥🔥
تااااااابعووووووااااااا... ،،،،
........................................................................
أنت تقرأ
چِـــهـــار
Romansaالحياة كالبيانو، هناك أصابع بيضاء وهي السّعادة، وهناك أصابع سوداء وهي الحزن، ولكن تأكد أنّك ستعزف بالاثنين لكي تعطى الحياة لحناً لذلك يجب عليك اولا تعلم العزف علي اوتار الحياه المتقلبة ♥
