رفيقي إلى الجنة

أحداث جديدة

"البارت الحادي والعشرون"
بعد مرور سنة قد تغير فيها كل شئ
رقية أصبحت أقرب إلى الله وحافظت على الصلوات وعلاقتها قويت بفاطمة وأصدقاء فاطمة
أحمد إتخرج و نجح في عمله في الشركة وإترقى وعلاقته قويت بمالك وسلمى تعرفت على أخوات مالك وأصبحوا أصدقائها، وإرتدت الحجاب الشرعي، وكذلك بسملة
وإقتنعت مريم أخيرًا بفكرة الحجاب الشرعي ومازالو يقنعون دينا وهي مازالت مترددة
أما عن هند ف أصبحت صديقة لأمها وقربوا من بعض وحياتها أصبحت أفضل
في يوم جديد يوم نتيجة الثانوية العامة الكل ينتظر النتيجة وهما على أعصابهم
مريم وسلمى عند جدتهم في غرفة رقية ومريم وهما في وضع ذهابًا وإيابًا
رقية: يامريم إهدي أنت وسلمى خيلتوني دة أنا هو الل ف كلية ويوم ما نتيجتي طلعت مكنتش بالتوتر دة
سلمى: أنت واحدة باردة نعملك إية أنا لو مدخلتش كلية صيدلة أنا ومريم ونبقا دكاترة زيك هنعمل معاكي الجلاشة
رقية بهزار: الله! وأنا مالي يا لمبي
مريم: هو إحنا كدة
سلمى بسرعة: أحمد بيرن تلاقيه جاب النتيجة أنا خايفة أرد
رقية: أنت هبلة ردي بسرعة
سلمى ردت على إتصال أحمد
أحمد بزعل مصطنع: لية كدة يا سلمى أنتِ ومريم
سلمى بخوف: لا يا أحمد متقولش
وبدأت تنهار ف البكاء
أحمد بضحك: خلاص خلاص صعبتي عليا أنت جبتي 98 ونص ومريم جابت 99 ونص (طبعا المجاميع الحلوة دي ننساها ف النظام الجديد ها🙂😂)
سلمى بعدم إستيعاب: إحلف؟ أنت بتكدب عليا صح
مريم بقلق: يابنتي إنطقي أنا جبت كام
سلمى بتوتر: أ.. أحم.. مد بيقول أنا ج.. جبت ٩٨ ونص وأنت ٩٩ ونص
رقية: لولولولولوللللييييى مبارك يابناااات
سلمى: الله يبارك فيكي
مريم بفرحة تكاد تطير من على الأرض: الحمدلله يآرب (ربنا يرزقنا وإياكم فرحة النجاح ف ثانوية عامة يآرب♥️)
أغلقت سلمى الخط مع أحمد، وذهبوا إلى جدتهم لكي يخبروها، وبعدها صلوا ركعتين شكر لله، وفرح الجميع بتلك الأخبار السعيدة، وأقيمت الإحتفالات بينهم
سلمى: أنا لازم أتصل ببسملة
ذهبت للتحدث إلى صديقتها
بسملة: السلام عليكم ورحمة الله وبركاته
سلمى: وعليكم السلام ورحمة الله وبركاته جبتي كام
بسملة بفرحة: 98 وأنت
سلمى: أنا أعلى منك بنص درجة
بسملة: مبروك لينا
سلمى: يابنتي قولتلك مسمهاش مبروك
بسملة: بنسى والله قصدي مبارم لينا إحنا الإتنين
______________
بعد مرور إسبوع
مجدي: تعالى يا أحمد
أحمد: نعم يا بابا
مجدي: أنت هتقدم إمتى ف الجيش ياحبيبي
أحمد: بكرا بإذن الله هشوف أنا هيبقا ليا جيش وألا هاخد إعفا
عمر (أخو أحمد): وأنت هتدخل الجيش لية يا أحمد
أحمد بهزار: مهو أنت السبب يافقري لو مكانش عندي أخ ولد مكنتش دخلت الجيش
مجدي: بس ياولا متقولش ع أخوك كدة وبعدين أنا كلمتلك عمك وهو لوا ف الجيش وقال بإذن الله هتاخد إعفا
أحمد: يآرب يا بابا أديني هصلي إستخارة بليل وهروح الصبح وإن شاء الله خير
_______________
في الصباح إستعد أحمد للذهاب
أحمد: أنا ماشي ياماما إدعيلي
منى: أنا بدعيلك ف كل خطوة وكمان عاوزة أقولك حاجة رقية آخر مرة كنت أنا هناك قالتلي ياخالتو أنا واثقة مادام أنا وأحمد بعدنا يبقا هو هياخد إعفا م الجيش وأنا بدعيلوا وهدعيلوا بكدا
أحمد: يآرب يا أمي إدعيلي دة لو حصل هخطبها الشهر الجاي وأكتب كتابي عليها
منى بتمني: يآرب يا أحمد يآرب وتفرح قلبها يابني رقية تعبت أوي أوي أوي ف السنة دي وع يدي أنا وأختك والله
أحمد: أنا عارف يا أمي سلمى كانت بتحكيلي
منى: إن شاء الله خير يالا ياحبيبي عشان متتعطلش
أحمد: مع السلامة يا أمي
_____________
عند عبير
الأم بإنفعال: ممكن تعرفيني أنت هتدخلي كلية إية بالمجموع الزفت إلل أنت جيباه دة شايفة أصحابك جايبين كام وأنت جيبالى ٦٥ ف المية
عبير بلا مبالاة: عادي مش مهم هدخل أي حاجة
الأم: أنت طهقتيني منك لله يا شيخه
خرجت من الغرفة وتركتها
عبير إتصلت بالموبايل وبعد عدة مرات
عبير: مختفي من يوم النتيجة لية
خالد: عادي يعني
عبير: أنت جبت كام
خالد: أنا جبت 95 وهدخل هندسة
عبير بصدمة: إزاي!! دة انت حتى أيام الإمتحانات مكنتش بتفتح كتاب
خالد: وأنت بقا جبتي كام
عبير: جبت 65
خالد بضحكة شماتة: وهتدخلي إية
عبير: عادي بقا أي حاجة أهم حاجة إنك خلاص دخلت الكلية عشان تيجي تتقدملي
خالد بسخرية: أتقدملك! أنت هبلة يابنتي أتقدم لواحدة جايبة ٦٥ مش هتحصل تجارة حتى
عبير بصدمة: و دة إية علاقته مش أنت بتحبني وأنا بحبك يبقا نتجوز
خالد بسخرية: أحب مين ياماما أنا كنت ماشي معاكي عشان عارف إنك واحدة شمال وبس لحد ما أخلص ثانوية وأخطب واحدة محترمة من معايا ف الكلية ويالا إمشي وهعملك بلوك من كل حتة ومتحاوليش توصليلي تاني
أغلق الخط بوجهها وإنهارت عبير من البكاء كيف يفعل لها هكذا وهي وهبت له كل ما تملك حياتها وعمرها وشبابها وضحت بالثانوية العامة وكانت تتحدث معه طوال الوقت ولم تذاكر حتى أيام الإمتحانات
_______________
مالك: يابناااات
منار وسهيلة: إدخل
مالك: بما إن سلمى خلاص دخلت الكلية أروح أتقدملها بقا
منار: يابني لسه مدخلتش
مالك: ياستي إعتبري إنها دخلت يعني
سهيلة: طب أنا عندي فكرة حلوة
مالك: قولي
سهيلة: أنا ومنار هنروحلها إنهاردة نقعد معاها شوية نباركلها ونحاول نتكلم عن الموضوع كدة ونشوف رأيها الأول
مالك: أشطا يا أختي بس أنا جبتلها هدية كدة هدية نجاحها وإنتوا خدوها إدوهالها كإنكوا إنتوا الل جايبنها
منار: أيوة الحب الحب ياخويا
مالك: بس يابت أنا أصلا سايبكوا وماشي
سهيلة: أها ما أنت خلصت مصلحتك بقا
مالك: أومال يالا السلام عليكم ورحمة الله وبركاتة
____________
عاد أحمد
أحمد بفرحة: ياماماااااا يا بابااااااا باركوووووولي أنا خدت إعفاااااا
منى: مبارك ياحبيبي ربنا يوفقك
مجدي: الحمدلله ياحبيبي
سلمى: مباااارك ياحبيبي
وإحتضنت أخاها بشدة وهمست له أيوة ياعم إلل هيبقا عريس
أحمد: قري قري
مجدي: موطيين صوتكو ليه
سلمى بغمزة: ولا حاجة ياحج
منى: خد يا أحمد عوزاك
سلمى: أنا جاية أنا كمان
أحمد: قالت أحمد مش سلمى
سلمى: داخلة برضو
ذهب كل من الأم وأحمد وسلمى إلى الغرفة
منى: ها يابني نويت ع إية
أحمد: هروح يا ماما أتقدملها هروح بعد إسبوع لباباها ف الشركة إدعيلي يا أمي
سلمى: أيوة بقا دي روكا هتفرح فرحة
أحمد: لا محدش يعرفها أنا هعملهالها مفجأة أنا ف الأول هروح أتكلم مع باباها ولو وافق هنروح كلنا نتقدم لها ف بيت تيتة
منى: ربنا يوفقك يابني
سلمى بغمزة: أيوة ياسطا
أحمد بتعجب: أسطا! بكلم سواق توكتوك أنا
سلمى: أنت أيش فهمك أنت يالا أنا سيباك وقايمة مش فضيالك أصحابي جايين
أحمد: أصحابك مين يا أبلتي
سلمى: منار وسهيلة يا أبلتي
أحمد: طب يالا يابت من هنا
______________
جاء كل من سهيلة ومنار إلى سلمى
سهيلة ومنار: السلام عليكم ورحمة الله وبركاته
سلمى: وعليكم السلام ورحمة الله وبركاته
منار: صاحبي إلل واحشنييييي
سلمى: قلب صاحبك
وأخذتها بالحضن، ثم جلسوا الفتيات يتحدثان
سهيلة: جبنالك حتت هدية بقا ولا ف الخيال
سلمى بفرحة: الله سلسلة فضة إنتوا عرفتوا منين إني كنت هموت ع السلسلة دي دة انا كنت قايلة لأحمد عليها
منار وسهيلة بصوا لبعض وضحكوا
سهيلة: مالك بيقولك مبارك وأها كمان السلسلة دي ذوقه
سلمى دق قلبها بشدة لسماعها إسمة وتوترت: الل.. الله ي.. يسلمك ق.. قص.. قصدي الله يبارك فيه
ضحكوا على شكلها
منار بغمزة: والجميل مالو متوتر كدة لية
سهيلة: بس يامنار متحرجيش البنت
سلمى خجلت كثيرًا: أ.. أنا ط.. طال. طالعة أجيب حاجة وجاية
خرجت سلمى مسرعة وأخذ قلبها ينبض بشدة وأخذت تهدئ نفسها لكي تدخل
سهيلة: إحنا عرفنا ردها خلاص بلاش نتقل عليها أكتر من كدة
منار بضحكة: معاكي حق شكلها واقعة ع الآخر
وبعدها دخلت ثانية وجلسوا يتحدثون في أمور مختلفة وبعدها ذهبوا وهما في طريقهم إتصل مالك بسهيلة
مالك: ها عملتوا إية
سهيلة: دي مستوية ع الآخر
مالك: يعني إية
منار: دي طلعت واقعة أوووي دي مش بعيد هي إلل تيجي تخطبك
مالك بسعادة عارمة: بجددد
سهيلة بضحك: أيوة والله
مالك: طب أول ما أرجع إحكولي كل حاجة
سهيلة: حاضر يالا سلام
مالك: سلام
_____________
مر إسبوع وجاء يوم ذهاب أحمد لوالد رقية لكي يطلب يدها
إستعد أحمد وقبل أن يخرج
سلمى: أيوة ياعريييس
أحمد: بابا خليها تسكت عشان أنا متوتر أصلا
مجدي: فرحانة بيك ياحبيبي
أحمد: يالا أنا همشي وإدعولي
منى: ربنا يوفقك ياحبيبي
ذهب أحمد لأبو رقية في الشركة وإستأذن ودخل
علي بإستغراب: إية دة أنت! أنت عاوز إية؟
أحمد:.....
_____________
يتبع...
الكاتبة:
#Menna_El_Deeb