رفيقي إلى الجنة

تطوير

"البارت الخامس عشر"
ذهب كل من أحمد و محمود إلى العمل فى الشركة الجديدة لأول يوم فطلب المدير مقابلة كل واحد منهم على حدة لكى يتعرف عليه و يعرفه وظيفته
دخل أحمد إلى مكتب المدير
أحمد : السلام عليكم ورحمه الله وبركاته
المدير : أنت احمد ولا محمود
أحمد : انا أحمد يا فندم
كان المدير يدعى مالك و هو شاب فى منتصف العقد الثانى ملامحة شرقية ولكنه يحب الهزار بقلم منه الديب و الضحك جدا وهو يكون ابن صاحب الشركة
مالك : لا فندم ايه بقا احنا بقينا أصحاب خلاص
ضحك أحمد على طريقته : يعنى اقلك بإسمك العادى
مالك : عادى يابنى هو فى حد لسة بيقول يا فندم و الجو ده خليك كول كدة
أحمد بضحك : حاضر انا بقيت كول اهو
مالك بجدية : يالا ندخل فى الكلام الجد بقا قولى أنت كام سنة و بتدرس ايه
أحمد : انا فى كلية هندسة فى بقلم منه الديب آخر سنة ليا إن شاء الله إلل هتبدأ دى
مالك : طب و ليه بتشتغل من دلوقت
أحمد : أولاً أنا مش بشتغل من دلوقت انا بشتغل من وانا صغير
وقلت هشتغل بقا فى وظيفة محترمة  عشان تبقا شغلانة ثابتة
مالك : اشتغلت فإيه بقا
أحمد : لا حجات كتير اشتغلت تجارة فترة و اشتغلت ميكانيكى مع الراجل إلل تحت بقلم منه الديب بيتنا و بقال و بشيل طول و زى كدة بقا
مالك بضحك : اتمرمط زيى يعنى ..اصل انا برضو من وانا صغير بابا مرحمنيش و هو ده إلل خلانى اوقف الشركة على رجليها برغم إنى لسة ٢٤ سنة
أحمد : حاجة كويسة أديها نفعتك فى حياتك اهى.
مالك : أيوة طبعا و ع فكرة بابا بيحب الناس إلل بتشتغل بضمير ساعتها هيشيلك فوق رأسه و يرقيك كمان
أحمد : وانا براعى ربنا فى شغلى قبل اى حد
مالك : تمام اوى كدة يالا روح على مكتبك و نتلكم بليل و هجيلك على مكتبك
_____________
عاد علي الدسوقى من عمله في الشركة ليجد مها تجلس منتظرة عودته
مها: كفارة يا سي جوزي
علي: إلا قوليلي إية خلاكي تروحي الشركة وأنا مش موجود وتمشي الشغل كإني موجود
مها: عشان الناس ميقولوش علبا قليلة الأصل وسيبت جوزي مرمي ف السجن أصله بعيد عنك كان جايب شحنة مخدرات من برا وإتقفش
علي: هاتي م الآخر يا مها
مها ببرود: طلقني
علي بضحكة مستفزة: ودلوقتي مش خايفه ع مظهرك الإجتماعي
مها: منا عشان خايفة عليه هطلق من واحد مشبوه زيك
علي شدها من شعرها: انا هطلقك بس عارفة لية عشان أنا إلل بقيت بتقرف من إنى أقول إن دي مراتي أنتِ طالق يامها طالق
مها: جود باي يا علي والمرة الجاية إبقا عرفني عشان آجى أجيبلك عيش وحلاوة
غادرت المكان وهى تضحك بطريقة مستفزة
___________
عبير: خالد أنا نفسي أدخل بيت الرعب أوى
خالد في سره: الله يخربيتك ياهند شغاله رن رن
عبير: خاااالد يا خااالد أنت مش معايا ومشغول ف الموبايل
خالد بتوتر: هاا لا بس كان صاحبى بيرن عليا
عبير: طب يالا ندخل
دخلوا بيت الرعب وكانت عبير ترتعش من الخوف وبعدما خرجوا
عبير: أه مش قادره اقف ع رجلي مش شلياني
خالد مسك ايديها
خالد: متخافيش أنا جنبك أهو يالا نروح ناكل ف أى مطعم هنا
بعدما إنتهوا من تناول الطعام
تليفون خالد ترن رن
خالد: ألو أيوه يابني في إيه.. يالهوي بجد.. طب أنا جاي أهو مسافة السكة
خالد: معلش ياروحي إدفعي أنت لإنى مش هلحق أدفع
عبير: طب إيه حصل
خالد: هبقا أقلك بعدين
_____________
إستيقظت مريم من نومها في موعد الغداء فهبطت للطابق الأسفل وجدت دادة أمل تشاهد التلفاز والجدة أمينة ورقيه في الجنينة
مريم: ما يالا بقا عشان أنا جعانه وألا إية
أمينة: ماشي روحى يالا ع السفرة أنت وأمل وأنا هصحى روكا وجاية أهو
ذهبت مريم وأمل إلى مائدة الطعام وبعدها أمينة ورقيه وجلسوا يتناولون الغداء
رقيه: بقلم ياتيتة
أمينة: نعم ياقلب تيتة
رقية: أنا كانت فاطمة قيلالي إنها نازلة تشتري شوية هدوم كدة وقالتلي أروح معاها ممكن
أمينة: ماشي ياحبيبتي وخدي الفيزة بتاعتي معاكي عشان لو إحتاجتي أي حاجة تبقي تشتريها
رقيه: شكراً ياتيتة
_______________
تجلس هند في غرفتها
هند فى نفسها: مالك يا خالد كده  حساك بتتهرب مني لا وكل ما ناكل برا وييجي وقت الدفع تهرب وتمشي ياترا بيبقا ده حقيقي فعلاً وألا أنت بتهرب عشان متدفعش يآربى ما أكون ظلماه
قطع شرودها صوت نداء أمها
ندى(الأم) بصراخ: يا هننننند
هند بتأفف: نعم ياماما نعم
ندى: أنا مش قلتلك روقي الحاجة دى مبتسمعيش الكلام لية ليل نهار أعده ف الأوضه لوحدك بتعملي إية ومخبياه ها
هند: هو أنا لازم عشان أعدة ف الاوضة لوحدي أبقا بعمل حاجة غلط
ندى: إسكتي أنا هلاحقها منك وألا من أخواتك إلل مطلعين عيني ف الواجب دول يالا روقي من غير كلام
هند: استغفر الله العظيم يآرب
ندى: بتقولي حااجه؟
هند: بكح
______________
في غرفة رقيه
رقيه تتحدث في الهاتف: حاضر يابنتى نازلة أهو خلاص
فاطمة: بقلك أنا في إتنين صحابي معايا
رقيه: طيب تمام يآرب متكسفش منهم بقا
فاطمه بضحك: متقلقيش بقلم منه الديب هعرفك عليهم وهتحبيهم أوى هى واحده فيهم منتقبه والتانيه مختمره
رقيه: الله أنا إتشوقت أوى إنى أشوفهم
فاطمة بضحك: طب يالا إحنا تحت أهو
____________
يتبع...
الكاتبة:
Menna_El_Deeb