چِـــهـــار

Chapter 20

ردت عليه عهد ببكاء قائله : انا محتجالك اوي يا ادم اكتر وقت محتجالك فيه هو الوقت ده
رد عليها ادم بحنان وهو يمسد علي شعرها قائلا : طب تعالي ندخل جوا واحكيلي كل حاجة حصلت ليكي
ردت عليه عهد باستسلام قائله : حاضر
وبالفعل اخذ ادم عهد من يديها بحنان شديد ودخل بها الي داخل المنزل ثم اغلق الباب ورآهم وتحرك بها الي اريكه مريحه للغايه كانت عهد تحب الجلوس عليها من قبل...
فقالت عهد له وهي تبتسم ابتسامه خفيفه وسط دموعها : فاكر الكنبه دي يا ادم لما كنا بنتخانق من يقعد عليها وكنت في الاخر انت بتسبني انا اللي اقعد عليها علشان ابقي مبسوطه دائما انت كنت بتعمل ليا كل حاجة بتفرحني وبتريحني وانا عمري ما عملت معاك نص اللي انت عملته معايا
رد عليها ادم وهو يمسك يديها بحنان بيد وباليد الاخري يمسح دموعها قائلا : انا عمري ما كنت مستني انك تعملي معايا زي ما كنت بعمل معاكي يا عهد وبعدين انا لما كنت بفرحك كنت بحس اني فرحان اوي من جوايا يا عهد ،، عارفه لما كنت بحس اني زعلان او في مود وحش كنت بعمل حاجه تفرحك علشان لما اشوف الفرحه في عنيكي افرح واتبسطت والمود الوحش ده يخلص
ردت عليه عهد بندم قائله : للدرجه دي حبتني يا ادم للدرجه دي انا كنت غبيه ومقدرتش حبك ليا ولا شوفته
رد عليها ادم بحنان قائلا : وانا مش زعلان يا عهد اصلا قلبي ميقدرش يزعل منك يا عهد بوصي بقي انا هقوم اعملك عصير اللمون اللي كانت بعملهولك زمان من ايدي وكان بيهديكي خالص ويخليكي تعرفي تتكلمي وتحكي
ردت عليه عهد بابتسامه هادئه قائله : انت لسه فاكر يا ادم
رد عليها ادم وهو ينظر في عينيها نظرات عشق قائلا : انا عمري ما انسي حاجه فيها اسمك يا عهد اي حاجه كانت تخصك اتحفرت في قلبي قبل عقلي
ردت عليه عهد بابتسامه وعيون دامعه قائله : يارتني اعرف ارجع الزمن تاني يا ادم
رد عليها ادم بنبره حانيه قائلا : خلاص بقي متعطتيش تاني انا بنهار قدام دموعك خلي بالك انا هروح اعمل اللمون واجي علطول وطبعا مش محتاج اقولك ان البيت بيتك يعني
ردت عليه عهد بابتسامه قائله : اكيد
وبعدها ذهب ادم لكي يحضر لها عصير الليمون التي كانت تعشقه من يده ،، وفي نفس  التوقيت كانت عهد تنظر الي اركان المنزل باشتياق شديد فكانت تتذكر كل ذكرياتها الرائعه مع ادم وفي نفس التوقيت كانت تؤنب نفسها بشده علي ما فعلته بادم فكانت تقارن ما فعلته بادم من قبل وما يفعله ادم معاها الان فمن قبل هي تخلت عنه ولكن الان هي وجدته فاتح لها ذراعيه بكل حب وكل عشق ،، فهل لهذه الدرجه يفعل الحب بالانسان فهل لهذه الدرجه يحبها ادم!!!
واثناء شرودها وسط ذكرياتها مع ادم سمعت صوت زجاج ينكسر جاء من المكان الذي به ادم فنفزعت عهد كثيرا علي اثر هذا الصوت ونهضت من مكانها وجريت نحو المكان الذي به ادم...
فقالت عهد لادم بفزع : ادم ايه اللي حصل!!
رد عليها ادم بنبره مطمئنه قائلا : اهدي بس يا حبيبتي محصلش حاجه انا بس من كتر فرحتي انك رجعتيلي تاني اعصابي سابت والكوبايه وقعت من ايدي
ردت عليه عهد وهي تجري عليه بلهفه وتحضنه قائله : حرام عليك يا ادم ده انا قلبي وقف انا خلاص مبقتش قادره اتخيل الدنيا وانت مش فيها يا ادم ارجوك خلي بالك على نفسك ولو مش علشانك يبقي علشاني يا ادم
رد عليها ادم بحنان وهو يمسد علي ظهرها قائلا : حاضر يا حبيبتي انا هعملك كل اللي نفسك فيه انتي بس اهدي واطمني
ردت عليه عهد بابتسامه قائله : حاضر
رد عليها ادم بفكاهه قائلا : تيجي نعمل العصير سوا ونخرب الدنيا زي زمان
ردت عليه عهد بابتسامه قائله : مع اني مش قادره انضف بس ماشي موافقه ههههههههههههه
وومرت عليهم عده دقائق وهما يضحكون اثناء تحضريهم لعصير الليمون...
وبعدما انتهوا من تحضيره ذهبوا مره اخري الي المكان الذي كانوا يجلسون به...
فقال ادم لعهد بابتسامه عذبه : دوقي بقي العصير وقوليلي حلو زي بتاع زمان ولا بقيت فاشل فيه ههههههههههه
ردت عليه عهد بابتسامه هادئه قائله : ماشي بس هقولك بصراحه ومفيناش من زعل
رد عليها ادم بابتسامه عذبه قائلا : اتفاقنا
ردت عليه عهد وهي تتذوق العصير قائله : الله ده طعمه احلي يا ادم انت بقيت شاطر فيه اوي علي فكره
رد عليها ادم بابتسامه قائلا : طب الحمد لله انه عجبك اصل الصراحه يا عهد انا طول الوقت اللي فات ده كنت بعمله كتير اوي وكنت كل ما اعمله احس انك جنبي كده وبتشربيه وبتهدي وعماله تحكي بقي
ردت عليه عهد بعيون قد تجمعت بها الدموع مره اخري قائله : وانا جيت تاني وهحكيلك تاني زي زمان يا ادم
رد عليها ادم بابتسامه هادئه قائلا : وانا سامعك يا حبيبتي
ردت عليه عهد بابتسامه صغيره قائله : الحكايه بدئت لما كنت مش عارفه اخد قرار في علاقتنا سوا وقتها فيه ست عجوزه قابلتني وقالتلي انها تقدر تخليني اقابل الشخص اللي بتمناه وفعلا سمعت كلامها لاني كنت غبيه في الوقت ده وقررت اني اسيبك مع اني وقتها كنت بتقطع علي القرار ده يا ادم وكنت كل يوم بحتاجك اكتر من اليوم اللي قبله ،، المهم هي قالتلي انها هتشربني اربع كاسات وكل كاس هقابل شخص فيه حاجه كان نفسي فيها وفعلا انجذبت لكلامها ومشيت وراها مع انها في الاول حذرتني وحاولت انها تمنعني بس انا قررت اني مشوفش غير حلمي ده ،، والايام مرت وشربت اول كاس وقابلت اول شخص وجذبني بفلوسه وكنت فاكره ان خلاص قابلت فارس احلامي واني هعيش حياتي زي ما كنت بتمني بس للاسف طلع كداب يا ادم ومتجوز اتنين وانا كنت هبقي التالته ولما قررت اني افسخ خطوبتي انتقم مني وخسر ابويا وقتها فلوس كتير اوي وروحنا عشنا في شقتنا القديمه وقتها ده كان انذار ليا علشان ارجع عن الطريق اللي ماشيه فيه بس للاسف مرجعتش وصممت اني اكمل وشربت الكاس التاني وقابلت الشخص اللي عنده علاقات كتير ومن عيله كبيره قولت مش مهم اهو هو ده اللي هيخليني من صفوه المجتمع وهيحققلي احلامي كل حاجه في العلاقه دي جات بسرعه اوي اتخطينا بسرعه وهو ظهر علي حقيقته بسرعه وسبنا بعض بسرعه وسبنا بعض علشان هو طلع شخص مريض اختارني اصغر منه بكتير علشان كان فاكر انه كده هيقدر يتحكم فيا براحته شويه بشويه لاقته بيلغي شخصيتي وبيتحكم في كل قرارتي وفي كل حاجة بعملها ومش بيديني اي حريه اني حتي اقول رأيي استحملت كل ده بس وصل بيه الحد انه يمد ايده عليا وقتها حسيت اني رخصت نفسي لشخص مريض زيه وقررت اني مكملش معاه بس للاسف انتقم مني بان عيلته اتبرت من عليتنا لاننا كنا من نفس عليتهم بس من بعيد وابويا للمره التانيه يخسر علاقات كتير اوي بسببي وقتها كنت لازم اعرف ان الطريق ده غلط وان خلاص كفايه لحد كده والصراحه الست العجوزه دي نصحتني بس للاسف مفهمتش نصحيتها غير متاخر اوي وقررت اني اكمل المشوار للاخر وشربت الكاس التالت وقابلت المشهور وده الصراحه كان كويس ومكنش كداب ولا كان متحكم بس للاسف شغله والمعجبين بتوعه كانوا اهم مني وللاسف حسيت ان حياتي فاضيه اوي في وجوده واول مره احس بفراغ وملل وقت ما كنت معاه لما كنت بسمع حكاوي بنات علي الفيس انهم بيموتوا من الملل في اليوم الف مره وانهم بينهوا علاقتهم بسبب الفراغ القاتل اللي بيحسه بيه مكنتش بصدقهم بس لما بقيت مكانهم اكتشفت اد ايه الشعور ده قادر انه يقال كل ذره شغف وحب جوايا وقررت اني اسيبه وللاسف هو عملي بلوك وخسرت الاكونت بتاعي اللي فضلت اكبر فيه سنين وخسرت الحفله اللي كنت هبقي المتحدث الرسمي فيها وكانت هتسهل عليا حاجات كتير اوي في المستقبل وقتها كنت لازم افوق واصحي من الغفله اللي فيها كنت لازم اوقف نفسي بس للاسف طمعي خلاني اكمل واشرب أقسى كاس في حياتي وفعلا شربت الكاس الاخير وكنت متخيله ان دي اخر فرصه ليا ولازم اعمل المستحيل علشان العلاقه دي تنجح وفعلا عملت المستحيل وقابلت أجمل ولد شوفته في حياتي في البدايه هو ملي حياتي مفاجات واحداث كتير وحسيته انه عكس الشخص اللي حسيت معاه بالملل وقولت يبقي هو ده اللي هكمل معاه بس وحده وحده لاقته بيخسارني جمالي من غير ما احس وبعد شويه لاقيت نفسي تخنت وشكلي اتغير خالص ومبقتش حلوه زي زمان لدرجه اني كنت فاكره انك مش هتعرفني بعد ما شكلي اتغير كده بس طلعت سوسه وعرفتي ههههههههههه الشخص ده بقي مش كدب عليا او اني حسيت بملل معاه او كان بيتحكم فيا لاء يا ادم الشخص ده جرحني اووي جرح كرامتي وكسر قلبي ،، انا مش هقولك اني حبيته واني كنت بموت فيه لاء هو كان عادي زيه زي غيره بس هو خاني يا ادم حسيت بمراره الخيانه علي ايده اسوء واقسي شعور ممكن حد يحس بيه هو الخيانه يا ادم حسيت وقتها اني بقيت وحشه اووي للدرجه اللي خليته انه يروح لواحده تانيه ويخوني معاها وقررت اني اسيبه بس بعد ايه بعد ما خسرت جمالي بسببه ولاول مره احس اني بنهار من جوايا اضعاف من اللي باين عليا من بره ولاقيت رجلي سايقاني ومودياني لبيت الست العجوزه وفضلت اخبط عليها كتير بس هي مفتحتش ليا يا ادم ولاقيت راجل جاي يقولي ان الست اللي كانت في البيت ده ماتت من عشرين سنه انت متخيل الصدمه اللي حصلتلي انا وقتها فكرت اني اتجننت وان كان بيتهياقلي حاجات مش حقيقه او ان الست دي بقي شبح ومش انسانه زينا وقتها حسيت اني في متاهه وعايزه اصرخ عايزه استنجد باي حد بس لما دورت ملقتش صحاب اكتشفت ان انا معنديش صحاب وانك كنت صاحبي الوحيد يا ادم بس افتكرت ان عندي اهل اينعم هما مش قريبين مني اوي بس هيفضلوا اهلي مهما حصل وهيقفوا جنبي في الموقف ده بس للاسف برده ملقتهومش يا ادم اتصلت بامي قالتلي ان اهل بابا اللي من بعيد دول حصلهم حاله وفاه وهما سافروا وسابوني هنا لوحدي انا مش بلومهم علي فكره علشان هما اكيد لو يعرفوا باللي حصلي كانوا اكيد هيفضلوا موجودين جنبي ،، بس انا وقتها حسيت اني هموت من كتر احساسي بالوحده واني مليش حد وفجأه لاقتني قدام بيتك معرفش جيت ازاي بس لاقتني قدام باب بيتك يا ادم كنت متردده اني ادخل ليك كنت خايفه لتقفل الباب في وشي وعلي فكره كان حقك انك تعمل اي حاجه معايا بعد اللي انا عملته فيك بس انا كتت هروح فين لو انت كنت قفلت الباب في وشي طب كنت هروح استنجد بمين بعد ما كل الناس سابتني يا ادم لو انت كنت عزلت او مردتش تقابلني كنت هعمل ايه يا ادم رد عليا..
رد عليها ادم وهو يمسح دموعها بحنان قائلا : انا عمري ما كنت هقفل بابي في وشك يا عهد عمري ما كنت هقدر اعمل كده حبي ليكي يمنعني من اني حتي افكر في فكره زي دي يا عهد ممكن تهدي بقي علشان اعرف أقولك رأيي في كل اللي حصلك ده
ردت عليه عهد وهي تحاول ان تتحكم في عيونها حتي تتوقف عن البكاء قائله : حاضر قول يا ادم رأيك انا سمعاك
رد عليها ادم بصوت حاني قائلا : انا عايز اقولك حاجتين يا عهد..
اول حاجه اني هقولك رأيي علي كل اللي حصلك ده بس من ورا لاقدام ،، عمر ما التخن كان بيخلي البنت وحشه يا عهد بالعكس ده بيزيد البنت جمال علي جمالها والبنت الحلوه يا عهد مبتبقاش حلوه بشكلها ولا بتخنها ورفعها بتبقي حلوه بروحها يا عهد بتبقي حلوه علشان جواها حلو يا عهد البنت الحلوه بتبقي فعلا حلوه لو هي اقتنعت انها احلي واحده علي الأرض وان مفيش اي حد احلي منها وانها حلوه كده زي ماهي بغض النظر شكلها اللي بره عامل ازاي بقي انتي كنتي حلوه وانتي رفيعه وفضلتي حلوه حتي بعد ما تخنتي شويه بس هو خانك علشان حس ان ثقتك بنفسك ابتدت تتهز ،، طول ما انتي شايفه نفسك حلوه يا عهد عمر ما حد هيشوفك وحشه بس في اللحظه اللي هتشكي بيها بنفسك وهتحسي انك وحشه وقتها بس هتلاقي كل الناس شيفاكي وحشه ،، الشخص ده خانك لانه هو خاين وهيفضل خاين طول عمره مهما كانت معاه ملكه جمال حتي وانتي المفروض تتبسطي ان ربنا كشفهولك علي حقيقته علطول قبل ما كنتوا تتجوزوا ويخونك وانتي مراته والموضوع كان هيبقي اصعب ،، بالنسبه بقي للشخص المشهور اللي حسيتي معاه بالملل ده وبرده الشخص اللي اتحكم فيكي اللي كان عنده علاقات كتير والشخص الغني اللي كدب عليكي وطلع متجوز اتنين دول كلهم مشفوش عهد من جوا كلهم شافوا عهد اللي بره وانجذبوا لجمالها وبس محدش شاف معدنها ولا شاف قلبها ولا شاف روحها هما بصوا علي الجمال وقرروا انهم ياخدوا الجمال ده ليهم وبس ،، وانتي بتقولي انك ندمانه انك شربتي الاربع كاسات وانك ياريتك ما كنتي دخلتي في الطريق ده ،، انا بقي مبسوط انك مريتي بكل التجارب دي يا عهد انتي عمرك ما كنتي فعلا هتكبري ولا شخصيتك هتطور ولا هتفهمي الدنيا وهتشوفيها علي حقيقتها غير لما تدخلي جواها وتشوفها الحاجات الوحشه فيها قبل الحاجات الحلوه اللي فيها عمر شخصيتك ما كانت هتبقي زي اللي انا شايفها قدامي دلوقتي غير لما تكوني عشتي كل التجارب دي بنفسك يا عهد انا مش هنكر انها كانت تجارب صعبه اوي عليكي وانك لسه صغيره علي انك تعيشي كل التجارب دي في الفتره الصغيره دي بس صدقيني انتي كنتي هتعيشي التجارب دي علي مدار حياتك بس انتي كنتي مستعجله شويه وكنتي عايزه تعشيها كلها مره واحده مكنتيش بتدي نفسك فرصه علشان تاخدي بريك وترتاحي من العلاقه اللي يتكوني لسه خارجه منها علشان كده جيتي في النهايه وانهارتي يا عهد طاقتك كلها خلصت ومبقاش عندك طاقه انك حتي تكملي حياتك القديمه تاني ،، بس صدقيني انتي لازم تبقي فخوره بنفسك لانك رفضتي انك تكملي مش شخص كداب وشخص متحكم وبيمد ايده عليكي وشخص حسيتي معاه بالفراغ وان وجوده زي عدمه وشخص خاين فيه بنات كتير اوي غيرك بتكمل وبتدفن نفسها مع شخص هي تستاهل غيره ،، كل علاقه انتي دخلتيها من الاربع علاقات دول خلت بقي عندك خبره في حاجات كتير وخلتك تشوفي الدنيا بمنظور مختلف وده عمره ما كان هيحصل لو انتي مكنتيش مريتي بالتجارب دي فاول حاجه تعمليها انتي تفتخري بنفسك انك مريتي بكل ده ولسه قادره تقفي علي رجلك حتي لو بنسبه صغيره تاني حاجه بقي تعمليها هو انك تزعلي وتدي الزعل حقه ولا تديله اقل من حقه ولا اكتر من حقه اديله حقه وبس علشان تقدري تبدئي من جديد وتبدئي بشخصيه جديده وبعهد جديده وصدقيني لما فتره الزعل تخلص وتبدئي من جديد هتنبهري بعهد الجديده اللي هتشوفيها ومش هتبقي مصدقه انك اتطورتي كده ولما تتجوزي وتخلفي هتعرفي ايه هي التربيه الصح اللي هتقدري منها تربي جيل ناضج وعاقل مش هوائي وعايز فلوس وشهره وخلاص
ردت عليه عهد بابتسامه رضا قائله : كل مره بتبهرني برأيك يا ادم كل مره بتقنعني برأيك يا ادم كل مره بتاكد ان فعلا انت كنت الشخص الصح اللي اروحله واخرج كل اللي جوايا قدامه من غير كسوف ومن غير حرج راجل غيرك كان مقدرش يستحمل فكره اني ارتبطت باربعه غيره لو راجل غيرك كان سمع مني اللي بقوله ده كان زمانه طردني بره بيته هههههههههههه
رد عليها ادم بنبره حب قائلا : لان مفيش راجل اتخلق حَب واحده زي ماانا حَبيتك ولا راجل هيتخلق هيدي حُب لواحده زي اللي انا ممكن اديهولك يا عهد وهو ده بقي الفرق اللي بيني وبين اي راجل تاني ،، انا بحبك كأنك صاحبتي وبحبك كأنك بنتي اللي لسه بنصحها وبحبك كأنك نصي التاني وشريكه حياتي ومعظم الرجاله اللي موجوده هتلاقيها بتحب من النوع الأخير وبس لو فيه راجل حب البنت بالتلت انواع دول يبقي هتلاقي زيي كتير
ردت عليه عهد بنبره حب قائله : وحتى لو عملوا زي ماانت ما بتقول يا ادم عمر  ما هيكونوا زيك يا ادم انت هتفضل الوحيد اللي كده يا ادم وعمري ما هقابل حد شبهك في ابسط حاجه حتي
رد عليها ادم بنظره عشق قائلا : وادم محتاج ان حواء تبقي جنبه علشان تكمله يا عهد
ردت عليه عهد بنظره حب قائله : حواء فضلت تايهه وسط الدنيا بتدور علي اللحظه اللي هتحس فيها بالتكامل وفشلت يا ادم ولقت نفسها اكتملت لما بقت جنبك وانت بقيت جنبها وقتها بس حست فعلا بطعم التكامل اللي فضلت تدور عليه في ناس كتير غلط مع انه كان قدام عنيها
رد عليها ادم وهو يمسك يديها برقه وبنظره عاشق قائلا : انا بحبك يا عهد
ردت عليه عهد بنظره حب قائله : وانا اكتشفت اني كنت بحبك ومن زمان اوي يا ادم بس كان فيه حاجات كتير اوي عمياني عن الحب ده
رد عليها ادم بصدمه قائلا : نعم انتي قولتي ايه ،، قولتي تاني كده والنبي انك بتحبيني
ردت عليه عهد بابتسامه كبيره قائله : بحبك والله بحبك
رد عليها ادم بنظره شوق قائلا : اخيرا نطقتيها اخيرا دبيتي فيا الروح من تاني يا عهد اخيرا (ثم اخذ يديها ووضعها علي قلبه) بوصي قلبي فرحان ازاي يا عهد حاسه بفرحته!! عارفه هو عمال يرقص من فرحته دلوقتي بسبب الكلمه اللي انتي قولتيها دي
ردت عليه عهد بابتسامه كبيره قائله : حاسه بيه يا ادم ،، انا عايزه اقولك حاجه مهمه اوي اوعي تفتكر يا ادم اني مش متأكده من مشاعري ليك او بقولك بحبك علشان انا لاقيتك جنبي في اكتر وقت كنت محتجالك فيه لاء يا ادم انا اكتشفت اني بحبك بجد طول الوقت اللي عدي ده
رد عليها ادم وهو يقبل يديها بحنان قائلا : انا لو شاكك في حبك ليا لحظه واحده بس يا عهد كنت هقولك فكري وعمري ما كنت هفرح كده يا عهد متنسيش اني الوحيد اللي بيعرفك من عنيكي من قبل ما تتكلمي والوحيد اللي بيحس بيكي وباللي جواكي من غير ما تشرحي وتفسري كتير واللمعه اللي شايفها في عينك دلوقتي تأكدلي احساسي ده مليون في الميه
ردت عليه عهد بابتسامه عذبه قائله : نعمه كبيره اوي لما يبقي في حياتي شخص بيحبني لدرجه انه يعرف اللي جوايا من قبل ما اتكلم احساس في منتهي الراحه يا ادم
رد عليها ادم بفكاهه قائلا : متتعوديش علي كده بقي ههههههههههه
ردت عليه عهد بابتسامه كبيره قائله : بقي كده طب اتصدق اني هفصل اللحظه الرومانسيه دي حالا اتفضل بقي قولي ايه الحاجه التانيه اللي كنت عايز تقولهالي
رد عليها ادم بابتسامه كبيره قائلا : يا نهاري عليكي مش بتنسي حاجه ابدا ههههههههههه
ردت عليه عهد بفكاهه قائله : اومال انت عايز تاخد كل حاجة لوحدك ولا ايه يالا اتفضل قوول حالا بالا ههههههههههههه
رد عليها ادم بابتسامه عذبه قائلا : خلاص متذقيش بس ههههههههه طيب نتكلم بجد بقي شويه تاني حاجه دي مينفعش اقولهالك دي لازم تشوفيها بعينك
ردت عليه عهد بتسأل قائله : اشوفها ازاي!!
رد عليها ادم بجديه وهو يمسك يديها برفق قائلا : تعالي معايا
ولان عهد تثق في ادم ثقه عمياء ذهبت معه واخذها الي الي غرفه مغلقه..
فقالت له عهد بتسأل : انت واخدني فين يا ادم!!
رد عليها ادم بجديه قائلا : هتعرفي دلوقتي
ثم بدء ادم في اصدار طرقات خفيفه علي باب الغرفه المغلق...
فجاء صوت سيده عجوز من الداخل تقول : ادخل يا ادم
وهنا امسك ادم يد عهد باحكام ثم فتح باب الغرفه بهدوء وكان يوجد بالداخل سيده عجوز نائمه علي السرير بكل هدوء...
وهنا قالت عهد بصدمه لادم : ادم الحق دي دي الست العجوزه اللي حكتلك عنها هو انا بس اللي شيفاها ولا انت كمان شايفها ادم رد عليا انت شايف اللي انا شيفاه
رد عليها ادم بنبره هادئه قائلا : اهدي يا عهد وتعالي معايا وانا هفهمك كل حاجة
ردت عليه عهد بصدمه قائله : لا انا مش هدخل دي شبح انا خايفه منها انا هروح
وهنا ردت عليها السيده العجوز بابتسامتها المعهوده قائله : ههههههههههه هتفضلي طول عمرك عيله وبتفهمي كل حاجه متأخر
ردت عليها عهد بتشتت قائله : هو انتي عايشه ازاي انتي مش ميته من عشرين سنه
ردت عليها السيده العجوز بابتسامه قائله : ميته من عشرين سنه ازاي وكنت معاكي من كام شهر
ردت عليها عهد بارتباك قائله : فيه راجل هناك قالي كده
ردت عليها السيده العجوز بابتسامه قائله : الراجل ده مكنش يعرف اني عايشه في البيت ده علشان كده قالك كده هو افتكرك بتسألي عن صاحبه البيت وصاحبه البيت ماتت فعلا من عشرين سنه
ردت عليها عهد بارتباك قائله : طب ولو انتي مش صاحبه البيت يبقي انتي مين وازاي جيتي هنا وليه مشيتي من هناك
رد عليها ادم بنبره هادئه قائلا : تعالي نقعد يا عهد وانا هفهمك كل حاجه
وبالفعل ذهبت معه عهد وهي في صدمه شديده وعقلها غير مستوعب لما يحدث من حولها...
وبالفعل جلسوا هما الاثنين علي اريكه بجانب سرير السيده العجوز...
فقال ادم للسيده العجوز بهدوء : هتحكلها يا تاتا ولا احكلها انا
ردت عليه عهد بصدمه قائله : تاتا!!!!!
فردت السيده العجوز عليه بابتسامه قائله : لا هحكلها انا يا ادم ،، جاهزه تسمعي الحقيقه كامله يا عهد ولا لسه عيله ومش هتفهمي
ردت عليها عهد بصدمه قائله : ها لا جاهزه انا سمعاكي اهو
ردت عليها السيده العجوز بابتسامه عذبه قائله : بوصي يا بنتي انا هحكي بس متقاطعيش كلامي مفهوم
ردت عليها عهد بانصات قائله : ها حاضر
ردت عليها السيده العجوز بنبره جاده قائله : ادم ده يبقي حفيدي جه من حوالي سنه وكان متشتت ومش عارف يفكر جه قالي انه بيحب واحده اوي وانه عرض عليها الجواز وانها وفقت بس هو حاسس انها وافقت وهي مجبوره وانها مش عايزاه زي ما هو عايزها وانه حكالي عن البنت دي كل حاجة فكنت لازم اعملكوا اختبار انتوا الاتنين علشان ادم يتأكد انك عايزه أحلامك أكتر منه وعلشان انتي تعرفي تختاري وتشوفي انتي عايزه ايه بالظبط وبعدها جتلك وحطيت احلامك في كفه وادم اللي بيحبك وهيصونك في كفه وانتي طبعا عارفه كفه مين اللي كسبت وقتها انا كرهتك لان حفيدي بسببك عاش اسوء ايام حياته وانا تعبت معاه اوي علي ما قدرت اني اخليه يضحك من تاني بس هو علشان بيحبك اوي صمم اني افضل في حياتك علي الاقل علشان ابقي جنبك واحاول اوجهك للطريق الصح بس انتي كنتي غبيه واختارتي دائما الغلط وادم كان في لحظه فاتت جنبك بس من بعيد لبعيد
وهنا ردت عليها عهد بصدمه كبيره وصوت مرتفع قائله : انتي بتقولي ايه!! انا حياتي اتحولت لجحيم بسببك انتي كنتي السبب في اني اقابل كل الناس اللي قبلتها دي الكاسات اللي شربتها من ايديكي هي اللي خلتني اقابل ناس معملتش حاجه غير انها اذتني وبس
ردت عليها السيده العجوز بهدوء قائله : الكاسات اللي كنتي بتشربيها دي كانت عصير عنب عادي جدا مكنش فيها اي حاجه مش طبيعيه أنتي اللي عملتي في نفسك كده يا عهد ولا انا ولا ادم ولا الكاسات انتي اللي كنتي بتبقي مركزه علي هدف معين فعلشان كده كنتي بتوصليله الناس دي كنتي هتقبليها يا عهد يعني هتقلبيها لان ده قدر ومكتوب بس الفرق بقي انتي علشان كنتي مركزه علي نقطه معينه فاول ما كنتي بتشوفيها كنتي بتجري عليها وكنتي بتمسكي فيها بايدك وسنانك ومكنتيش بتسبيها غير لما بتأذيكي واللي حصلك ده كان هيحصلك بوجودي او بعدمه لاني زي ما قولت ده قدرك بس انتي لو مكنش في دماغك وقتها الهدف ده كان الشخص ده هيعدي زي ما جه ومكنتيش هتقربي منه ولا كان كل ده هيحصلك
ردت عليها عهد وهي تحاول ان تستوعب حديثها قائله : طب ازاي انتي كنتي بتبقي عارفه كل اللي هيحصلي
ردت عليها السيده العجوز بابتسامه قائله : استغفر الله يا بنتي هو انا برده هعرف المستقبل مخبي ايه انا كنت بحذرك مش اكتر وبعدين متنسيش اني كبيره وشوفت أشكال وألوان من الناس وخبرتي فيهم قد عدد شعر رأسك فكنت ببقي حاسه بالعيوب اللي ممكن تقابليها علشان كده كنت بحذرك وبرده أوعى تنسي ان احلامك دي كانت قشره وسطحيه وكانت مبنيه علي اساس ضعيف علشان كده كان لازم يجي عليها وقت وتقع
ردت عليها عهد بدموع قائله : طب ليه مقولتليش الحقيقه من الاول
ردت عليها السيده العجوز بنبره حكيمه قائله : لانك مكنتيش هتفهميها غير لما تمري بالتجارب اللي انتي اختارتي انك تجربيها تجربه تجربه
ردت عليها عهد بدموع قائله : طب ليه سبتيني ومشيتي قبل ما تفهميني
ردت عليها السيده العجوز بابتسامه قائله : لان كان وقتي خلص وكان جه وقت ادم
ردت عليها عهد بارتباك قائله : طب وعرفتي منين اني كنت هروح تاني لادم
ردت عليها السيده العجوز بابتسامه قائله : لان ببساطه انتوا الاتنين عاملين زي قطبان المغناطيس ملكوش غير بعض مهما بعدتوا وافترقتوا هيجي عليكوا وقت وهتلاقي الدنيا جمعتكوا من تاني
ردت عليها عهد بدموع قائله : انا اتعلمت درس عمري علي ايدك شكرا لانك كنتي السبب اللي خلاني افتح علي حاجات مكنتش بشوفها شكرا لانك كنتي السبب اللي خلاني اعرف افرق بين الصح والغلط شكرا لانك كنتي السبب اللي خلاني يبقي عندي خبره كبيره اوي في الحياه في وقت صغير شكرا لانك حاولتي تنقذيني من نفسي بس انا اللي مسمعتش كلامك شكرا علي كل حاجة عملتوها ليا وعلي كل حاجة بتعملوها ليا علشان ابقي بنت كويسه وناضجه وقادره تختار بجد
ردت عليها السيده العجوز بابتسامه قائله : الشكر بتاعك الحقيقي هيوصلي لو انتي فعلا عرفتي تختاري الصح اللي فيه مصلحه ليكي يا بنتي
ردت عليها عهد بابتسامه وهي تمسح دموعها قائله : اطمني انا دلوقتي فعلا بقيت عارفه انا عايزه ايه وايه الاختيار الصح ليا (ثم وجهت حديثها لادم وقالت له) ادم انت عرضت عليا انك تتجوزني من حوالي سنه وانا وقتها قبلت وبعدها رفضت لاني كنت متشتته في المرتين ومكنتش عارفه بجد انا عايزه ايه بس دلوقتي انا بقولك يا ادم اني اخيرا عرفت انا عايزه ايه انا موافقه يا ادم
رد عليها ادم بصدمه قائلا : معلش ثانيه بس موافقه علي ايه بالظبط!!
ردت عليه عهد بخجل وابتسامه رقيقه قائله : موافقه اني اتجوزك موافقه اني اعيش مع اكتر شخص بيحبني في الدنيا وموافقه اني اعيش مع الشخص الوحيد اللي حبيته في الدنيا
ردت عليه ادم بنظره عشق وصدمه كبيره قائلا : هو اللي سمعته ده صح ولا انا سمعت غلط ولا انا بحلم ولا ايه الحكايه بالظبط
ردت عليه عهد بابتسامه عذبه قائله : انا بحبك يا ادم وعمري ما هسيبك تاني
رد عليها ادم بقلب ملئ بالحب والعشق قائلا : وانا بموت فيكي يا حياتي كلها
وفي نفس اللحظه اتجه ادم الي الدولاب واخرج منه علبه قطيفه حمراء اللون ثم اتجه الي عهد وفتح العلبه امامها...
نظرت عهد بصدمه الي داخل العلبه ووجدت خاتم به خرزه الماس كبيره الحجم...
فقالت عهد له بصدمه : ايه يا ادم الخاتم الكبير ده انا اتغيرت علي فكره
رد عليها ادم بابتسامه عاشقه قائلا : الخاتم ده كبير شويتين علشان مناسبتين المناسبه الاولي ان ده الخاتم اللي كان نفسك انك تتخطبي بيه وانا وعدتك ان عمرك ما هيبقي في نفسك حاجه ومش هحققهالك
ردت عليه عهد بخجل قائله : طب وايه المناسبه التانيه
رد عليها ادم بابتسامه عذبه قائلا : المناسبه التانيه يا ستي ان انهارده عيد ميلادك فكل سنه وانتي طيبه وعقبال مليون سنه وانتي منوره حياتي يا عهد
ردت عليه عهد بابتسامه ممزوجه بصدمه قائله : اييه انهارده عيد ميلادي!! اتصدق انا كنت نسيته خالص هههههههههههه لو حد كان قالي ان في سنه واحده هيحصلي كل ده واني هتغير كل ده عمري ما كنت هصدقه
رد عليها ادم بابتسامه عذبه قائلا : المهم انتي مبسوطه يا حبيبتي!!
ردت عليه عهد بابتسامه كبيره قائله : السنه اللي فاتت كنت عامله فيه عيد ميلاد كبير وكان فيه ناس كتير اوي معايا بس عمري ما حسيت بربع السعاده اللي حاسه بيها دلوقتي يا ادم
وهنا قطعت حديثهم السيده العجوز قائله : خلوا بالكوا من بعض يا ولاد ،، خدي يا عهد الظرف ده
ردت عليها عهد بابتسامه وهي تاخذ منها الظرف قائله : ظرف ايه ده يا تاتا
ردت عليها السيده العجوز بابتسامه قائله : الظرف ده جواه الوصيه بتاعتي عايزاكوا تقرئوها وانتوا واقفين علي قبري سوا
رد عليها ادم سريعا وهو يقبل يديها : بعد الشر عليكي يا تاتا ربنا يديكي طوله العمر
ردت عليه السيده العجوز بابتسامه قائله : كلنا هنموت يا ادم بس اوعدوني بكده يا ولاد
رد عليها كلا من ادم وعهد في نفس واحد : حاضر يا تاتا
في مكان اخر تحديدا بالمدرج...
قالت دهب بابتسامه عذبه وفي عينيها دمعه معلقه : التكامل اللي عهد فضلت تدور عليه طول عمرها لاقته ما ادم ،، عهد عمرها ما كانت هتقابل شخص مثالي او متكامل من كل حاجه لان الكمال لله وحده بس اللي عهد اكتشفته بعدين انها حست بالتكامل الحقيقي مع ادم...
ربنا لما جه يخلق الكون مخلقش السماء من غير الارض ولا خلق المايه من غير النار ولا خلق الجنه من غير النار ولا خلق الخير من غير الشر وفي نفس التوقيت مخلقش ادم من غير حواء ولا خلق حواء من غير ادم...
ربنا سبحانه وتعالى عارف ان ادم هيفضل طول عمره حاسس بالنقص وان اللي هيكمله فعلا وهيخلي الصوره متكامله هو وجود حواء جانبه وبالمثل حواء...
علشان كده خليكوا متأكدين ان ادم هيفضل طول عمره محتاج حواء اللي هتكمله وحواء هتفضل طول عمرها بتدور علي ادم اللي هيكمل معاها الصوره ،، الصوره مينفعش تبقي بوجود ادم وبس او بوجود حواء وبس دائما هيبقي فيها حاجه ناقصه...
في بدايه المحاضره قولتلكوا لو عايزين تعرفوا امتي توصلوا لمرحله التكامل استنوا لاخر المحاضره ووقتها بس هتعرفوا ايه هو السر اللي هيخليكوا توصلوا لمرحله التكامل ،، انت تقدر توصل للمرحله دي لو فعلا لاقيت شريك حياتك ونصك التاني اللي هيكمل ليك الصوره وقتها بس هتحس بالتكامل من المشاعر ومن الجوانب الماديه لو عايز توصل للمرحله دي يبقي لازم تدور علي الشخص الصح اللي يستاهل انه يكون شريك حياتك يبقي لازم تدور علي نصك التاني اللي هيجمل صورتكوا مش هيشوه الصوره دي...
واخر حاجه عايزه اختم بيها كلامي عن التكامل..
"الحاله الوحيده اللي هيتحقق فيها التكامل هو اول ما ادم يلاقي حواء اللي هيفضل يدور عليها طول عمره وقتها بس اقدر اقولكوا انكوا فعلا وصلتوا لمعني التكامل اللي فاقدينه ومش هتعرفوا توصلوا ليه لوحدكوا التكامل هو عامل بالظبط زي السماء والأرض انت السماء ولازم تلاقي حواء لانها هتكون ارضك وبكده هيكون الكوكب بتاعكوا اكتمل ووقتها بس الصوره هتكون اكتملت"
وبكده اكون رديت علي السؤال اللي شغل معظمكوا وهو ازاي توصلوا لمرحله التكامل وفي نفس الوقت هكون جاوبت علي اللي سال ان ازاي البنت هتشرب كاس وهتقابل شخص وان دي قصه خياله واخر حاجه بقي هكون انتهيت من محاضره انهارده واكون قولتلكوا فيها رسالتي اللي خلتني احصل علي درجه الامتياز مع مرتبه الشرف ،، في اخر المحاضره بقي حد عنده اي سؤال
رد عليها احد الطلاب قائلا : اخر سؤال يا دكتور انتي ليه سمتي الرساله بتاعت حضرتك باسم چهار
ردت عليه دهب بابتسامه هادئه قائله : في اول المحاضره قولتلكوا ان رقم اربعه هو اكتر رقم بيدل علي التكامل وقولتلكوا ليه چهار بقي معناه رقم اربعه باللغه الفارسية وانا رسالتي بتتكلم عن التكامل علشان كده كنت لازم اجيب اسم جواه معني التكامل...
وبعدما انتهت دهب من جملتها الاخيره وجدت جميع طلابها وقفوا لها وصفقوا لها تصفيق حار فنعم هذا اقل شيء تستحقه دهب بعد هذه المحاضره الرائعه...
نظرت لهم دهب بفرحه شديده ثم قالت لهم : شكرا جدا يا ولاد بس اتمني تكونوا استفدتوا من المحاضره وتكونوا فهمتوا كل كلمه قولتها واتمني متقعهوش في نفس اخطاء عهد
رد عليها احد الطلاب قائلا : اكتر محاضره استفدت منها واكتر محاضره هستفاد منها في حياتي كلها شكرا للتنسيق اللي جبني هنا وخلاني احضر المحاضره دي لحضرتك يا دكتور
ردت عليه عهد بابتسامه كبيره قائله : هههههههههههه بالتوفيق يا ولاد مع السلامه وانتظروا المحاضره اللي جايه لاني متاكده انكوا هتستفيدوا منها اوي برده
وبعدها غادرت دهب المدرج مع شخص ظل مُنصت لها بحب طوال المحاضره.. 
فقال لها اياد وهو يقبل يديها : انا فخور بيكي اوي يا حبيبتي بجد ابدعتي في المحاضره
ردت عليه دهب بخجل قائله : اياد انت بتعمل ايه احنا في الكليه الناس هتشوفنا ههههههههههههه
رد عليها اياد بنظره عشق قائلا : اللي يشوفنا يشوفنا مراتي وابوس ايديها براحتي عندك مانع
ردت عليه دهب بابتسامه حب قائله : هههههههههه لا معنديش مانع بس قولي بجد المحاضره عجبتك!!
رد عليها اياد بنبره حانيه قائلا : يارتني كنت معاكي وانتي بتقوليها ساعه رسالتك وكنت شوفت اد ايه الناس فخوره بيكي ،، بجد انتي ابدعتي يا دهب عمري ما كنت اتخيل انك ممكن تعملي محاضره بالجمال ده ولا تكتبي رساله بالروعه دي
ردت عليه دهب بابتسامه كبيره قائله : شكرا يا حبيبي ربنا يخليك ليا
رد عليها اياد بتسأل قائلا : بس قوليلي بقي هو انا كنت شرير اوي كده زي عهد يا دهب
ردت عليه دهب بابتسامه حب قائله : عهد مكنتش شريره هي بس مكنتش فاهمه الدنيا
رد عليها اياد بضحك قائلا : احم شكرا علي الاحراج هههههههههههه صدقيني انا ندمان علي كل اللي عملته فيكي زمان بس دهب هما ازاي مقدروش يربطوا الاحداث ويعرفوا انك انتي كنتي ادم يعني كان فيه حاجات كتير متشابهه بينكوا زي انكوا انتوا الاتنين بتفهموا الناس من قبل ما يتكلموا وزي مثلا الجمله اللي ادم قالها لعهد زمان بتاعت لما متكونيش عارفه تتخذي قرار او تتكلمي غمضي عنيكي وخدي نفس عميق وبعدها خدي القرار اللي عايزاه او احكي براحتك وانتي في بدايه المحاضره قولتي لبنت كانت مكسوفه انها تتكلم انها تغمض عينيها وتاخد نفس عميق وتبدء تحكي وزي حاجات تانيه كتيره اوي كانت مشتركه بينكوا
ردت عليه دهب بابتسامه عذبه قائله : لانهم متعمقوش في تفاصيل الحكايه بكميه كبيره زي ما قولت ليهم في البدايه
رد عليها اياد بنظره حب قائلا : طب ادم لسه زعلان من عهد او انتي يا دهب لسه زعلانه مني
ردت عليه دهب وهي تمسك يده بحنان قائله : ادم عمره ما زعل من عهد زي بالظبط ماانا عمري ما هقدر ازعل منك يا اياد
رد عليها اياد بنظره ملئيه بالعشق الصادق قائلا : طب ايه رايك بقي لو روحنا زورنا تاتا
ردت عليه دهب بابتسامه كبيره قائله : ياريت يا اياد لحسن انا نفسي اشوفها اوي
رد عليها اياد بابتسامه عذبه قائلا : تمام يالا بينا يا حبيبتي بس الأول هنجيب بنتك الشقيه دي من عند ماما
ردت عليه دهب بضحكه كبيره قائله : ههههههههه ماشي علي اساس انها مثلا بنتي لوحدي مش بنتك انت كمان وبعدين هتكون طالعه شقيه لمين غيرك يا حبيبي هههههههههه
رد عليها اياد بابتسامة قائلا : احم بتحرجيني تاني ماشي يا ستي ههههههههههه
وبعد مرور وقت ليس بكثير كان اياد ودهب وطفلتهم الصغيره التي لا يتعدي عمرها ال4 اعوام في مكان هادئ جدا يخاف منه بعض الناس والبعض الاخر يرتاح به...
فقال اياد وهو امام قبر جده دهب وهو يحمل ابنته علي يده : ازيك يا تاتا عامله ايه حشتيني اوي علي فكره انا المره دي جبتلك معايا البنت المفعوصه دي اللي مجناني انا ومامتها شكلها طالعه شقيه لبابها للاسف هههههههههه بس اطمني انا عارف ازاي اربيها احسن تربيه بفضلك يا تاتا
ردت عليه دهب بابتسامه صغيره قائله : خد يا حبيبي اقرء الوصيه بتاعتها في وجودنا احنا التلاته هي اكيد هتبقي فرحانه اوي
رد عليها اياد وهو ياخذ الوصيه من يد دهب : حاضر يا حبيبتي
ثم بدء في قراءه الوصيه قائلا..
"مدام بتقرء الوصيه دي دلوقتي يا اياد يبقي حكم الله نفذ وانا بقيت تحت التراب وروحت للرحمان الرحيم اقرء كلامي بتركيز يا اياد لازم تعرف ان الحياه عباره فرصه هتعشها في وقت معين بس خليك فاكر كويس اوي ان لو الفرصه دي ضاعت عمرك ما هتقدر تجبها تاني ولو الوقت ده انتهي عمرك ما هتقدر ترجعه فعلشان كده لازم تستغل كل لحظه وكل دقيقه في حياتكوا ولازم تمسكوا في اي فرصه تجلكوا ودهب هي فرصتك اللي النصيب حطهالك في طريقك ولو ضايعتها عمرك ما هتعرف ترجعها تاني دهب يا ابني ملهاش غيرك هي مش بس بتحبك لاء دي بتعشقك وانا متاكده ان انت برده بتعشقها وبتحبها اوي خاف عليها وصونها واحميها يا اياد واوعوا في يوم تناموا وانتوا زعلانين من بعض يا بني ازعلوا واتخانقوا براحتكوا بس لازم تصالحها قبل ما تناموا محدش ضامن عمره يا بني وخليك دائما فاكر جملتي انتوا قطبان مغناطيس مهما اتغربتوا وبعدتوا عن بعض هتلاقوا الدنيا في الأخر بتخليكوا تقابلوا بعض من تاني حبوا بعض واستمتعوا بحياتكوا وحققوا احلامكوا سوا وطول ماانتوا مع بعض هتفضلوا مكتاملين انما لو في يوم بعدتوا عن بعض يبقي وقتها هتحسوا بالنقص يا بني والكوكب عمر ما هيكتمل من غير الارض الصلبه يا بني خلوا بالكوا من نفسكوا يا اياد هتوحشوني اوي يا حبيبي...
              جدتكم / چهار
وهنا قاطعت حديثه طفلته الصغيره قائله بنبره طفوليه : بابي يالا نقرء لتاتا الفاتحه
رد عليها اياد وهو يمسح دمعه هاربه منه قائلا : حاضر يا چهار يالا نقرء ليها الفاتحه كلنا
وبالفعل قرء كلا من اياد ودهب وطفلتهم الصغيره چهار الفاتحه لجدتهم وبعدها ذهبوا الي منزلهم لكي يكملوا رسالتهم في الحياه...

             " تمت بحمد الله "
            بقلم / نورهان الزناتي

......................................................................

الأعمال السابقة للكاتبة  "نورهان الزناتي" :-
1/ الجنون بداية العشق.
2/ الحب الميري.