چِـــهـــار

Chapter 15

وبالفعل استسلمت عهد للنوم فحقا هي كانت تريد ان تنام بشده ولكن كانت تقاوم بشده..
فاذا كانت وهي مستيقظه حوريه في قمه الجمال ف وهي نائمه ملاك في غايه الرقه ،، فنظر لها حازم نظره بداخلها الكثير من الحب والاعجاب ،، فكيف بجانبه الفتاه الوحيده التي تحركت مشاعره نحايتها ،، فكيف بجانبه الفتاه الوحيده التي خطفته من اول لقاء لهما ،، فهل الذي يشعر به الان هو حب حقيقي صادق ام مجرد اعجاب بمظرها!!
وفي مكان اخر تحديدا بالمدرج...
قررت دهب ان تقطع الحكايه بعض الدقائق وتبدئ رأيها في اخر جزء قالته..
فقالت دهب بنبره كلاسيكيه جذابه : تفتكروا فيه فرق بين الحب والإعجاب!! طب ولو قولتوا ان فعلا فيه فرق بينهم ياتري الفرق ده كبير ولا صغير!! طب تفتكروا ان ممكن الاعجاب يتحول لحب او الحب يتحول لاعجاب!! طب ياتري الاجابات اللي هتقولها دلوقتي هتقولوها من خبرتكوا في الحياه والحب مثلا ولا هتقولوها من كتب الحب الفلسفيه الشهيره ولا من الافلام والمسلسلات!!
معظم اجابتكوا هتبقي جايه من اي مصدر الا من خبرتكوا لان ببساطه انتو مش كبار للدرجه اللي هتخليكوا تدوقوا كل اطعمه الحب وتشوفوا كل اشكاله وتحسوا كل شعور فيه...
طب هسألكوا سؤال تاني ،، ياتري النخله اطول ولا الطياره اسرع!!
ردت عليها طالبه بتلقائيه : مفيش علاقه بينهم اصلا يا دكتور يعني دي حاجه ودي حاجه مختلفه فمينفعش نقارن بيهم
ردت عليها دهب بنفس الابتسامه الكلاسيكه الجذابه قائله : طب طب ياتري مايه المطر احلي ولا المايه الجوفيه طعمها احلي منها
رد عليها طالب بتلقائيه قائلا : هما الاتنين بيتخزنوا في مكان معين وبيتعملهم عمليه تعقيم وفلتره وفي الاخر بيبقوا مايه بتتشرب عاديه يعني يكاد يكون مفيش فرق بينهم او احنا ممكن منعرفش نفرق بينهم
سعدت دهب بشده علي تفاعل طلابها معاها وسعدت من اجابتهم بشده فهذه الاجابات التي كانت تتمني ان تسمعها...
فقالت دهب لهم بابتسامه عذبه : هو ده فعلا اللي عايزه اوصلوا ليكوا ،، الحب والاعجاب عاملين زي النخله والطياره مينفعش نقارن بينهم لان مفيش علاقه بينهم اصلا ،، لان الحب ده حاجه والاعجاب ده حاجه تانيه مختلفه تماما عنه ،، بس اللي بيحصل لمعظمنا علي ارض الواقع هو اننا بنقارن بين الحب والاعجاب كأننا بنقارن بين مايه المطر والمايه الجوفيه ازاي هنقدر نفرق بينهم بعد ما صعبناها علي نفسنا وبعد ما حطينا لنفسنا مقارنه صعبه جدا مهما كنا نمتلك خبره في الحب او بنكتب كتب عن المشاعر هنفشل فشل ذريع في التفرقه بينهم ،، علشان فعلا نعرف نفرق بينهم لازم نحطهم في مكانهم الصح ونقتنع انهم ملهومش علاقه ببعض..
ناس كتير منكوا هتستغرب وجهه نظري وهتقول ما الحب بدايته نظره اعجاب والنظره دي بتتطور وبتتحول لحب ،، انا وقتها هرد عليكوا واقولكوا ان الحب عمر ما كان ولا هيكون بدايته نظره اعجاب..
الحب الحقيقي الصادق بدايته بتبقي خطفه قلب ملهاش كتالوج يعني مقدرش اقولك انت اتخطفت للشكل ولا الشخصيه ولا الهيئه ولا اقدر اقولك انت هتتخطف امتي وفين وعلي ايد مين ،، كل واحد فينا ليه كتالوج خاص بيه ومختلف عن اي حد تاني ،، الحب هو خطفه لو اتخطفتها يبقي وقتها اقدر اقولك انك للاسف الشديد وقعت في الحب بغض النظر بقي الحب ده هيستمر ولا مش هيستمر بس وقتها بذره الحب هتكون اتولدت جواك وهيبقي عليك تختار لاما ترعي البذره دي لحد ما تكبر او تدفنها وتحاول تعديها وتنساها بس صدقني انت ممكن فعلا تدفنها وتعديها بس عمرك ما هتعرف تنساها...
الاعجاب بقي هو عامل زي كأنك دخلت مول واعجبت بقميص معين او بنطلون بتبقي هتموت عليه وعايز تشتري دلوقتي ولما تشتريه بتلبسه يوم واتنين واسبوع بس بعدها شمعه الشغف اللي كانت جواك دي بتطفي وبتلاقي نفسك اعجبت بحاجه تانيه وتالته وعاشره وكلهم مسيرهم بيبقي واحد ،، انك بتستمتع بيه شويه وبعدها بتزهق منه وتروح لحاجه احلي واشيك..
لو عايز تتاكد فعلا انت بتحب ولا مجرد إعجاب بسيط وهيروح لحاله ،، اسأل قلبك وشوفه اتخطف فعلا للشخص ده من غير مبررات ولا هو معجب بيه علشان حلو وشيك وي وي...
لو قلبك وصل لمرحله انه يعرف يجاوبك علي السوال ده وقتها بس فعلا هتكون عرفت تفرق بين الحب والإعجاب..
واخر جمله هقولهالكوا..
"ان الحب هو شمعه شغف مبتطفيش وخطفه قلب بتحتل كل ذره في كيانك"
نرجع لحكايتنا تاني...
في مكان اخر ،، تحديدا بمكان ما في الصحراء...
قال حازم لعهد بصوت حاني : عهد ،، يا عهد
ردت عليه عهد بصوت نائم قائله : امممم
رد عليها حازم بنبره حانيه قائلا : يالا يا حبيبتي قومي احنا وصلنا خلاص
وبعدها بدئت تفتح عينيها بهدوء ووجدت حازم قريب منها للغايه ،، فقربه هذا اصابها بالحرج الشديد ،، فظلت لبضع الثواني لا تصدر اي حركه واخذه وضع الصنم ولكن في المقابل كان حازم غارق في عينيها الساحره الجذابه ،، وحاول كثيرا ان يبعد نظره عنها ولكن لم يستطيع ان يفعل ذلك...
وبعد عده ثواني معدوده ابعدت عهد نظرها عن عيون حازم ووقتها فاق حازم من شروده وابتعد عنها سريعا..
وقال حازم لها باحراج : احم ،، انا بس كنت بصحيكي
ردت عليه عهد وهي تحاول ان تخبئ خجلها : لا عادي محصلش حاجه
رد عليها حازم وهو يبتسم ابتسامه حانيه قائلا : يالا ننزل
ردت عليها عهد بحماس قائله : يالا بينا
وبالفعل نزل حازم وعهد من السياره وبدء حازم في اخذ بعض الاشياء من شنطه سيارته مثل معدات الخيمه والطعام والشراب الخاص بهم...
وبعدها تعاون كلا من حازم وعهد في تركيب الخيمه وبعدما انتهوا من كل شئ جلسوا لكي يستريحوا قليلا...
فقال حازم لعهد بابتسامه عذبه : واخيرا بقي خلصنا هههههههههههههه
ردت عليه عهد بابتسامه مشابهه قائله : ااااه اخيرا ،، بس بجد المكان هنا تحفه يا حازم ،، يعني انا عمري ما فكرت اني اطلع سفاري قبل كده بس لو كنت اعرف انها هتبقي بالجمال ده كنت طلعت من زماان
رد عليها حازم وهو ناظر في بحر عيونها قائلا : انا بقي باجي هنا علطول ،، كل ما احس اني زهقت من دوشه الحياه وابقي عايز اصفي دماغي اجي هنا ،، او لما ابقي محتار في حاجه معينه ومش عارف اخد فيها قرار اجي هنا برده
ردت عليه عهد بابتسامه هادئه قائله : امممم طب واخر مره جيت فيها هنا امتي!! ؟
رد عليها حازم وهو مازال ناظر في عيونها قائلا : امممم الاسبوع اللي فات
ردت عليه عهد بدهشه قائله : اييه!!  الاسبوع اللي فات!! طب جيت ليه بقي ،، ياتري علشان تصفي دماغك من دوشه الحياه ولا علشان كنت محتار في قرار معين
رد عليها حازم بابتسامه جذابه قائلا : متاكده انك عايزه تعرفي
ردت عليه عهد بابتسامه قائله : ايوه عايزه اعرف قوول بقي
رد عليها حازم وعيونه تخترق عيون عهد بنظره جذابه قائلا : الصراحه يا عهد انا جيت هنا لسبب غير كل الاسباب اللي انتي قولتيها دي ،، انا جيت هنا علشان اول مره بنت تدخل حياتي وتوحشني اوي كده ،، جيت هنا علشان انتي كنتي وحشاني اوي يا عهد ومكنتش عارف اركز في شغلي بسببك فكنت لازم اجي هنا واصفي دماغي شويه وافتكر المره الوحيده اللي اتقابلنا فيها علشان اشبع منك شويه واعرف اركز في شغلي
ردت عليه عهد بارتباك وهي تحاول ان تغير مجري الحديث قائله : احم وانت كمان يا حازم وحشتني اوي ،، بس شكلك بتحب الصحراء والسفاري اوي علي كده
رد عليها حازم بنظره جذابه قائلا : انا اه بحب الصحراء والسفاري بس الفتره الاخيره دي اكتشفت اني بقيت بحبك اكتر من الصحراء والسفاري واكتر من اي حاجه في حياتي واكثر من اي حد في حياتي
ردت عليه عهد بدهشه قائله : اييه!! انت بتقول ايه يا حازم!! ؟
رد عليها حازم بنظره حب قائلا : انا بحبك يا عهد
ردت عليها عهد بابتسامه ممزوجه بنظره دهشه قائله : والله مجنون ههههههههههههه
رد عليها حازم بابتسامه جذابه قائلا : يا ستي مجنون مجنون انا موافق ابقي مجنون لو انتي عايزه كده ،، ها ايه رأيك بقي
ردت عليه عهد بخجل قائله : انت الصراحه يا حازم فجائتني يا حازم يعني انا مكنتش متوقعه انك هتيجي وتقولي كده بالسرعه دي
رد عليها حازم بابتسامه اعجاب قائلا : واديني جيت وقولت ها بقي رأيك ايه!! ؟
ردت عليه عهد بابتسامه هادئه قائله : هو الصراحه في الفتره الاخيره دي انا حسيت ان فعلا مشاعري بدئت انها تتحرك ناحيتك شويه بشويه وحاسه كده يعني والله اعلم اني بحبك ههههههههههههههه
وفي هذه اللحظه نهض حازم من مكانه وحمل عهد بين احضانه ولفها عده لفات دليلا عن فرحته الشديده بسبب افصاح عهد بأنها تبادله نفس المشاعر...
وبعدما انتهي حازم انزلها برفق علي الارض امامه...
ثم قال لها حازم بنظره حب : اخيرا قولتيها ده انا كنت قربت اخلل جنبك هههههههههههه
ردت عليه عهد بابتسامه كبيره وهي مُمسكه برأسها : والله مجنون ههههههههههه يا بني حرام عليك دوختني اوي
رد عليها حازم بنبره حانيه قائلا : طب تيجي نتمشي شويه ،، فيه بحيره هنا حلوه اوي وهتعجبك جدا
ردت عليه عهد بابتسامه قائله : تمام موافقه
وبالفعل انطلقوا الي البحيره واُعحبت عهد بجمال البحيره بشده...
فقالت عهد لحازم بنظره اعجاب شديده : البحيره تحفه يا حازم ،، ايه الجمال ده
رد عليها حازم بنبره اعجاب قائلا : مش اجمل منك يا عهد ،، انتي اجمل حاجه عيني شافتها وعمري ما هشوف اجمل منك
ردت عليه عهد بابتسامه هادئه قائله : ميرسي يا حازم
رد عليها حازم وهو يمسك يديها برفق قائلا : عهد انا كنت عايز اقولك علي حاجه
ردت عليه عهد بابتسامه هادئه قائله : قول يا حازم انا سمعاك
رد عليها حازم بنبره جاده قليلا قائلا : الصراحه يا عهد انا طبيعيه شغلي تمنعني اني اقول اني ارتبطت وكده وبالذات دلوقتي ،، علشان الجمهور وكده وانا لسه في بداية مشواري يعني مش بقالي عشر سنين في المجال ده ،، فسوري بجد يا عهد بس احنا مش هينفع نقول اي حاجه حصلت بينا وخصوصا دلوقتي ،، احنا ممكن نستني شويه لحد ما امهد الموضوع لجمهوري وبعدها نقول
فقالت عهد بداخل نفسها في هذا التوقيت : وهو ده اللي كنت عايزاه اني اعرفك الاول قبل ما اقول لاهلي ،، يعني نرتبط في السر شويه لحد ما ابقي متأكده انك الشخص المناسب اللي هقدر اكمل معاه وبعدها اعرفك علي اهلي بس مكنتش عارفه اجبهالك ازاي ،، بس الحمد لله انها جات منك ،، وفرت عليا كتير اوي يا حازم
فقال لها حازم بنبره حانيه : سرحتي في ايه!! ،، عهد انا عارف انك متفاجئه من كلامي بس صدقيني ده وضع مؤقت بس لحد ما اظبط اموري
ردت عليه عهد بابتسامه قائله : وانا موافقه يا حازم ،، اكيد يعني انا مش هبقي عايزه اني ابوظ شغلك او اني اقلل من جمهورك ،، فاانا معنديش مشكله اننا منقولش لحد لغايه ما تمهد انت الموضوع لجمهورك
رد عليها حازم بفرحه شديده قائلا : مكنتش متوقع انك هتوافقي وكنت حاسس انك هترفضي ،، انا بحبك اوي يا عهد ربنا يخليكي ليا
ردت عليه عهد بابتسامه حانيه قائله : وانا كمان بحبك يا حازم
فرد عليها حازم بابتسامه جذابه قائلا : بس ايه الجمال اللي قدامي ده بس
ردت عليه عهد بابتسامه قائله : ههههههههههه دي اقل حاجه عندي
فرد عليها حازم بابتسامه هادئه قائلا : تعرفي يا عهد ان اجمل وقت عدي عليا هو الوقت اللي فات ده ،، يعني من اول مره شوفتك فيها وبعدها فضلنا نتكلم كتير اوي وحكينا لبعض حاجات كتيره اوي تخصنا ،، بجد كنت حاسس اني مش لوحدي ،، اصل انا اهلي ماتوا في حادثه وانا صغير وخالتي هي اللي ربتني لحد ما بقي عندي 21 سنه وبعدها ماتت هي كمان وانا وقتها قررت اني استقل بنفسي بقي واعيش لوحدي واعتمد علي نفسي لحد ما احقق حلمي وفعلا حققت حلمي ،، بس طول الوقت حاسس بالوحده مع ان فيه ناس كتير حواليا بس عمري ما حسيت اني فعلا مش وحيد غير لما قابلتك
فردت عليه عهد بابتسامه هادئه قائله : اتبسطت لما انت قولت انك دلوقتي مش حاسس بالوحده وانا معاك وانا اوعدك انك مش هتحس بيها طول ماانا معاك يا حازم
رد عليها حازم بابتسامه اعجاب قائلا : انا متأكد من ده ،، يالا نرجع عند الخيمه علشان تدوقي اكل الشيف حازم
ردت عليه عهد بابتسامه كبيره قائله : ههههههههههههه لما الحق اكلم الاسعاف بقي
وبعدها جريت عهد من. امامه...
فرد عليها حازم وهو يجري ورأها حتي يلحق بها قائلا : طب استني عليا بس لحد ما امسك وشوفي هعمل فيكي ايه ههههههههههه
وبعدها بدء كلا من حازم وعهد في الجري وراء بعضهم البعض لعده دقائق ،، وكانت هذه الدقائق من اجمل الدقائق التي مرت عليهم ،، فضحكوا حقا من قلبهم وشعروا بانهم احرار من اي قيود كانت تتحكم بهم في حياتهم الخارجيه....
وبعد القليل من الضحك والمرح توجهوا الي الخيمه الخاصه بهم...
وبعدها بدء حازم في احضار الطعام وبعدما انتهي من احضار الطعام بدئوا في تناوله..
فقال لها حازم بابتسامه هادئه : ها ايه رأيك بقي
فردت عليه عهد بغرور قائله : اممم مش بطال ههههههههههه
فرد عليها حازم بابتسامه عذبه قائلا : علشان كده خلصتي كل الاكل صح ههههههههههه
فردت عليه عهد بغرور قائله : لا علي فكره انا بس مكنتش حابه اكسفك وكده
فرد عليها حازم بابتسامه كبيره قائلا : ااه ما هو واضح ان هو ده السبب الحقيقي فعلا هههههههههههه ،، بس قوليلي بجد ايه رأيك في الاكل
فردت عليه عهد بابتسامه عذبه قائله : الصراحه يعني الاكل تحفه وطعمه حلو اوي ،، انت ازاي بتعرف تعمل اكل حلو كده
فرد عليها حازم بابتسامه عذبه قائلا : قعدتي لوحدي علمتني اني لازم اعتمد علي نفسي واتعلم الطبخ لاني مش هلاقي حد يعملي اكل كل يوم واكيد يعني مش هفضل عايش طول عمري علي الاكل الدليفري
ردت عليه عهد بابتسامه عذبه قائله : بس برافوا عليك والله ده انا مش بعرف اعمل كوبايه شاي حتي ههههههههههههه
رد عليها حازم بابتسامه جذابه قائلا : خلاص ابقي اعلمك ازاي تطبخي علشان لما تطبخي لينا في المستقبل ان شاء الله
رد عليه عهد بغرور قائله : نعم اطبخ ايه ،، لا طبعا ده مستحيل وبعدين احنا هنجيب شغاله هي اللي تطبخ وتعمل كل حاجة
تفاجئ حازم قليلا من تحول عهد المفاجئ ولكن اقنع نفسه بانها من الفتيات التي تكره المطبخ بما فيه..
فرد عليها حازم بابتسامه عذبه قائلا : خلاص يا ستي ولا تزعلي نفسك ده احنا نجيب عشر شغالات كمان مش شغاله واحده بس
فرد عليه عهد بابتسامه هادئه قائله : ايوه كده مش تقولي هتطبخي ههههههههههه
وبعدما انتهوا من طعامهم بدئوا في الحديث معا وحقا كانت ليله في منتهي الجمال والرمانسيه ،، فهما الاثنين استمتعوا كثيرا بهذه الليله ولم يشعروا بمرور الوقت وان ستاره الليل السوداء قد حلت محل ستاره النهار الصافيه..
فقالت عهد لحازم بابتسامه عذبه : يااااه هو الليل جه بسرعه كده ،، ده انا محستش بالوقت خاالص
رد عليها حازم بابتسامه جذابه قائلا : هو الوقت الحلو بيمر بسرعه
ردت عليه عهد بابتسامه قائله : طب يالا نروح بقي علشان بابي ومامي قالولي متتأخريش بره
رد عليها حازم بابتسامه عذبه قائلا : تمام يالا بينا
وبعدها بدء حازم في اخذ مكونات الخيمه والطعام والشراب في ادخاله الي شنطه سيارته وبعدها ركب كلا من حازم وعهد السياره وتوجه حازم الي منزل عهد...
بداخل السياره...
قال حازم لعهد بابتسامه عذبه : انا هاخد تلت ايام اجازه من الشغل وهيبقوا ملكك انتي وبس ،، فشوفي عايزه نروح فين ونعمل ايه وانا من ايديك دي لايدك دي
فقالت عهد له بفرح : بجد يا حازم ،، خلاص انا هقعد مع نفسي شويه وافكر نعمل ايه في التلت ايام دول وبعدها هقولك
رد عليها حازم بابتسامه عذبه قائلا : تمام يا حبيبتي
وبعد وقت ليس بكثير اوصل حازم عهد الي الشارع الذي يوجد به منزلها..
فقال حازم لعهد : سوري يا حبيبتي مش هعرف ادخل أكتر من كده علشان محدش يشوفنا من جيرانك او اهلك
فردت عليه عهد بابتسامه عذبه قائله : فاهمه يا حبيبي ،، انا هنزل بقي باااي
رد عليها حازم بابتسامه هادئه ه قائلا : خلي بالك على نفسك واول ما توصلي كلميني
ردت عليه عهد بابتسامه مماثله قائله : تمام وانت كمان خلي بالك علي نفسك ،، بااي
رد عليها حازم بابتسامه هادئه قائلا : مع السلامه يا حبيبتي
وبالفعل نزلت عهد من السياره وتوجهت الي منزلها وتوجه حازم الي منزله..
وفي غصون عده ثواني كانت عهد امام منزلها ففتحته برفق ودخلت بهدوء حتي لا تُيقظ والديها من النوم ،، فهي قد مرت بيوم جميل للغايه ولا تريد ان يعكر احد صفو هذا اليوم الرائع...
وبعدها ذهبت عهد الي غرفتها بهدوء واخذت شاور دافئ ثم وجدت هاتفها يرن يعلن عن اتصال حازم بها..
فردت عليه عهد بابتسامه قائله : ايوه يا حازم
فرد عليها حازم بابتسامه قائلا : انا قولت اطمن عليكي ،، ايه الاخبار
ردت عليه عهد قائله : انا اخدت شاور وكنت هنام اهو
رد عليها حازم بابتسامه قائلا : تمام يا حبيبتي وانا كمان وصلت البيت اهو ،، شكرا يا عهد علي اليوم الحلو ده
ردت عليه عهد بابتسامه قائله : ان شاء الله هنقضي ايام احلي منه كتير
رد عليها حازم وهو يحاول ان ينهي المكالمه حتي يتركها لكي تستريح قائلا : ان شاء الله يا حبيبتي ،، يالا بقي تصبحي علي خير
رد عليه عهد بابتسامه هادئه قائله : وانت من اهله يا حازم بااااي
وبعدها اغلقكوا الخط وذهبت عهد في نوم عميق وهي تحلم باشياء كثيره اولهم بأنها اخيرا وجدت فارس احلامها التي ظلت كثيرا تبحث عنه...
وبعد هذا اليوم تكرر خروجهم مع بعضهم البعض لمده ثلاثه ايام ،، ولا نستطيع ان ننكر بأن هذه الايام الثلاثه كانت من اجمل الايام التي مرت علي ابطالنا ،، وحقا شعروا في هذه الايام بالسعاده والحب ومشاعر اخري في منتهي الجمال...
وفي هذا التوقيت انتقلت دهب من حديثها عن ابطال الحكايه الي حديثها عن رأيها في هذه الجزئيه...
فقالت دهب بابتسامه كلاسيكيه : حلوه البدايات صح!! اجمل جزء في اي حكايه عشناها او بنعشها او لسه هنعشها بتكون البدايه ،، طب ياتري ليه!! هقولكوا إنا ليه ،، لان وقتها بتبقوا لسه بتتعرفوا علي بعض ،، بتكتشفوا شخصيه بعض ،، كل واحد فيكوا بيظهر اجمل حاجه فيه وبس وبيركن الجزء السلبي او الوحش منه علي جنب شويه ،، او بينساه لمده ايام بسيطه...
في نهايه كلامي عايزاكوا تفتكروا الجمله دي كويس جدا..
"مستحيل نقدر نعيش في البدايه طول عمرنا بس احنا نقدر بالحب والتفاهم اننا نخلي الحكايه كلها زي حلاوه البدايات"...
نرجع تاني لحكايتنا ،،،
وبعد مرور عده اسابيع علي عهد وحازم ،، بدئت عهد ان تشعر ببعض الملل من علاقتها بحازم...
في يوما ما ،، اتصلت عهد بحازم....
فقالت عهد له : الو ازيك يا حازم
رد عليها حازم بنبره حانيه قائلا : الحمد لله يا حبيبتي انتي عامله ايه
فردت عليه عهد قائله : مش كويسه يا حازم
فردت عليه حازم بنبره قلق قائلا : ليه بس يا حبيبتي ،، مالك!! ايه اللي حصل!!
فردت عليه عهد قائله : زهقانه يا حازم ،، زهقانه اوي وحاسه بملل وفراغ فظيع ،، احنا مخرجناش مع بعض خالص بقالنا كتير اوي ،، وانت دائما طول اليوم مشغول ومش فاضي ليا ،، وبتفضي بس ساعه واحده اخر اليوم يادوبك تطمن عليا وتنام علشان تصحي فايق لشغلك وهكذا بقي كل يوم
رد عليها حازم بنبره حانيه قائلا : يا حبيتي ماانا ظروف شغلي صعبه وبعدين احنا في موسم دلوقتي فطبيعي ابقي مشغول عنك كتير ،، بس حقك عليا ليكي عليا اول ما الموسم يخلص اخرجك خروجه تحلفي بيها طول عمرك
ردت عليه عهد بانفعال قائله : انت بتهزر يا حازم!! يعني انا بقولك اني مخنوقه وزهقانه وانت تقولي هخرجك لما الموسم يخلص
رد عليها حازم بنبره حانيه قائلا : يا حبيبتي وانتي كمان وحشتيني اوي والله ونفسي اشوفك اوي بس اعمل ايه غصب عني والله
ردت عليه عهد بانفعال قائله : ده حتي لما بنخرج بتاخدني مكان مفيهوش حد وتفضل كل شويه تبص حواليك علشان خايف لحد يشوفنا مع بعض
رد عليها حازم وهو يحاول ان يتحكم في اعصابه قائلا : يا عهد انا مكدبتش عليكي وقولتلك اني مينفعش اقول اننا ارتبطنا لحد ما امهد لجمهوري
ردت عليه عهد بانفعال قائله : ايوه قولتلي كده بس انت بقالك كتير اوي ممهدتش ولا عملت اي خطوه علشان نبقي مع بعض في النور قدام الناس كلها ومنبقاش خايفين طول الوقت لحد يشوفنا
رد عليها حازم بنبره حانيه قائلا : حاضر يا حبيبتي هعمل كده ،، سيبك بقي من الخناقات دي وتعالي احب فيكي شويه ،، انتي وحشتيني اووي يا عهد
ردت عليه عهد بعصبيه شديده قائله : لا يا حازم كان فيه وخلص
ردت عليها حازم قائلا : يعني ايه!!
ردت عليه عهد بعصبيه قائله : يعني انت بتاخد مني اللي انت محتاجه ومش بتديني اي حاجه في المقابل ،، بتاخد مني حب ومشاعر وكلام حلو ورومانسي واهتمام وانك تطلع كل اللي جواك معايا واول ما تزهق تقرر اننا ننام بقي علشان شغل الصبح ،، وفي المقابل مش بتديني اي حاجه يا حازم ،، ولا بنخرج ولا بنتقابل ولا حتي لما احس اني عايزه اكلمك بعرف اكلمك هو لازم اكلمك في وقت معين ونقفل في وقت معين ،، وانا لو كنت ساكته في الأول فده كان علشان بحبك بس دلوقتي خلاص انا زهقت وتعبت ومبقتش قادره اسكت واكمل أكتر من كده
رد عليها حازم بصدمه قائلا : كل ده شيلاه في قلبك يا عهد!!
ردت عليه عهد بانفعال قائله : واكتر من كده مليون مرة يا حازم وانت مش حاسس بيا ولا عمرك حسيت بيا ولا حتي هتعرف تحس بيا يا حازم ،، انا خلاص تعبت من كتر الملل والزهق اللي بقيت عايشه فيه ،، ملل ملوش نهايه ولا حدود يعني بالبلدي كده هيفضل مكمل معايا لحد ما اموت صح يا حازم!!
رد عليها حازم وهو يحاول ان يحتوي الموقف وان يهدئها قليلا قائلا : طب ليه مكنتيش بتتكلمي يا عهد طول الوقت اللي فات ده ،، كنا ممكن نلاقي حل ومكنتيش وصلتي للمرحله دي
ردت عليه عهد بعصبيه قائله : لاني مش بلاقيك يا حازم علشان احكيلك ،، انت دائما فاضي لشغلك وبس وانا مركونه علي الرف لحد وقت فراغك ،، كان نفسي ألاقيك جنبي علشان احكيلك واقولك كل اللي جوايا بس للاسف ده محصلش ولا اتحقق زي ما فيه حاجات كتير اوي كان نفسي انها تحصل وتحقق في علاقتنا وللاسف محصلتش برده
رد عليها حازم بنبره هادئه قائلا : طب اهدي بس يا حبيبتي وحقك عليا بس انتي المفروض كنتي تحكيلي اول ما تحسي بكل ده علشان كنا نعرف نتصرف
ردت عليه عهد بعصبيه قائله : طب اديني بقولك اهو يا حازم وريني هتتصرف ازاي ،، يالا اتفضل اتصرف
رد عليها حازم بنبره حانيه قائلا : طب استني بس زنقه الاسبوع دي تخلص وهخرجك خروجه حلوه ايه رأيك
ردت عليه عهد بعصبيه قائله : اسبوع!! بقولك تعبانه من الملل والفراغ اللي بقيت عايشه فيه وانت تقولي استني اسبوع ،، انت مش حاسس يا حازم بحجم الملل اللي بقيت احس بيه
رد عليها حازم بنبره حانيه قائلا : طب اخرجي يا حبيبتي مع صحابك او روحي النادي يمكن الملل ده يروح
ردت عليه عهد بخيبه امل قائله : مش دول اللي هيخرجوني من الملل اللي عايشه فيه يا حازم انا مش محتاجه اني اخرج مع صحابي او اني اروح النادي ،، انا كنت محتجاك انت بس للأسف شكلي روحت لعنوان غلط سلام يا حازم
رد عليها حازم بنبره سريعه قائلا : انتي بس متزعليش نفسك يا حبيبتي ،، انا هقفل معاكي دلوقتي علشان اتاخرت علي الحفله بقالي خمس دقائق واول ما اخلصها هتصل بيكي
ردت عليه عهد بخيبه امل قائله : ماشي يا حازم باي
وبعدها اغلقكوا الخط معا...
وفي نفس التوقيت...
قالت عهد بداخل نفسها : كنتي منتظره ايه يعني يا عهد منه ،، ما اكيد كان هيقفل معاكي علشان يلحق الحفله بتاعته ،، بس انا كان نفسي انه ميقفلش وانه ويفضل جنبي ويطمني ويحاول يحل مشكلتي مش يهرب مني بسبب شغله ،، انا خلاص بجد تعبت ومبقتش قادره استحمل اكتر من كده...
وبعدها مر اسبوع مماثل لباقي الاسابيع الاخري فلم يحدث به اي شئ جديد ،، ولكن ملل عهد وشعورها بالفراغ القاتل كان يزداد اكثر واكثر ،، وبعد مرور هذا الاسبوع تلقت عهد مكالمه هاتفيه من حازم...
فردت عهد علي حازم بسخريه قائله : لا مش مصدقه حازم بيكلمني في نص اليوم عادي كده
رد عليها حازم وهو يتحكم في اعصابه قائلا : مش هتبطلي بقي التريقه بتاعتك دي يا عهد انا زهقت منها علي فكره ومبقتش قادر استحملها اكتر من كده
ردت عليه عهد قائله : وايه المشكله ماانا مش قادره استحمل حاجات كتير من زمان وانت معملتش اي حاجه
رد عليها حازم قائلا : طب يا عهد انا الصراحه مش فاضي اني اتخانق واسمع اسطوانه كل يوم اللي مش بتزهقي منها ،، انا متصل بيكي علشان اقولك اني مسافر دبي اسبوع علشان عندي كذا حفله هناك
ردت عليه عهد بصدمه قائله : اسبوع!! بس انت كنت وعدتني انك هتخرجني اخر الاسبوع ده يا حازم
رد عليها حازم بنبره حانيه قائلا : معلش يا حبيبتي حقك عليا بس والله موضوع السفر ده جه مفاجئ ومكنتش مرتب ليه خالص بس اوعدك اني اول ما ارجع هخرجك خروجه حلوه وهجبلك هدايا كتيره اوي من هناك
ردت عليه عهد بخيبه امل قائله : ماشي يا حازم تروح وتيجي بالسلامه
رد عليها حازم بنبره سريعه قائلا : امين يا حبيبتي خلي بالك علي نفسك بقي ،، انا هقفل بقي معاكي علشان انا في المطار وبينادوا علي ركاب الطياره بتاعتي
ردت عليه عهد بصدمه وخيبه امل كبيره : كمان بتقولي انك مسافر وانت خلاص هتركب الطياره
رد عليها حازم بنبره حانيه قائلا : والله يا حبيبتي كل حاجة جات بسرعه اوي ،، انا لازم اقفل معاكي دلوقتي وهكلمك اول ما اوصل مع السلامه يا حبيبتي
ردت عليه عهد بحزن قائله : باي يا حازم
وبعدها اغلقكوا الخط...
وبدء الشعور بالملل والفراغ القاتل يزداد لدي عهد بطريقه كبيره ،، وللاسف الشديد تحول اسبوع سفر حازم الي ثلاثه اسابيع ،، وخلال هذه الايام شعرت عهد بان مشاعرها يموت بها شي كل يوم ،، الي ان وجدت مشاعرها قد ماتت بالكامل وهي قد قُتلت بفعل سُم الملل والفراغ القاتل...
وبعد مرور ثلاثه اسابيع تلقت عهد مكالمه هاتفيه من حازم..
فردت عهد قائله : الو
رد عليها حازم بنبره سعيده قائلا : ايوه يا حبيبتي ،، انا محضرلك مفاجاه حلوه اوي وهتعجبك جدا
ردت عليه عهد ببرود قائله : مفأجاه ايه!!
رد عليها حازم قائلا : انا هنزل مصر انهارده واول حاجه هعملها اني هقابلك لانك وحشتيني اووي يا عهد
فلم تشعر عهد بالفرحه التي كانت تتوقعها ،، فهي لم تشعر باي شي علي الاطلاق ،، فشعرت وكأن المركز المسؤل عن اصدار المشاعر قد تجمد او اُصيب بالخمول واصبح غير قادر علي إصدار اي شعور...
فردت عهد عليه بنبره جافه قائله : توصل بالسلامه يا حازم
فرد عليها حازم بنبره سريعه قائلا : طب انا هقفل يا حبيبتي دلوقتي علشان هركب الطياره واول ما اوصل مصر هكلمك مع السلامه يا حبيبتي
ردت عليه عهد قائله : تمام يا حازم ،، باااي
وفي هذا التوقيت اتخذت عهد قرار مصيري ومهم للغايه وقررت ان تنفذه عندما تقابل حازم فور وصوله مصر...

ياتري ايه القرار اللي عهد هتنفذه ،، وياتري مقابله عهد وحازم هتبقي عامله ازاي ،، وياتري علاقه حازم وعهد هتستمر وهيقدروا يصلحوا اللي حصل بينهم في الفتره الاخيره ولا هيختاروا الطريق الاسهل ،، لو عايزين تعرفوا كل ده انتظروا البارت اللي جاااي 🔥🔥🔥

تااااااابعووووووااااااا ،،،...

......................................................................