"البارت السادس"
رقيه بتنهيده: و دى كل الحكايه ياستى
فاطمه بإبتسامه: طب وأنت إيه مزعلك ف واحد عاوز يحافظ عليكى حتى من نفسو
رقيه: أنا عارفه إن هو صح وعارفه إن ده لمصلحتى بس غصب عنى مش قادره أستحمل
فاطمه: فهماكى ياحببتى وحاسه بيكى كمان بس متنسيش إنك وعدتيه إنك هتتغيرى وصدقينى ده العلاج والسنتين دول هيجروا بسرعه جدااا أهم حاجه تكونى إستغلتيهم صح
رقيه: أنا طول عمرى حاسه إن فى ف حياتى حاجه غلط ويمكن ده السبب إلل خلانى آجى إنهارده إنى حسيت إن فى الخطوه دى هصلح الحاجه الغلط إلل جوايا دى تفتكرى يا دكتوره إيه الحاجه الغلط دى
فاطمه بإبتسامتها المعتاده: أولا أنا إسمى فاطمه وبس وبما إننا بقينا صحاب يبقا نشيل الالقاب ثانيا بقا الحاجه الغلط دى إنك بعيده عن ربنا وربنا عشان بيحبك محسسك إن فى حاجه غلط عشان تدورى ع الصح وتقربيلو وتلاقى الراحه ف قربوا ويمكن لما جت فكرة الدكتور النفسى دى ربنا ريح قلبك عشان فيها خطوات تغيير زى ما قلتى و إن شاء الله هتشوفى الفرق بنفسك بعد كده وربنا يجعلنى سبب ف تغيرك
رقيه بتمنى: يعنى أنت تقدرى تمحى الغلط ده وتخلينى ماشيه صح
فاطمه: إن شاء الله ربنا يدينى القوه دى وبعدين مش يمكن أنت إلل تكوني سبب ف دخولى الجنه
رقيه بذهول: أنااا ليه
فاطمه بإبتسامة: أمم شكلك متعرفيش أى حاجه خالص ده إحنا لينا أعدات كتييير أوى مع بعض.. بصى ياحبيبتى أنا بما إني إن شاء الله هخليكى إنسانه ملتزمه ولو نجحت ف ده فعلا يبقا أنا كده هدخل الجنه بسببك
رقيه بإنبهار من رحمة الخالق: سبحان الله ربنا ده جميل اوى أوى يا فاطمه
فاطمه بإبتسامه: أنت لسه شفتى حاجه ده إسمو الرحمٰن الرحيم يارقيه
رقيه بلهفه: طب علمينى كل حاجه دلوقت وبسرعه يالا
فاطمه بضحك: حاضر حاضر بس وحده وحده أنا هعرفك حاجه بسيطه بس عشان نبدأ نحط رجلينا ع أول الخطوات أولا كده لازم نعرف إحنا ربنا خلقنا ليه إحنا ربنا خلق أبونا آدم و أمنا حوا وكنا كلنا كده هنعيش ف الجنه لولا إن الشيطان وسوسلهم ف إتطردوا من الجنه ونزلوا الأرض بعدها طلبوا من ربنا السماح ف ربنا نزلهم ع الأرض ومن ذريتهم إلل هو إحنا عشان يشوفنا هنعمل إيه هنسمع للشيطان و ألا هنرجع للجنه إلل هى موطننا الأصلى إحنا نازلين ف الأرض هنا ضيوف وبس عشان نرجع و إن شاء الله أمة محمد كلها تدخل ع الجنه
رقيه بإهتمام لكلامها: كملى
فاطمه: بصى بقا إحنا هنجيب ورقه كده ونقسمها نصين ونكتب كده إيجابياتنا وسلبياتنا ف الإيجابيات هتكتبى مثلا إنك مبتحطيش ميكب متحجبه مبتلبسيش بناطيل وف السلبيات هتكتبى مثلا إنك بتكدبى كتير و إنك بتلبسى بناطيل و إنك بتحطى ميكب وطبعا الجزء السلبى ده هو إلل هنشتغل عليه بكل جهدنا و إن شاء الله ترجعى البيت تعملى كده ونتقابل كمان يومين وخلال اليومين دول نتكلم ع النت أو ع الموبايل
رقيه: تمام هاتى رقمك بقا عشان أسجلوا
وأخذت منها الرقم
رقيه: تمام أنا بعتتلك رساله ع الواتس عشان تعرفى إن ده رقمى
فاطمه: أمم طيب بصى عاوزه أقلك ع حاجه يا رقيه
رقيه: إتفضلى
فاطمه بإبتسامه: أنا شايفه إنك حاطه صورة ممثله ع الواتس بشعرها
رقيه: أيوه ده أنا كمان حاطه نفس الصوره للفيس أصلى بحبها أوى
فاطمه ومازالت مبتسمه: بصى يا روكا أى حد عندك هيشوف صورة البنت دى من الرجاله سواء باباكى أخوكي عمك خالك أى حد سواء ع الواتس أو ع الفيس أنت إلل هتشيلى ذنبها وكذلك لو حطيتى صورة شاب ممكن البنات إلل عندك يشوفوه ويقعدوا يقولوا إيه ده واو والكلام الغزل إلل أنت عرفاه بقا وبرضو أنت إلل هتشيلى الذنب
رقيه بتفهم: أها فهمت بس أحط صورة إيه مادام ولا ولد ولا بنت
فاطمه: ممكن تحطى صورة مصحف أو صورة بيبى أو صورة سجادة صلاه أى حاجه وأنا هبعتلك مجموعه من الصور إلل عندى و إختارى منها إلل أنت عوزاه
رقيه: تمام
فاطمه: إن شاء الله زى ما قلتلك ميعادنا الجاى كمان يومين متنسيش وهتصل بيكى بليل نرغى شويه إن شاء الله ع الساعه 10
رقيه: تمام.. سلام
فاطمة: إسمها السلام عليكم ورحمة الله وبركاته
رقيه بإبتسامه: حاضر السلام عليكم ورحمة الله وبركاته
فاطمه وبدالتها نفس الإبتسامة: وعليكم السلام ورحمة الله وبركاته
______________
يتبع...
#Menna_El_Deeb
أنت تقرأ
رفيقي إلى الجنة
Storie d'amore"رفيقى إلى الجنة" المقدمه رقيه بطلة قصتنا فتاه ذات البشره القمحاويه والعيون البنيتين، بنت بسيطه، وعايشه حياتها ككل بنات سنها وهى ف الفرقه الثالثه ف كلية صيدله. أحمد بطل قصتنا طويل، عيونه سوداء كالصقر، قوى الشخصيه وهو فى الفرقه الرابعه بكلية هندس...
