رفيقي إلى الجنة

مناجاة

"البارت الثالث"
إستيقظت رقيه من نومها فوجدت مريم تنقل جميع أغراضها بغرفة رقيه
رقيه بنوم وهى تمسك رأسها من كثرة الصداع أثر المهدئات المستمره: بتعملى إيه يامريم!؟
مريم: بنقل هدومى وحاجتى هنا
رقيه: ليه!؟
مريم بتنهيده: عشان مش هسيبك تقعدى لوحدك تانى وهفضل جنبك ع طول.
قفزت رقيه من مكانها وحضنت مريم بشده: ربنا يخليكى ليا يا روما فعلا  محدش بيحس بوجعى غيرك
مريم بإبتسامه: أنت أختى وحببتى ثم اكملت حديثها بجديه: إقعدى يا رقيه عاوزه أتكلم معاكى ف موضوع
رقيه وقد جلست: خير يا مريم
مريم بجديه: بصى يا رقيه أنت لازم تروحى لدكتور نفسى وأرجوكى إسمعينى للاخر وبدون مقاطعه.. أولا يا رقيه أنت بقالك شهر ع الحال ده نوم طول الوقت وأما تصحى تبقا دماغك مصدعه ويادوب نص ساعه وتاخدى المهدئ وتنامى كده غلط يا رقيه ولازم تفوقى قبل الدراسه لأنك كده هتضيعى مستقبلك وأنا مش هسمح للمهزله دى إنها تحصل ولا حتى أحمد وهو قالك كده ف لازم تقومى وتقوى عشان تفرحى قلبى أنا وهو ياحبيبتى
رقيه: أنا فعلا مش عاجبنى حالى لكن مش لدرجة إنى أروح لدكتور نفسى وبعدين أنا لو وافقت تفتكرى ماما وبابا هيوافقوا وإلا هيخافوا ع نفسهم م الفضيحه
مريم بحزن ع حال أختها: مهو ده إلل حصل فعلا
*وقصت عليها ماحدث مع والدتها*
رقيه جلست تبكى بشده من معاملة والديها لها ولأختها منذ الصغر فوالدها دائمًا مهتم بالعمل ووالدتها مهتمه بعمليات التجميل وعملها فى ال"Beauty centre"الخاص بها ولا يهتموا بأولادهم
مريم بحنان: خلاص يارقيه أنا معاكى وأنت طول عمرك قويه ومفيش حاجه بتهزك يبقا لازم تثبتيلى كده وعمرك ما هما بيأثروا فيكى عمايلهم ولا قلة اهتمامهم هما إلل إختاروا وإحنا بنعمل إلل علينا وبس
   وظلت مريم تقنع رقيه حتى إقتنعت وبعدها غطوا فى نوم عميق وهم ع إتفاق ب أن رقيه ستذهب غدًا إلى الدكتوره
إستيقظت رقيه من نومها ع صوت أذان الفجر فقامت تتوضأ لكى تقف بين يدي الله وكانت أول مره منذ أعوام طويله تسجد رقيه لربها لأن لم أحد يعلمها الصلاه سوا الداده الخاصه بها هى وأختها وهى تعاملهم ك بناتها وتحن عليهم حنان الأم التى يفقدونه وتدعى الداده أمل
ملحوظه* داده أمل تعمل فى منزل الدسوقى من أعوام طويله ولديها ولدين كمال فى الفرقه الرابعه بكلية هندسه وإيهاب ظابط فى الشرطه
_____________
جلست رقيه تبكى بشده وهى تصلى وتحدث الله بكل ما بداخلها فى سجودها لأنها تعلم إن «أقرب ما يكون العبد لربه وهو ساجد» حتى إنتهت من صلاتها فشعرت ولأول مره منذ ما تركها أحمد بالراحه والهدوء والطمأنينه وإستشعرت كل ما كان يقوله أحمد لها عن لذة الصلاه ثم ظلت تقرأ فى كتاب الله حتى شرقت الشمس وإستيقظ الجميع
______________
فى غرفة أحمد
موبايل أحمد يرن
أحمد بنوم: السلام عليكم
محمود: وعليكم السلام..إيه ياعم كل ده تاخير إنزل يالا
إنتفض أحمد وتذكر الموعد المسبق مع أصدقاء عمره محمود وكمال
أحمد: معلش يامحمود والله راحت عليا نومه
محمود: طب إخلص يالا عشان هنتاخر ع الانترفيو لحسن كده مش هنتقبل ف الشغل هعدى ع كمال وأجيلك
أحمد: خلاص عشر دقايق وهكون أدامك مفكرتنيش إمبارح ليه يابنى وأنا بكلمك
محمود: فوق كده ع الصبح أنت إمبارح كنت فاكر عادى أنت إنهارده صحيت متأخر وبس إفهم بقا الله يخربيتك هتفضحنا
أحمد بضحك: حاضر حاضر هخلص ونازل عشر دقايق بالظبط... صليت الضحى؟
محمود بإحراج: الصراحه لا
أحمد: طب يالا صليه ع ما أجى
محمود: طيب مع السلامه
أحمد قام من مكانه وذهب ليتوضأ لأداء فريضة الضحى وبعدها بدل ملابسه وفطر وذهب لمقابلة محمود ليذهبوا للمقابله التى تم تحديدها فى أحد الشركات الكبرى من قبل
________
يتبع...
#Menna_El_Deeb