رفيقي إلى الجنة

وجع

"البارت الحادى عشر"
فى غرفة سلمى تجلس وهى تصفف شعرها فيقطع شرودها صوت رنين هاتفها
سلمى: السلام عليكم ورحمة الله وبركاته
بسمله: وعليكم السلام ورحمة الله وبركاته
سلمى: إيه يابنتى عماله ترنى ترنى وأنا مش فضيالك ها عاوزه إيه بقلم منه الديب
بسمله: تصدقى يابت أنا غلطانه يالا غورى
سلمى بهزار: إيه ياحجه بوسى متبقيش قفوشه كده الله
بسمله: أيوه كده إتعدلى
سلمى: ها كنتى عايزه إيه بقا
بسمله بإحراج: أحم كنت عاوزه أسألك يعنى سألتى باباكى عن موضوع الخمار ده وألا لا
سلمى: أمم ده الموضوع جد بقا وشاغل تفكيرك
بسمله: بصراحه أيوه وكمان بحب أسمع رأى عمو مجدى فى الأمور الدينيه دى بقلم منه الديب
سلمى: والله يا أختى أنا قلتله وقالى ميعاده جاى قريب وقالى يومها هتفهمى كل حاجه
بسمله: أمم طيب أنا عاوزه الحصه دى تتسجل عشان اسمعها
سلمى بضحك: حاضر يختى
بسمله: متنسيش هاا وأها صح إستأذنى عمو الأول عشان ميبقاش حرام أنا هقفل بقا عشان ماما بتندهلى
سلمى مسرعه: خدى هنا خدى هنا حرام إزاى
بسمله: لأن الرسول صلى الله عليه وسلم (صلوا عليه يالا وإلل مش هيصلى عليه هعلقو😂)
قال رسول الله:« لا يتجالس قوم إلا بالأمانه
وقال:«المجالس أمانه»
معنى الكلام ده كلو إنك مينفعش تسجلى لحد المكالمه إلا بإذن منو، وكمان مينفعش تفتحى الإسبيكر وحد موجود معاكى إلا لما تستأذنى م المتصل لإنك لو عملتى كده من غير ما تقولى للشخص ده يبقا أنتِ كده خاينة الأمانة
سلمى: لا ده أنا صاحبى بقا جامد بقا وبيعرف معلومات حلوه من ورايا
بسمله بضحك: من وراكى إيه بس منا قلتلك اهو
سلمى: ماااشى هعديهالك المرادى يالا بقا أنا هقفل عشان أكمل تسريح شعرى
بسمله: تمام، السلام عليكم ورحمة الله وبركاته
سلمى: وعليكم السلام ورحمة الله وبركاته
______________
فى قسم الشرطه
دخل المتهم علي الدسوقى مكتب الظابط بعدما تركهم إيهاب بمفردهم
مريم ورقيه: باباااا
علي بصرامه: إنتو!! إيه إلل جابكوا أمكوا بعتاكوا تشمتوا فيا
مريم: إيه الكلام إلل بتقولوا ده يا بابا إحنا جايين نطمن عليك
علي بحزم: هه إنتو فاكرنى هصدق الدمعتين الكدابين دول اضحكوا بيهم ع حد غيرى
رقيه بألم: ليه كده يا بابا إحنا جايين عشان نساعدك
علي: وفرى المساعده دى لنفسك ويالا إمشوا ومتجوش هنا تانى.. ياعسكرى تعالى رجعنى الحجز
رقيه لم تتحمل ماحدث وسقطت مغشى عليها
مريم بصراخ: رقيييه إلحقها يا بابا
علي وكإن قلبه أقسى من الحجر وترك رقيه مغشى عليها وغادر إلى الحجز (روح مترجعش يابعيد😂 مش قادره امسك نفسى ومدعيش عليه الصراحه😂😂)
جاء إيهاب على صوت صراخ مريم وحمل رقيه وأجلسها على الكرسى وبعدما أفاقت
رقيه: أنا فين
مريم بدموع: متخافيش ياحبيبتى أنا جنبك
رقيه بعدما تذكرت ما حدث منذ قليل
رقيه ببكاء: ليه بيعاملنا كده حد يفهمنى قوليلى يامريم ليه ليه
مريم وقد انهارت من البكاء: نصيبنا كده يارقيه لا أم ولا أب هنعمل إيه يالا قومى نرجع البيت يا رقيه
إيهاب بإشفاق ع حالهم: تعالو أنا هوصلكوا الوقت متأخر مش هينفع تمشوا لوحدكوا ف الوقت ده بقلم منه الديب
هبط كل من مريم ورقيه و إيهاب وركبوا السياره ووصلهم إلى منزلهم ثم سلم على والدته الداده أمل وبعدها عاد إلى عمله
____________
فى صباح يوم جديد إستيقظ أحمد من نومه على صوت رنين هاتفه
محمود: السلام عليكم ورحمة الله وبركاته
أحمد بنوم: وعليكم السلام ورحمة الله وبركاته خير يا محمود بترن بدرى كده ليه
محمود بفرحه: إتقبلنا ف الشغل يا أحمد اتقبلنا أنا وأنت
أحمد بفرحه: ياااه ع كرم ربنا ألف حمد وشكر ليك يآرب طب وكمال عمل إيه
محمود: لا هما قالولى إننا إلل إتقبلنا بس أنت عارف إن دى من أكبر الشركات وكمان صاحبها راجل محترم جداً وأمين كمان و إن شاء الله هتبقا فتحة خير علينا
أحمد: يآرب يامحمود يالا أنا هروح أفرح الجماعه بقا
محمود: ماشى ياسيدى يالا سلام
أحمد: سلام
قام أحمد وذهب يبحث عن أمه فى كل مكان حتى وجدها تصلى الضحى وتدعى له بأن يرزقه رقيه وتكون له الزوجه الصالحه و أن يوفقه ويقبل فى هذه الشركه
جلس أحمد حتى إنتهت من صلاتها ثم قال: إتقبلت دعوتك إتقبلت يا أمى وإتقبلنا ف الشركه
منى بفرحه: يا ألف مبروك ياحبيبى يآرب تكون فتحة خير عليك يآرب ياحبيبى
أحمد: إن شاء الله يا أمى وإن شاء الله باقى دعواتك هتتحقق زى الدعوه دى كده
جاء مجدى على صوتهم
مجدى: متفرحونى معاكو
أحمد بفرحه: إتقبلت ف الشركه يا بابا
مجدى بفرحه: ألف مبروك ياحبيبى ربنا يسعدك ويريح قلبك يآرب
أحمد: يآرب يا بابا
سلمى: إيه بتسلموا عليه ليه مسافر صح صح قول أها
يوسف: هتسافر وتسيبنا يا أحمد
سلمى: لا يابنى مهو هياخدنا إحنا الإتنين معاه صح يا أحمد
أحمد بضحك: حيلك حيلك أنت وهو أسافر فين أنا إتقبلت ف الشغل بس
سلمى: هيييه أحمد هيعزمنى هييييه
مجدى: بنقول إتقبل ف الشغل ده إيه علاقته بالعزومه
سلمى: أصلو وعدنى لما يقبل ف الشغل هياخدنى يفسحنى صح يا أحمد
أحمد: أنا شكلى إتدبست
مجدى: وهو هيصرف فلوس شغله عليكى يا ست سلمى وألا إيه
أحمد: مش مهم يا حج يالا أهى مره وخلاص
سلمى: هيييه
___________
إستيقظت رقيه من نومها وهى تشعر بألم شديد فى رأسها أثر بكائها ليلة أمس قامت توضأت وصلت فرضها وجلست تحدث الله وتبكى ثم تقول: يآرب هو إلل معوضنى عن أهلى أديك شايف بابا عمل فيا إيه إمبارح وماما بتكرهنا هو بالنسبالى كل حاجه يآرب متوجعش قلبى فيه هو كمان يآرب اجمعنا ع خير يآرب أرنى عجائب قدرتك فى تحقيق ما أتمنى جلست تبكى وتناجى ربها أثناء صلاة الضحى حتى سمعت صوت عالٍ يأتى من الطابق الأول إستيقظت مريم هى الأخرى ع هذا الصوت ذهبت رقيه لتعرف ماذا يحدث وقد حدث ما لم تتوقع حدوثه بقلم منه الديب
مها بصوت عالى: قلتلك عاوزه فلوس قلتى لا مبقاش إلا أنتِ إلل تيجى تعلمينى أتعامل مع جوزى و عيالى إزاى
داده أمل: أنا مقلتش إلا إن البيه زعق لرقيه ومريم إمبارح كنت عوزاكى تطيبى خاطرهم بكلمتين
مها: وأنت مالك أنت
امل: لا من ناحية مالى ف هو مالى ياست هانم رقيه ومريم إلل واقفين أدامك دول بناتى أنا إلل ربتهم أدامك وحده دكتوره والتانيه ف ثانويه عامه الأم مش إلل شالت ف بطنها تسع شهور لا يا مدام الأم إلل ربت وكبرت أنا جيت البيت ده وهما ف اللفه أنا إلل سهرت بيهم أنا إلل أكلت أنا إلل وقفت معاهم ف أى خطوه ف حياتهم أنا إلل ساعدتهم ف أى مشكله كانت بتواجههم وف الآخر جايه تقوليلى إنى عاوزه منك فلوس لا تشكرى أنا سيبالك البيت بحاله وماشيه
مها: يالا لمى هدومك وإطلعى برا ومشوفش وشك هنا تانى
مريم: ثوانى يا داده كده هى مين دى إلل تمشى داده أمل مش هتمشى
مها: وأنا بقول هتمشى
رقيه ببكاء شديد: أبوس إيديكو سيبولى دى بس سيبوهالى مش كل حد تبعدوه عنى بقا أنا زهقت سيبيها يا ماما عشان خاطرى
مها: أنا قلت كلمه هى هتمشى يعنى هتمشى وإلل مش عاجبها تحصلها بالمره أنا كده كده لما أبوكوا يطلع م السجن هطلق ومش عاوزه أشوف وش حد فيكو خلينى أعرف أعيش حياتى بقا وأتجوز إلل أنا عوزاه
وقعت الكلمات ع الجميع كالصالعقه
مريم: أنت بتطردينا من بيتنا وكمان هتطلقى من بابا وتتجوزى
مها: أيوه بطردكوا يالا إمشوا كلكوا وبعدين أنا حره أعمل إلل عوزاه محدش له دعوه
رقيه: يالا يامريم يالا يا داده كفاية قلة قيمه لحد كده
ذهب الجميع يلم هدومه وهم لا يعرفون أين سيذهبوا
خرج كل من داده أمل ومريم ورقيه من المنزل
داده أمل: أنا آسفه أنا السبب
مريم: متتأسفيش يا داده مدام مها عاوزه تعملها من زمان هى وعلي بيه ولكن كان خايفين ع منظرهم إنما بعد ما علي بيه إتحبس ف مبقاش من مستوى مها هانم ف راحت عشان تشوفلها واحد من مستواها
رقيه: أنت بتتكلمى عنهم كده ليه يامريم دول مهما كان أبونا وأمنا
مريم: أبوكى!! أبوكى إلل سابك مغمى عليكى وأقوله إلحقها دى واقعه ف الأرض يقولى شيليها أنت أبوكى إلل عمره ما جه قالك عامله ايه ابوكى الل ميعرفش أنت عامله إيه محتاجه حاجه وألا لا وأمك!! أمك إلل مكانتش عوزاكى تطلعى م إلل أنت فيه وتفضلى حابسه نفسك وكل ده عشان خايفه ع شكلها أمك إلل مكانتش عاوزه أى صاحبه ليكى تقرب منك عشان متعرفش عن حياتنا أى حاجه أمك إلل طردتنا من بيتها دى أمك!! أنت كنتى أقوى منى يامريم إرجعى تانى إرجعى قويه وميهمكيش حد إرجعى بالله عليكى
داده امل: خلاص كفايه يامريم كفايه يالا تعالوا أما أوديكوا عند جدتكم الحاجه أمينه محدش غيرها ينفع تروحوا عنده
____________
فى المحكمه يقف عزت الجمال يدافع عن المتهم علي الدسوقى
عزت: إن هذا العامل الذى يدعى موافى أحمد أبو زيد هو الذى دس البضاعه المهربه فى شحنة الأدويه التى يمتكلها موكلى علي الدسوقى وهذا هو الجانى الحقيقى سيسرد لسيادتكم ما حدث
القاضى: إتفضل ياموافى
موافى: ياباشا أنا واحد غلبان و دى أول مره ف حياتى أعمل كده أنا عملت كده عشان عارف إن سمعة علي بيه أشهر من النار على العلم وقلت هى مره وخلاص عاوز أعيش عاوز اتجوز و أخلف ومش لاقى أنا قلت هى مره ومحدش هيدور ورا علي بيه
القاضى: طب وإيه خلاك تعترف
موافى: المحامى بتاع البيه فضل يدور لحد ما وصل للعيال إلل كانت بتشتغل معايا ومسكهم وهما إعترفوا
القاضى: دخلهم يابنى اما نسمع أقوالهم
دخل الشهود وأكدوا على كلام موافى وبعدها حكمت المحكمه على موافى بالسجن 5 سنوات وبراءة علي الدسوقى
____________
يتبع...
الكاتبة:
#Menna_El_Deeb