رفيقي إلى الجنة

لا مبالاة

"البارت العاشر"
رقيه: وهو ده كل إلل حصل يامريم الصراحه أنا حبيتها أوى وإرتحتلها
مريم بإبتسامه: الساعه جت عشره تلاقى فاطمه هترن دلوق..
قطع كلامها صوت رنين هاتف رقيه
مريم : وكمان مسمياها طمطم يسهلوا بقا
رقيه بضحكه: السلام عليكم ورحمة الله وبركاته
فاطمه: وعليكم السلام ورحمة الله وبركاته ايوه كده شاطره بنتعلم بسرعه اهو
رقيه وهى مازالت تضحك: عيب عليك يامعلم تلميذك برضو
فاطمه وهى تضحك أيضاً: واضح واضح
رقيه: بس أنت مواعيدك مظبوطه أوى
فاطمه: أوماال
رقيه: لا برافو عملتيها إزاى دى
فاطمه بتكبر مصطنع: أحم أحم مبحبش أتكلم عن نفسى كتشييير
رقيه: كتشييير!!
فاطمه: أها كتشييير
رقيه: معالينا كلمينى عن نفسك بقا ياستى
فاطمه: أنا فاطمه محمد عبد ربه عندى 27 سنه عندى أخ وأخت دينا ف ثانويه عامه وسامح فى كلية العلوم سنه تالته، متخرجه من الثانويه العامه بمجموع 99.5٪ أصلى بعيد عنك كنت دحيحه زى ما بيقولوا دخلت كلية الطب واتخرجت من سنتين وإختارت القسم النفسى عشان أقدر أساعد الناس وأفكرهم إن فيه رب مبينساش حد وإن كل علاج الدنيا ب إيديه هو والراحه ف القرب منه يمكن أقدر أساعد حد ف أنه يقرب من ربنا والحمدلله قدرت أعمل ده خلال السنتين إلل فتحت فيهم العياده وساعدت ناس كتير بفضل الله أنا معملتش أى حاجه إلا إنى بس بشاورلهم على الصح والحمدلله أهو جه دورك بقلم منه الديب
رقيه: فاطمه أنت حرفياً إنسانه مفيش منك إتنين أنا بحبك جدًاا وإن شاء الله هتدخلى الجنه عشان إلل بتعمليه ده
فاطمه بإبتسامه: حبيبتى والله أنا إلل حبيتك من أول ما شوفتك وإن شاء الله هنبقا أصحاب جدًا فى الدنيا وفـ الآخره كمان بقلم منه الديب
رقيه: إن شاء الله ياحبيبتى ربنا يخليكى ليا يآرب
فاطمه: ويخليكى ليا.. معلش يا روكا مضطره اقفل معاكى عشان أخويا جه وهحطلو العشا وإن شاء الله أشوفك بعد بكرا
رقيه: ماشى ياحبيبتى.. السلام عليكم ورحمة الله وبركاته
فاطمه: وعليكم السلام ورحمة الله وبركاته
واغلقت رقيه الخط مع فاطمه ثم تنهدت بأريحيه وقالت: أنا فرحانه بيها أوى يامريم
مريم:....
رقيه: مريم يابت ردى
مريم بزعل مصطنع: عاوزه إيه منى
رقيه بضحك: مبترديش عليا ليه
مريم وهى تتصنع البكاء: أنت عماله تتكلمى مع فاطمه وتقولى عليها كلام حلو وأنا لا
رقيه بضحك: بتغيرى يا بطه متزعليش لالا أنت الاصل برضو
مريم: ايوه كده إتظبطى
وفجأه سمعوا صراخ أحد بصوت عالى
رقيه: إيه الصوت العالى ده
مريم بخضه: مش عارفه تعالى أما نطلع نشوف فى إيه
مها: أنت ياهانم أنت وهى أبوكوا إترمى ف السجن
رقيه بصراخ: بابااااا
مريم: إيه! انت بتقولى ايه يا ماما وليه حصل ده
مها: أهو متلقح هناك يالا روحولوا يكش يحبسكوا معاه وأخلص منكو كلكوا مره واحده بقلم منه الديب
عاد كل من مريم ورقيه إلى غرفتهم وإرتدوا ملابسهم سريعًا ثم ذهبوا إلى قسم الشرطه ثم دخلوا مكتب الظابط
الظابط: مين حضرتك
رقيه: لو سمحت الرقيب إيهاب عز الدين موجود
الظابط: اها ثوانى هبعتله ييجى
نده الشاويش لكى ينده إلى الرقيب إيهاب عز الدين
إيهاب: مريم! ورقيه مالكو فيكى إيه يامريم انطقى
مريم من بين شهقاتها: احنا بخير و داده امل مامتك كان بخير بابا اتحبس وعاوزين نشوفه
إيهاب: طب إهدى يامريم وأنت كمان يا رقيه إهدى أنا هخليكوا تشوفوه دلوقت
ثم نده على العسكرى وأمره بأن يحضر المتهم علي ابراهيم الدسوقى، دخل المتهم
علي: إيه ده إنتوا؟؟
_______________
يتبع...
الكاتبة:
Menna_El_Deeb