رفيقي إلى الجنة

تغيّر

"البارت العشرين"
في المستشفى
هند نائمة على السرير ومعلقة عدة محاليل
ندى ببكاء: هند مالها يادكتور
الدكتور: واضح إنها إتعرضت للضرب بطريقة بشعة وكمان من الواضح إن نفسيتها وحشة اليومين دول أتمنى تخليها تغير جو هي تحت تأثير البنج وهتلاقيها هتبدأ تفوق دلوقتي بإذن الله
ندى: حاضر يادكتور
دخلت ندى إلى الغرفة التي تقيم بها هند وجلست تتحدث معها وتبكي وتقول: لية كدة ياهند لية عملتي فيا كدة وف نفسك عاجبك حالك كدة
هند من تحت تأثير البنج: ااااه أنا عاوزة أقوم
مر الوقت وفاقت هند وجلست أمها تتحدث معها
ندى: لية! لية عملتي كدة
هند: أنتِ السبب يا ماما أنتِ إلل شايفة إننا مادام بناكل وبنشرب وبنلبس كويس وملبيين طلباتنا المادية يبقا إحنا مش هنحتاج حاجة أكتر من كدة لا أنت غلطانة إحنا محتاجين أهم حاجة محتاجين نحس بوجودكم ف حياتنا إني لو وقعت ف مشكلة أجري أحكي لبابا لإني عارفة إنو هينصفني مش أول واحد هيقف ضدي حتى لو عارف إني فعلا غلطت يقف جنبي ويساعدني كل إلل يهمكوا روقنا وألا لا ذاكرنا وألا لا في حاجات تانية أهم من كدة أنت لما بتقوليلي روقي وأنا مش بروق بتزعلي مني وتخاصميني مبتجيش تسأليني أنا ليه مروقتش لا بتقطعي وخلاص مبتجيش ف مرة تشجعيني ع أي حاجة بعملها سواء كانت حلوة ولو وحشة تفهميني بالراحة لازم كلو زعيق زعيق خليتيني أهرب من كلامك دايمًا بإني أكلم واحد بعترف إني غلطت ولكن عملت كدة والسبب الرئيسي أنتِ وبابا وإلل عملتوا دة بسبب بعدي عن ربنا وإنكوا كمان معرفتونيش ديني وحدودي كويس
ندى وقد إزداد بكاؤها: مش عارفة مكنتش أعرف أنا كنت فاكرة إني لما بأكلكم وأشربكم وألبسكم وأعملكم إلل نفسكم فيه  يبقا أنا غلط مكنتش أعرف سامحيني وأوعدك إننا لما نطلع م المستشفى هتشوفي حياة جديدة خالص
______________
إستيقظ مالك من نومه وتذكر الذي حدث بالأمس وإبتسم لتلك الفتاة التي أسرت قلبه منذ أول مرة رآها بها هو يعلم أنه أخطأ لأنه لم يغض بصره لكنه حدث
جلس يفكر ماذا يفعل وقرر الذهاب لأحمد بحجة أن يأخده معه لكي يراها ولكن تراجع عن فكرة الشيطان الذي يزرعها في ذهنه
ذهب مالك إلى عمله مباشرة لكي يباشر عمله إلى أن يصل أصدقائه
_____________
في بيت الجدة أمينة
إستيقظت الفتيات من النوم وصلوا الضحى ثم هبطوا ليجلسوا مع الجدة
سلمى: صباح الخير على أحلى تيتة في الدنيا
أمينة: صباح النور ياقلب تيتة
جلس الجميع على مائدة الفطور ثم صعدوا إلى غرفتهم
سلمى: إلا قوليلي ياروكا
رقية: نعم
سلمى: أنتِ لبستي الخِمار من إمتى
رقية بإبتسامة: من إمبارح بس
سلمى: طب ما تقوليلنا كدة أنا وروما إزاي الخِمار فرض عشان أنا عاوزة ألبسوا
مريم: إية دة بجد يعني إنتوا الإتنين هتلبسوه
رقية: خلاص أنا هقولكم الأسبار وبإذن الله هخليكوا تلبسوه
مريم: بس أنا مش عاوزة ألبسه
رقية: طب إسمعي إلل هقوله وبعدين قولي رأيك ف الآخر
وبدأت رقية في حديثها عن الخِمار قائلًة: بصوا أولًا كدة عشان نبقا متفقين الخمار فرض
مريم مقاطعة: إية فرض؟؟
سلمى: أيوة يامريم فرض
رقية: في سورة النور الآية31 قال تعالى:( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ) بتتكلم أولًا عن غض البصر وإن كل بنت لازم تغض بصرها عن أي راجل لا يحل ليهم طبعًا وبمقدار غض بصرنا عن الرجال ف الدنيا وكذلك بمقادر غض بصر الرجال عن النساء ف الدنيا بمقدار تمتعنا ف الآخرة وإحنا بننظر لوجه الله تعالى ف الجنة الجزء التاني بيتكلم عن الخِمار و (وليضربن بخمرهن على جيوبهن) معناها إن الحجاب لازم يكون ساتر لحد منطقة الجيب يعني ينزل ساتر لمنطقة الصدر والشعر بأكمله وإن الهدوم لازم لا تصف ولا تشف و دة الحجاب الل لازم نلتزم بيه
سلمى بهزار: الله عليكي يا ست روكاا أنا قايمة ألبسوا دلوقتي
رقية: بجد أقنعتك
سلمى: طبعًاااا
رقية: وأنتِ يامريم
مريم: كلامك جميل وكل حاجة بس!
سلمى: بس إية
مريم: مش عارفة بس مترددة وخايفة لو لبسته أقلعه وخايفة من حاجات كتير
رقية: بصي أولًا أنا مش هسمحلك أصلا وأنت أصلا مجرد ما تلبسيه مش هتلاقي نفسك عاوزة تقلعيه دة فاطمة قالتلي إنها بتحس إنها ملكة وهي ماشية كدة ف وسط الشارع ومحدش يقدر يحدد شكل جسمها ولو واحد بصلها هو بس إلل هيتحاسب وهي لا وإنها بتحس إنها طايرة وهي ماشية من ع الأرض
مريم: طب سيبوني أفكر
سلمى: مفيش أفكر أنت هتيجي هروح أشتري أنا وأنت وهناخد روكا معانا
مريم: طب أنا هاجي معاكم أتفرج وأشوف وساعتها أقرر
رقية: لا هتيجي وهتشتري وجربي ولو معجبكيش متبقيش تلبسيه
مريم: طيب يالا
_______________
(الأحداث هتتغير جدًا من البارت الجاي إنتظروا بكرا...)
يتبع...
الكاتبة:
#Menna_El_Deeb