چِـــهـــار

chapter 6

فقالت له عهد بنبره عباره عن مزيج من الفرحه والغرور : ها اقتنعت اني اشطر وامهر واحده تركب خيل ولا لسه
رد عليها صاحب الاسطبل قائلا : ههههههههه ،، اه اقتنعت ،، وفعلا انتي تستاهلي الهديه اللي وعدتك بيها ،، بس يا تري اديكي ايه مثلا
في هذا التوقيت كانت عهد تشعر بنشوه الانتصار وشعورها بالغرور ظل يرتفع اكثر فاكثر ،، وفي الاتجاه الاخر كان صاحب الاسطبل يتحدث لها وهو يلف بحصانه حولها ،، وبدون سابق إنذار صاحب الاسطبل فعل حركة معينة لسمارة جعلتها ترفع نصفها الأول ونظرا لان عهد لم تكن تتوقع ان سماره سوف تفعل ذلك فوقعت علي الارض بشده...
قالت عهد بنبرة الم : ااااااااه ،، رجلي ،، اااااااه
نزل صاحب الاسطبل من علي حصانه بمهارة ثم توجهه اليها بسرعة...
وقال صاحب الاسطبل لها بنبرة حانية : مالك إيه اللي حصل بس!!؟
ردت عهد عليه بنبرة الم قائلة : مش عارفة إيه اللي حصل لسمارة فجأه رفعت نفسها ووقعتني ،، اااااااه أنا حاسة أن رجلي اتكسرت
رد عليها صاحب الاسطبل بنبرة اطمئنان قائلاً : أطمني أن شاء الله مش كسر ولا حاجة ،، ممكن يبقي التواء بسيط بس
ردت عليه عهد قائلة : طب أعمل إيه دلوقتي ،، أنا هروح أزاي بس وأنا مش عارفة أقوم من مكاني حتي
رد عليها صاحب الاسطبل بنبرة مطمئنة قائلاً : يا ستي لو أنتي شايلة هم أنك هتروحي أزاي بيتكوا ف دي أمرها سهل ،، أنا ممكن أوصلك بنفسي
ردت عليه عهد بنظرة مكر ونبرة استفهام مصطنعة : طب وهقوم من مكاني أزاي بس
رد عليها صاحب الاسطبل بنبرة ثقة قائلاً : ههههههههههه ،، لا دي بقي أمرها أسهل من أول طلب
وبدون سابق إنذار ،، أقترب منها صاحب الاسطبل ثم حملها بين أحضانه بكل قوة ومهارة...
قالت عهد له بنبرة مفأجاه : اااااه ،، أنت بتعمل إيه!!! نزلني حاالاً
رد عليها صاحب الاسطبل بنبرة ثقة قائلاً : ولو نزلتك هتعرفي تمشي يعني
ردت عليه عهد باستسلام قائلة : لا مش هعرف
فرد عليها صاحب الاسطبل بنبرة ثقة قائلاً : خلاص يبقي أسكتي بقي ومتصرخيش في ودني لحد ما نوصل
فقالت عهد له بغرورها المعتاد : وأنت مفكر نفسك مين إن شاء الله علشان تدي لنفسك الحق أنك تعمل كده!!!
رد عليها صاحب الاسطبل بكل ثقة وغرور قائلاً : أنا رمزي صاحب الاسطبل ده ،، وأكبر رجل أعمال في الشرق الأوسط كله
وهنا شعرت عهد بفرحة شديدة ،، فااخيراً هي بين أحضان هدفها وحلمها ،، فهي علي وشك أن تحقق هدفها التي ظلت ليالي كثيرة تحلم به...
ردت عليه عهد وهي تحاول أن تخبئ فرحتها واندهشها قائلة : إيه ده بجد ،، يعني أنت اللي قولت لعم عبده أنه يديني سمارة
رد عليها رمزي بثقة قائلاً : هههههههههه ،، آه بالظبط كده ،، أنا اللي قولت لعم عبده أنه يديكي سمارة ،، أصل العيال الصغيرة لما بتشبط في حاجة بتفضل تعيط عليها وتزن لحد ما تاخدها
انغاظت عهد كثيراً من أسلوبه ورده عليها ،، فلماذا يراها طفلة أمامه!! ،، فهي ليست طفلة ،، وقررت أن ترد له ما قاله وتجعله يشعر بالغيظ مثلما شعرت هي به بسببه...
فقالت عهد له بنبرة مغرورة : اممم ،، بس أحنا مبنقدرش نستأمن الأطفال علي حاجة غاليه أوي علينا ،، واللي فهمته من عم عبده أن سمارة غالية أوي عليك ف ليه ادتهالي ،، وإيه اللي يخليك تأخد الحصان بتاعك وتنزل تلعب مع الأطفال ها!!!
رد عليها رمزي بنبرة ضاحكة قائلاً : ههههههههه ،، أنتي مطلعتيش حلوة وبس ،، ده أنتي طلعتي ذكية وذكية أوي كمان
ردت عهد عليه بنبرة ثقة وغرور قائلة : الجمال ده بس اللي ظاهر قدام الناس اللي أي حد هيعرفه ،، إنما أنا فيا حاجات كتير اوووي محدش يعرفها عني
رد عليها رمزي بغرور قائلاً : اممم ،، بس شكلي هعرف كل الحاجات الكتيرة دي قريب وقريب أوي كمان هههههههه
ردت عليه عهد بثقة قائلة : مغرور
فرد عليه رمزي بنبرة ضاحكة قائلاً : هههههههههه ،، لا دي ثقه بالنفس يا قطه مش غرور
ثم ردت عليه عهد بغرور قائلة : هي مين دي اللي قطة!!!؟
رد عليها رمزي بغموض قائلاً : طب ما تسألي سؤال أذكى من ده ،، زي مثلا اشمعنه أنا قولتلك يا قطة ،، ليه اختارت القطة بالذات ،، ده أنا لسه بقول أنك ذكية هتخليني أغير رائي علي فكرة هههههههههههه
ردت عليه عهد بتسأل قائلة : طب قول يا عم الغامض ليه قولتلي يا قطة!! ؟
فرد رمزي عليها بثقة قائلاً : بعد إيه بقي هههههههههه ،، بس أنتي صعبتي عليا وهقولك
انغاظت عهد كثيراً منه ومن أسلوبه ،، فهي لم تعرف طعم لذعة الغرور المرة إلا علي يده...
فردت عليه عهد بغرور أكثر من غروره قائلة : مش فارق معايا أعرف علي فكرة ،، بس قول أديك هتسليني شوية علي ما نوصل ههههههههههههه
فيجب أن نعترف بأن عهد استطاعت أن تستفزه وبشدة ،، وهذا ما جذبه بها ،، فهو شعر بأنها استثناء وأنها غير أي أنثي قابلها علي مدار حياته....
فرد عليها رمزي بثقة قائلاً : هههههههه ،، عايزة تستفزيني زي ما استفزيتك يعني ،، ماشي يا ستي أنا هعديها المرة دي إنما موعدكيش أني ممكن اعديها بعد كده
فقالت عهد بداخل نفسها في هذا التوقيت : أنت أزاي ذكي أوي كده ،، أنا لازم أخد بالي بعد كده في كلامي معاك ،، لأنك ممكن تكشفني بسهولة...
ثم ردت عليه عهد بغرور قائلة : هههههههههه ،، خيالك واسع أوي علي فكرة ،، أنت مش شاغل تفكيري لدرجة أني أفكر أزاي استفزك وعلي فكرة ولا أنت ولا عشرة زيك يقدروا يستفزوا عهد ،، بس أنا عندي فضول أعرف ،، فتقدر تقول
رد عليها رمزي بثقة قائلاً : هههههههههههه ،، تمام (ثم أكمل بنبرة حانية وجذابة) قولتلك أنتي قطة لأن عيونك شبه عيون القطط ،، يسحروا أي حد يبص عليهم وميبقاش قادر يشيل عينه من عليهم
فكلامه المعسول اذاب عهد ،، فجعلها مثل قطعة الجليد التي ذابت من أول كلمات عذبة تخرج منه...
فردت عليه عهد وهي تحاول أن تخبئ خجلها منه قائلة : أحم ،، ميرسي أوي علي ذوقك
رد عليها رمزي بابتسامة جذابة قائلاً : دي أقل حاجة أقدر أوصف بيها جمال عيونك دي
ردت عليه عهد بخجل قائلة : أحم ،، أحنا وصلنا علي فكرة ،، نزلني بقي
رد عليها رمزي بنبرة ضاحكة قائلاً : ههههههههههه ،، أتصدقي وصلنا فعلاً ،، أول مرة محسش بالطريق كده
ردت عليه عهد بغرور حتي تكسر حدة خجلها التي اُصيبت بها مؤخرا قائلة : طبعاً ،، هتحس بيه أزاي وأنت معاك أجمل واحدة هتشوفها في حياتك كلها ،، يالا بقي نزلني
رد عليها رمزي بثقة قائلاً : امممم ،، وباين برده أنك أكتر حد مغرور هقابله في حياتي كلها
ردت عليه عهد بثقة قائلة : والله لو كنت مغرورة قراط فأنت مغرور 24 قراط
تجاهل رمزي جملتها الاخيرة عن قصد ،، ثم أنزلها واجلسها علي كرسي برفق...
ثم قال لها رمزي : هروح اشوفلك الدكتور وأجي بسرعة ،، متتحركيش من هنا
وبعدما ذهب رمزي لأحضار الطبيب لكي يري قدامها...
في نفس التوقيت تفأجات عهد بتجاهله لجملتها الاخيرة ،، فقالت بداخل نفسها : هو مخدش باله من أخر حاجة قولتها ولا معرفش يرد عليا ،، بجد غموضه ده بيجذبني ليه أكتر وأكتر.....
وبعد عدة لحظات جاء رمزي ومعه الطبيب وعم عبده...
فقال رمزي لهم بنبرة قوية : عم عبده روح هات سمارة وفهد من عند النخلة الكبيرة ،، وأنت يا دكتور أتفضل شوف رجل الانسه دي ،، هي وقعت من علي سمارة زي ما حكتلك
رد عليه عم عبده قائلاً : حاضر يا بيه
(ثم غادر عم عبده ليحضر سمارة وفهد)
ورد عليه الطبيب قائلاً : تحت أمرك يا رمزي بيه
ثم بدء الطبيب فحص قدم عهد في البداية توجعت عهد قليلاً ،، وبعد أنتهاء الطبيب من الفحص..
قال الطبيب لعهد : أنتي رجلك حصلها التواء مش أكتر ،، يعني الحمد لله مفيش كسر أو تمزق مثلاً
ردت عليه عهد قائلة : طب أخد مرهم معين يا دكتور مثلاً
رد عليها الطبيب قائلاً : أنا هكتبلك علي مرهم هتدهني منه تلت مرات في اليوم ،، وهتروحي تعملي علاج طبيعي لمدة أسبوع علشان رجلك تخف بسرعة والموضوع ميطولش معاكي
ردت عليه عهد بابتسامة قائلة : تمام ميرسي أوي يا دكتور
وهنا تدخل رمزي في الحديث قائلاً بابتسامة : شكراً يا دكتور إبراهيم ،، تعبت حضرتك معايا
ابستم له الطبيب ثم قال له : مفيش تعب ولا حاجة ده واجبي يا رمزي بيه ،، عن أذنكوا
رد عليه رمزي بابتسامة قائلاً : أتفضل
وبعدما غادر الطبيب...
ابتسم رمزي لعهد ثم قال لها : الف سلامة ،، الموضوع طلع بسيط أهو
ابتسمت له عهد أبتسامة عذبة ثم قالت له : آه الحمد لله ،، علشان أنا طيبه بس هههههههه
ضحك رمزي لها ثم قال : هههههههههه ،، مش باين أنك طيبة علي فكرة
ردت عليه عهد بتسأل : ليه بتقول كده!! ؟
رد عليها رمزي بثقة قائلاً : أصل مفيش حد طيب بيقول علي نفسه أنه طيب ،، يعني من الأخر اللي بيقول علي نفسه صفة بيقي فيه عكسها
ردت عليه عهد بغرور قائلة : وده في قاموس مين بقي أن شاء الله
رد عليها رمزي بثقة قائلاً : في قاموسي هههههههه
ردت عليه عهد بابتسامة قائلة : طب أنا هتغاضي عن النقطة دي لأني مش هاخد منك ولا حق ولا باطل ،، قولي بقي ،، أنت أزاي رجل أعمال كبير أوي كده ولسه سنك صغير يعني
رد عليها رمزي بثقة قائلاً : أنا والدي كان رجل أعمال كبير أوي ،، بس هو دلوقتي كبر ومبقاش أد الشغل فأنا مسكت الشغل بداله وكبرته أكتر وعملت صفقات أكتر بكتير ،، يعني أنا بقالي حوالي 5 سنين مثلاً ماسك شغل أبويا ،، مسكته بعد ما اتخرجت علطول ،، وانتي قوليلي بقي بتعملي إيه في حياتك
ردت عليه عهد بثقة قائلة : أنا وحيدة ماما وبابا ،، كنت من الأوائل علي الثانوية العامة ،، ولسه بدرس في الجامعه يعني ،، وأهلي مرتاحين مادياً الحمد لله ووالدي رجل أعمال في مصر بس لسه موصلش أنه يبقي رجل أعمال علي مستوي الشرق الأوسط يعني
رد عليها رمزي بثقة قائلاً : امممم ،، أنا ممكن أتعامل معاه وأعمل معاه صفقات علي فكرة وأكبر البزنس بتاعه
ردت عليه عهد بفرحة قائلة : بجد يا رمزي ،، أنت ممكن تعمل كده فعلاً
رد عليها رمزي بثقة قائلاً : اااه وليه لا ،، أنا برده عايز أكبر البزنس بتاعي ،، بس أنا لسه مش عارف أسمك لحد دلوقتي
ردت عليه عهد بابتسامة عذبة قائلة : ااه سوري ،، أنا أسمي عهد
رد عليها رمزي بابتسامة جذابة قائلاً : عهد!! حلو عهد
ردت عليه عهد بثقة قائلة : ميرسي
وبعد وقت ليس بكثير كان ملئ بالحديث الذي دار بين عهد ورمزي ،، فيجب أن نعترف أن عهد قد اُصيبت بالانبهار من شخصية رمزي ونجاحه واستثمارته الكبيرة التي جعلته من امهر رجال الأعمال في البلد...
وبالمثل انبهر رمزي بجمال عهد الصارخ ،، ومن ذكائها الكبير ،، حتي غرورها انبهر به ،، فهو قد مل من النساء سهلة المتناول ،، ولكن عهد مختلفة تماماً عنهم في كل شئ ،، فهي يُستحق أن يُطلق عليها بأنها استثناء....
في مكان أخر ،، تحديداً بالمدرج...
لم تستطيع دهب أن تمر هذه الجزئية بدون إبداء رأيها بها ،، فقالت دهب بابتسامة عذبة : حلوة البدايات صح!!! يعني البداية ما هي إلا أنها بتبقي عبارة عن اكتشاف الجزء الحلو من كل شخص ،، وكلنا منقدرش ننكر أننا حرفياً بننبهر بالبدايات ،، ويا سلام بقي لو كان الانهبار ده مُتبدال بين الطرفين ،، يعني الاتنين يبقوا منبهرين ببعض وبيبادلوا بعض نفس المشاعر...
يمكن منكوا ناس هتقول أنا نفسي يحصلي كده أوي ونفسي أقابل الشخص اللي فعلاً انبهر به ،، وممكن ناس تقولي أنا عادي ممكن انبهر بسهولة بس نفسي في شخص ينبهر بيا ويشوفني فعلاً استثناء ،، وممكن ناس ميبقاش فارق معاها أوي البداية والانبهار وكل الكلام ده وغالباً الناس دي بتبقي عقلنية وعملية أكتر من أنها عاطفية ،، هلاقي أراء كتير جداً ومتناقضة ،، بس الأكيد في كل ده أن عمر ما كان الانبهار بالقشرة زي مثلا الفلوس والجمال ده نقدر اننا نسميه انبهار حقيقي ،، ده بيبقي عبارة عن انجذاب وهمي بيجذبك أنك تقرب من الشخص ده علشان تعرفه أكتر علشان مظهره وبس ،، والأكيد برده أن حلاوة البدايات الحقيقة في الانبهار بالجوهر لأن هي دي الحاجة الوحيدة اللي نقدر نقول عليها بأنها انبهار حقيقي....
نرجع تاني لحكايتنا ،،،
في الاسطبل ،،،
بعد مرور عدة ساعات بالاسطبل ،، والطلاب ظلوا يضحكوا ويتسامروا ويلعبوا مع بعضهم البعض بالالعاب المختلفة ،، جلسوا لكي يستمتعوا قليلاً بغروب الشمس وفي نفس الوقت يتحدثوا بهدوء....
قال خالد صديق عهد : ما تيجوا نلعب لعبة وأحنا قاعدين علشان عهد تشارك معانا
ردت عليه نيرة قائلة : والله فكرة ،، بس هنلعب إيه!! ؟
رد عليها خالد بتفكير قائلاً : امممم ،، هو مفيش غير لعبة واحدة بس ،، تعالوا نلعب لعبه الازازه
ردت عليه نيرة بابتسامة عريضة قائلة : الللله ،، أنا بحب اللعبة دي أوي ،، يالا نلعبها
ردت عليهم عهد قائلة : لا أنا ماليش في اللعب والكلام ده ،، العبوا أنتوا وأنا هتفرج عليكم
ردت عليها نيرة بالحاح قائلة : يالا يا عهد بقي ،، والله اللعبة مش هتبقي حلوة من غيرك وبعدين شاركينا شوية أنتي من أول اليوم وأنتي مع نفسك كده ،، يالا بليز العبي معانا ،، بليز بليز بليز
ردت عليها عهد بابتسامة قائلة : بس كفاية ذن ههههههههههه ،، يخربيت ذنك يا نيرة ،، خلاص ماشي هلعب معاكوا
قاطع حديثهم صوت رجولي خشن قد عرفته عهد مؤخرا عن ظهر قلب ،، فقال لهم رمزي بجدية : محتاجين أي حاجة يا شباب
رد عليه خالد بابتسامة قائلاً : شكراً يا فندم ،، الصراحة الاسطبل هنا تحفة وكلنا اتبسطتنا فيه جداً
قاطعت حديثه عهد قائلة بابتسامة : ما تيجي تلعب معانا لعبة الازازة يا رمزي
رد عليها رمزي بارتبارك قليلاً قائلاً : ازازه!!!  لا مليش أنا في الالعاب دي
ردت عليه عهد بابتسامة قائلة : هتتبسط أوي لو لعبت معانا علي فكرة ،، جرب ولو متبسطتش قوم ومتكملش لعب معانا
رد عليها رمزي بتفكير قائلاً : اممم ،، مع أني مليش في جو الالعاب بتاعتكوا دي بس هقعد أجرب...
وبالفعل جلس رمزي مقابلا لعهد ،، ثم بدء خالد بلف الزجاجة ،، فاستقرت الزجاجة علي أن محمود صديقهم سوف يسأل نيرة...
قال محمود بتفكير : امممم ،، إيه أكتر حلم نفسك تحققيه السنة دي!!!؟
ردت عليه نيرة بتفكير قائلة : اممم ،، نفسي أبقى من أوائل الدفعة السنة دي هههههههههه
قاطع خالد حديثهم بخفة ظل قائلاً : دي واحدة دحيحة ملناش دعوة بيها هههههههههه ،، هلف الازازه تاني أما نشوف هتيجي علي مين المرة دي
وبالفعل أدار خالد الزجاجة مرة أخرى ،، وقد استقرت الزجاجة علي أن خالد سوف يسأل مها صديقتهم....
قال خالد بتفكير لمها : قوليلي يا ستي ،، أخر مرة انجرحتي من شخص بيحبك كانت امتي وإيه اللي عمله ليكي خلاكي تنجرحي يعني
ردت عليه مها قائلة : أنت سألت سؤالين علي فكرة وكده نصب هههههههههه ،، بس أنا هجاوب عليهم
رد عليها خالد بضحك قائلاً : أيوه يا مها علشان نسخن اللعبة بقي هههههههه
ردت عليه مها قائلة : اممم ،، بوص يا سيدي ،، أخر مرة انجرحت من حد بحبه كانت من سنتين ،، وهو جرحني ازاي أنه كدب عليا كدبة مقدرتش اغفرها ليه وأعتقد أن لو كان أي حد مكاني مكنش ممكن يغفرهاله برده
رد عليها خالد بتسأل قائلاً : اممم ،، كدبة إيه دي يا مها
ردت عليه مها بضحك قائلة : إيه بقي هو مفيش غير مها ولا إيه ههههههه ،، أنا جاوبت سؤالين ومش هجاوب أكتر من كده ،، لو الازازه جات عليا تاني هبقي أجاوب ههههههههه
رد عليها خالد بفكاهة قائلاً : ماشي يا سوسة ههههههههه ،، هلف الازازه تاني ويارب تيجي عليكي علشان أعرف إيه هي الكدبة
ردت عليه مها قائلة : يا لهوي علي مناخيرك اللي بتحشرها في كل حاجة يا خالد هههههههههه ،، وسع كده أنا اللي هلف الازازه المرة دي
ثم ادارت مها الزجاجة ،، واستقرت الزجاجة علي أن رمزي سوف يسأل عهد..
فقالت مها بفكاهة : أستاذ رمزي هيسأل عهد
قال رمزي بتفكير لعهد : امممم ،، لو حد بتحبيه أوي كدب عليكي كدبة كبيرة أوي ممكن تسامحيه ولا!!!
ردت عليه عهد بثقة قائلة : من أكتر الصفات اللي بكرها في حياتي هي الكدب ،، ممكن أسامح لو كانت كدبة عاديه وبسيطة إنما لو كدبة كبيرة لا وكمان من شخص بحبه معتقدش إني هقدر اسامحه ،، وأصلاً أنا مقدرش أعيش مع راجل كداب حتي لو فيه كل الصفات اللي نفسي فيها
رد عليها رمزي قائلاً : اممم ،، تمام
ردت عليه عهد بتسأل قائلة : طب وأنت يا رمزي ،، ممكن تغفر لحد بتحبه كدب عليك كدبة كبيرة؟!!
رد عليها رمزي بابتسامة قائلاً : اممم ،، مع أنه مش دورك بس هجاوب ،، بوصي هو طبيعة شغلي وحياتي مفيهاش مشاعر وحب وكره يعني ،، يعني فيه بدل الحب والمشاعر حاجه أسمها مصلحة وبزنس ،، يعني لو الكدبة دي هتأثر عليا وعلي مصلحتي أو البزنس بتاعي أكيد مش هغفرها ليه وهدفعه تمنها غالي أوي كمان ،، إنما لو مش هتأثر عليا فعادي ممكن اسامحه
استغربت عهد قليلاً من طريقة تفكيره ،، فكيف يستيطع أن يعيش من شخص كاذب لمجرد أن مصلحته وعمله لم يتأثروا!!!
وهنا قاطع خالد حديثهم قائلاً : طب يالا يا جماعة علشان لازم نتحرك دلوقتي
ردت عليه نيرة بحزن قائلة : كان نفسي أقعد أكتر من كده ،، مش مشكلة بقي ،، هنبقي نعوضها مرة تانية
رد عليها رمزي بابتسامة قائلاً : الاسطبل مفتوح ليكوا في أي وقت
ردت عليه نيرة بابتسامة قائلة : ميرسي أووي يا أستاذ رمزي ،، أكيد لازم نكرر الرحلة دي تاني
رد عليها رمزي بابتسامة قائلاً : أن شاء الله
وبالفعل بدء الطلاب في التحرك إلى الأتوبيس لكي يغادروا هذا المكان الممتع ويرجعوا مرة أخرى إلى حياتهم...
وفي نفس التوقيت كانت تهم عهد بالوقوف لكي تذهب إلى الأتوبيس مع زملائها...
ولكن قاطعها رمزي قائلاً : أنتي راحة فين!! ؟
قالت عهد له بتلقائيه : هركب الأتوبيس مع صحابي
رد عليها رمزي بابتسامة جذابة قائلاً : أنا هوصلك علشان متمشيش كتير ورجلك وجعاكي كده ،، واعملي حسابك إني هوصلك كل يوم لمركز العلاج الطبيعي
تفأجات عهد كثيراً من رمزي ثم قالت له بنبرة ممزوجة بصدمة : أنت بتتكلم بجد ولا بتهزر
رد عليها رمزي بابتسامة جذابة قائلاً : أنا مفيش كلمة بقولها بهزار يا عهد
ردت عليه عهد بتسأل قائلة : طب وأنت ايه اللي هيخليك تعمل كل ده!!!
رد عليها رمزي بصراحة قائلاً : الصراحة كده أنا كنت السبب في أن سمارة توقعك ،، يعني كنت فاكرك هتمسكي فيها أو حتي لو وقعتي مكنش هيحصلك حاجة ،، وأنتي للأسف رجلك اتلوت وأنا لازم أصلح الغلطة اللي حصلت دي 
ردت عليه عهد بابتسامة قائلة : الصراحة مش عارفة أقولك إيه ،، لو كنت قولتلي أنك السبب من كام ساعة بس كنت خنقتك بأيدي
رد عليها رمزي بابتسامة جذابة قائلاً : امممم ،، طب ودلوقتي!!
ردت عليه عهد بابتسامة قائلة : امممم ،، لا دلوقتي عقابك انك تقعد أسبوع السواق الخصوصي بتاعي هههههههههه
رد عليها رمزي بابتسامة قائلاً : هي بقت كده يعني ،، ماشي يا ستي ،، لكي يوم برده خلي بالك
ردت عليه عهد بابتسامة قائلة : ده بعينك ههههههههههه
قاطع حديثهم خالد قائلاً : يالا يا عهد أحنا كل ده مستنينك
ردت عليه عهد قائلة : أنت عارف يا خالد أن رجلي اتلوت وأنا مش هقدر أنزل عند الجامعة واركب تاكسي ،، فرمزي هيوصلني
رد عليها خالد باستغراب قائلاً : أنا ممكن أوصلك أو أقول للسواق يوديكي لحد بيتك
ردت عليه عهد قائلة : ميرسي أووي يا خالد أنا مش عايزة اتعبكوا معايا
وهنا فهم خالد بأن عهد تريد أن من يوصلها إلى منزلها هو رمزي وفقط ،، فقرر أن ينسحب بهدوء...
فقال لها خالد بابتسامة : خلاص تمام يا عهد ولو احتاجتي أي حاجة كلميني
ردت عليه عهد بابتسامة قائلة : ميرسي أووي يا خالد
وبعدها ذهب خالد إلي الأتوبيس وتحرك الأتوبيس حتي يوصل الطلاب...
وفي نفس التوقيت ركبت عهد سيارة رمزي واُعجبت بها بشدة ،،، فحقاً كل دقيقة كانت تمر عليها مع رمزي كانت تنبهر به أكثر وأكثر...
بداخل السيارة...
رأي رمزي نظرة الانبهار بعيون عهد ،، فقال لها بابتسامة جذابة : عجبتك العربية!!!
ردت عليه عهد وهي تحاول أن تسيطر علي اعجابها الشديد بالسيارة ،، فقالت بغرور : اممم آه حلوة مش بطالة يعني
رد عليها رمزي بضحك قائلاً : ههههههههه ،، مش بطالة!!! ماشي هعديها مش بطالة المرة دي
وبعدها ظلوا يتحدثوا تارة ويضحكوا تارة أخرى ،، حتي وصلوا إلى منزلها...
فقال لها رمزي بتسأل : هو ده بيتك!!
ردت عهد بابتسامة قائلة : آه هو ده
رد عليها رمزي بثقة قائلاً : اممم حلو مش بطال يعني هههههههههههه
ردت عليه عهد بابتسامة قائلة : هههههههه ،، بتردهالي يعني ،، ماشي يا سيدي بس المرات اللي جاية أكتر خليك فاكر
رد عليها رمزي بابتسامة جذابة قائلاً : بس بجد بقي أنا محستش بالوقت اللي قعدته معاكي ،، بجد الوقت طار ،، وحقيقي اتبسط انهاردة أوي واليوم كان حلو من أوله لاخره
ردت عليه عهد بابتسامة قائلة : بغض النظر عن أنك السبب في اللي أنا فيه ده ،، بس عايزة أقولك ميرسي علي اليوم الحلو ده وعلي التوصيلة كمان
رد عليها رمزي بثقة قائلاً : دي أقل حاجة عندي ،، يالا اطلعي بقي
ردت عليه عهد بغرور وهي تخرج من سيارتة قائلة : هقول بس تعديل بسيط ،، دي أقل حاجة تتعمل لعهد ،، بااااي
في هذا التوقيت قال رمزي بداخل نفسه : يخربيت غرورك وتقلك ده بجد ،، بس أنا وراكي وراكي يا عهد
وفي نفس الوقت رن هاتف عهد....
فردت عهد علي هاتفها قائلة : الو أيوه يا مامي أنا خلاص تحت البيت أهو
ردت عليها سوسن ببكاء قائلة : الحقيني يا عهد ،، باباكي وقع علي الأرض وأنا مش عارفة أعمله إيه
ردت عليها عهد بفزع قائلة : باااابي!!!!

يا تري ايه اللي هيحصل لبابها ،، وهل عهد هتقدر تنقذه ولا ،، وهل رمزي هيبقي ليه دور في كل اللي بيحصل ده ولا ،، لو عايزين تعرفوا كل الاجابات علي الاسئله دي يبقي انتظروا البارت اللي جاااي  🔥🔥🔥

تااااااابعووووووااااااا ،،،....

.....................................................................