أنت تقرأ

Little Nine | ဘာသာပြန် [Completed]

أدب تاريخي

Xiao Jiu (小九) by Xu Ban Xian (许半仙) ရှောင်ကျိုသည် မင်းသားကိုးပါးထဲတွင်အငယ်ဆုံးဖြစ်သော်ငြား ပါရမီအရှိဆုံးဖြစ်ပေသည်။ သို့ပေမယ့် သူ၏ဦးနှောက်အလုံးစုံကို ယန်တာ့ရန်နှင့်နီးစပ်ရန်ကြိုးပမ်းမှု၌သာ အသုံးချလေသည်။ ယန်တာ့ရန်ဆိုသည်မှာ အေးစက်ပြီးအဖက်မလုပ်တတ်သောသူတစ...

#cutestory #drama #historical #olderloveinterests #unrequitedlove #yaoi

Chapter 18 (U)

9.8K 1.5K 67

بواسطة Nancy_Henituse

بقلم Nancy_Henituse

61.

ရိဝမ်အိမ်တော်နှင့် နံရံတစ်ချပ်သာခြားကာ ယန်တာ့ရန် အိမ်အသစ်တစ်လုံးဝယ်ခဲ့သည်။ ညနေပိုင်းတွင် အိမ်တော်မှလူအားလုံးအိမ်မောကျသွားသည့်အခါ အရပ်ရှည်ရှည်လူတစ်ဦး တိတ်တဆိတ် နံရံမှကျော်တက်ကာ ခြံနောက်ဖေးသို့ဆင်းလာ၏။

ယန်တာ့ရန် ကိုယ်ပေါ်မှ ဖုန်အချို့ကိုခါလိုက်ပြီး မျက်ခုံးမှာ တွန့်ချိုးနေသည်။ ရိဝမ်အိမ်တော်မှ အစောင့်တွေ အတော်ပေါ့လျော့တာပဲ။ နောက်ဆို ရှောင်ဝမ်ရယ့်ကိုသတိပေးအုံးမှပါ။

ယန်တာ့ရန် ရှောင်ဝမ်ရယ့်အိပ်ခန်းဆောင်သို့ ပြတင်းပေါက်မှတဆင့် အလွယ်တကူဝင်လိုက်သည်။ အခန်းထဲတွင် အကြောအခြင်ပြေကာ နှစ်နှစ်ခြိုက်ခြိုက်အိပ်ပျော်စေမည့် အမွှေးတိုင်ထွန်းထား၏။ ချောင်ချောင်မှ ညပိုင်းတွင်အအေးဓာတ်ကဲသောကြောင့် ရှောင်ဝမ်ရယ်အိပ်မပျော်မည်စိုးရိမ်ကာ အမွှေးရနံဖြင့် ရှောင်ဝမ်ရယ်အိပ်ပျော်စေရန်ထားထားခြင်းပင်။

ယန်တာ့ရန် ခုတင်ဘေးသွားကာ ခုတင်စောင်းတွင်ထိုင်လိုက်၏။ သူရှောင်ဝမ်ရယ်အိပ်ပျော်နေသော မျက်နှာလေးကိုသာ ငေးကြည့်နေကာ မနက်ခင်းအလင်းရောင်လာမှသာ ပြန်ခဲ့၏။

ညစဥ်ညတိုင်း ယန်တာ့ရန် ရှောင်ဝမ်ရယ့်အခန်းသို့သွားခဲ့သည်။

ရှောင်ဝမ်ရယ်မှာ နှစ်နှစ်ခြိုက်ခြိုက်အိပ်မပျော်၊ တခါတရံ ခုတင်ကိုကျောက်ကန်ကာ တခါတရံ ခပ်တိုးတိုးရှိုက်ငိုတတ်သည်။

ယန်တာ့ရန်အနားကပ်ကာနားထောင်ကြည့်ရာ စကားသုံးလုံးကိုသာကြားရ၏: ယန်ကောကော...

ယန်တာ့ရန်နှလုံးသားတစ်ခုလုံးတင်းကြပ်သွား၏။ သူရှောင်ဝမ်ရယ့်စောင်ကိုအသာမ,ကာ နံဘေးတွင်ဝင်လှဲပြီး တင်းကျပ်စွာဖက်ထားလိုက်သည်။

နောက်ပိုင်း ချောင်ချောင်အခန်းရှင်းသည့်အခါ အမွှေးတိုင်မှာ အရင်ကတည်းကကုန်နေပြီကို တွေ့လိုက်ရ၏။ ချောင်ချောင်လည်း ဝမ်းသာသွားသည် "ရှောင်ဝမ်ရယ် ဒီကရာသီဥတုနဲ့ အသားကျသွားပြီးထင်တယ်။ အမွှေးတိုင်မပါပဲနဲ့တောင် ကောင်းကောင်းအိပ်ပျော်နေပြီပဲ"

Little Nine | ဘာသာပြန် [Completed]

Chapter 18 (U)

قصص مُروَّجة

قد يعجبك أيضاً