Little Nine | ဘာသာပြန် [Completed]

Chapter 22 (U)

Warning ⚠️ NSFW Alert !!! Read at your own risk !

76.

အိမ်တော်အပြင်ဘက်တွင် မီးရှူးမီးပန်းလွှတ်နေကြသော်လည်း အိမ်တော်သခင်မှာ အားလုံးရဲ့မျက်စိအောက်မှ တိတ်တဆိတ်ပျောက်ကွယ်သွား၏။

ရှောင်ဝမ်ရယ် ယန်တာ့ရန်၏လည်တိုင်ကိုသိုင်းဖက်ကာ တွဲလဲခိုလျက် အခန်းထဲသို့လိုက်ပါလာသည်။ ယန်တာ့ရန်သူ့ကို တံခါးတွင်ဖိကပ်ကာ မွတ်သိပ်စွာနမ်းရှိုက်လိုက်၏။

ယန်တာ့ရန် ရှောင်ဝမ်ရယ်၏ နူးညံအိစက်နေသော ပန်းနုရောင်နှုတ်ခမ်းသားလေးကို လွှတ်မပေးပဲ စုပ်လိုက်ကိုက်လိုက် အငမ်းမရနမ်းနေသည်။

ရှောင်ဝမ်ရယ် နင့်နင့်နဲနဲနမ်းရှိုက်ခံနေရကာ သူ့အမည်ကိုပင်သူမမှတ်မိနိုင်တော့။ ရင်ခုန်သံများ အဆုံးအစွန်နှုန်းဖြင့်ခုတ်မောင်းနေပြီး ခြေ​ချောင်းများကိုကွေးကာ ယန်တာ့ရန်ကို မြဲမြံစွာချိတ်တွယ်လိုက်သည်။ ထို့နောက် တုန်ယင်စွာ ယန်တာ့ရန်၏ နှုတ်ခမ်းထောင့်နားကိုလျှာဖြင့်လျက်လိုက်၏။

ယန်တာ့ရန်မှာ အသက်ပြင်းပြင်းရှုရင်း လိုက်ဖိုနေသည်။ သူ၏ခန္ဓာကိုယ်တစ်စိတ်တစ်ပိုင်းမှ ဆန္ဒပြလာသောအခါ သူရှောင်ဝမ့်ရယ့်ကို အလန့်တကြားတွန်းဖယ်လိုက်သည်။

နှုတ်ခမ်းများခွာလိုက်သည်နှင့် ငွေရောင်အမျှင်တန်းလေး နှုတ်ခမ်းစွန်းမှစီးကျလာသည်။ ယန်တာ့ရန်ဆက်ပြီးမကြည့်ရဲ၊ ကြည့်လိုက်လျှင် သူသားရိုင်းတစ်ကောင်လို ကြမ်းရမ်းမိတော့မည်။ သူမျက်လုံးများမှိတ်လိုက်ကာ အသက်ရှုသံကိုပုံမှန်ပြန်ဖစ်အောင်ထိန်းလိုက်သည်။

သို့သော် ရှောင်ဝမ်ရယ်မှာ တွန်းထုတ်ခံလိုက်ရသည်အထိဘာဖြစ်နေမှန်းမရိပ်မိခဲ့။ ရှောင်ဖယ်ခံလိုက်ရသည်ဟုတွေးပြီး စိတ်အလိုမကျနှုတ်ခမ်းစူလိုက်ရင်း "ကျွန်တော်နမ်းချင်သေးတယ်"

ယန်တာ့ရန်၏ အောက်ပိုင်းမှာ တင်းကျပ်နေသည်။။အသက်ရှုသံများလည်း ပိုပြင်းထန်လာပြီး မျက်လုံးများပြန်ဖွင့်လိုက်သောအခါ မျက်အိမ်အလွှာထဲတွင် တဏှာရာဂ၏အန္တရာယ်အငွေ့အသက်တို့ဖြင့် မှိုင်းဝေ့နေ၏။ ရှောင်ဝမ်ရယ့်ကို အခန်းထဲပွေ့ချီသွားကာ သစ်သားခုတင်ထက်ပစ်ချလိုက်သည်။