حجر القلوب (صعيدى)

الفصل الثامن : 8

(الصعيد منزل فاروق وهدان )
شمس : صباح الفل عليك يا سلطان الأحصنه كلياتها .

صهلل الحصان فرحا ، ثم قامت شمس بمد يدها الممتلئه بقطع من الجزر له ، وما إن إلتهمهم اخذت تمسح على رأسه برفق ، ثم قامت بمحاوطه عنقه بزراعها مداعبه اصابعها فى شعره برفق ، ثم مال برأسه على كتفها كأنها يعانقها بحب .

شمس : يلا بجى مشان اسبحك مشان تزفنى النهارده .
_________
فاروق بحنان : مريم !! ، صباح الخير يا بتى ، شمس فينها امال .

مريم بحب : صباح النور يا جدى ، شمس راحت الاسطبل ، خير فى حاجه ولا ايه .

فاروق : كنت هتحدت وياها بخصوص زفتها النهارده ، انا هروح اشوفها ، كملى فطورك انتى .

مريم : ماشى .
_________
شمس : ايوا اكده ، العريس نفسه ميعرفش يتسبح كيفك اكده .

فاروق : بتعملى ايه يا شمس .

شمس : بسم الله الرحمن الرحيم !! ، فزعتنى يا جدى ، هكون بعمل ايه ، بسبح سلطان .

فاروق : ده بدل متتسبحى انتى مشان فرحك .

شمس : سلطان اهم طبعا ، وكمان انا لسه هروح المستشفى لما ارجع بجى هبجى اتسبح .

فاروق : تروحى فين ؟! ، انتى جاصده تعصبينى صوح .

شمس : فيها ايه يا جدى ؟! .

فاروق : شمس !! انا روحى فى خياشيمى منك من ليله امبارح بسبب الى عملتيه ، فعدى اليوم ده على خير ومتطلعيش عفاريتى عليكى اومال .

شمس : ليه بس يا جدى ، انا كل الى عملته انى وصلتله رجالته وهو يتصرف فيهم .

فاروق : مش اكده يا بتى مهما كانت الجثث دى كانت روح وخلجه ربنا حرام الى عملتيه ، كان الافضل انك تدفنيهم لان اكرام الميت دفنه ، مش مشان تطفى نار الى عمله وتدبى الرعب فى جلوبهم ترميله رجالته كده كيف جوالب الطوب ويا عالم هو دفنهم ولا رماهم فى ايتها داهيه .

شمس : معاك حج يا جدى ، بس انت جولتها كنت عايزه ابرد نارى فى الى عمله فى الرجاله وانه خالف الاوامر ، بس متجلجش انا جولت لمساعد يراجبهم ، وجالى ان حامد ومرعى دفنوهم فى الارض الى ورا البيت .

فاروق : بردو ده مش هيغفرلك الى عملتيه .

شمس بإبتسامه : خلاص بجى يا جدى ، جلبك كبير .

فاروق بتنهيد : خلصى وتعالى عايزك .

شمس : عنيا .
_____________________________
( القاهره )
حياة : بس هو ده المكان هننزل بقى نختار كدا كذا فستان وبعدين نروح نشوف البدله بتاعك .

فارس : مش هنبعد كتير فى اتيليه بدل رجالى جمبه اهو نشوف نفستانك الاول وتيجى معايا نقيس البدله .

حياه بإبتسامه : مش مصدقه ان خلاص فاضل اسبوع ، حسه ان فى حاجات كتير نقصانى .

فارس : ياحبيبتى كل الى تؤمرى بيه هيتنفز ، ومتقلقيش مفيش حاجه هتكون نقصه .