( الصعيد : منزل حامد وهدان )
قمر بغضب وصوت مرتفع : شوفتى الى حصلي ياماا .
حسيبه بفزع : في اي يا بتى على الصبح كده .
قمر : ابويا فين .
حسيبه : ابوكى سافر من بعد الفجر ... مالك مزعوره ليه انتى عارفه الساعه كام دلوجت .
قمر : عارفه ، بس مش قادره اهدى .
حسيبه بغضب : متنطجى يا بت .
قمر : مرعي .
حسيبه : مات !!
قمر : تفي من بوئك ياما ان شالله هى .
حسيبه : وبعدهالك اومال بطلى الغاز وجولى هى مين ، اخلصى احكى .
قمر : شمس !! ... مرعى راح مشان يجتل جوز المحروجه شمس ، جام عدمه العافيه ودشمل حاله .
حسيبه : وه !! وشمس عرفت .
قمر : ده الى هامك ياما ... مش هامك انه كان هيودى حاله فى داهيه مشانها .
حسيبه : مهى لو شمس عرفت ، هى كمان رجالتها هيعدموه العافيه لان جوزها هيفكر انها اللى محرضاه وبكده مرعي هيكرهها .
قمر : هى اكيد عرفت ... مش ده المهم دلوجت ، المهم عندى ان البت دى مش هتخش الدار دى تانى .
حسيبه : انتى ناسيه اوضه امها اللى واجفه فى حلجنا دى .
قمر : لساتك عامله حساب ليها .. خلاص غارت من البلد وجه اوان انها تغور من الدار ولو انتى مهدتيش الاوضه دى انا الى هكسرها ياما .
حسيبه : لاه ، ملكيش صالح انتى ، بلاش تدخلى فى عراك معاها .
قمر : خايفه منيها ؟! .
حسيبه : اللى عملته فى شمس زمان مش شويه ومسيرها تنتجم وشمسها هتحرجنا كلنا ، بس رغم ده إلا انها اصيله ومتبيعش اللى من دمها .
قمر : اول مره ألجاكى بتتكلمى زين عليها .
حسيبه : على رغم كرهى لأمها وغيرتى منها ، وجت متجوزت ابوكى اديتك كل حاجه عند شمس مشان متبجيش زي وتغيرى منها ، لكن بردو شمس خدت منك كل حاجه بحب مرعى ليها.
قمر : انا مليش صالح بالكلام ده ، انا جبت اخرى والاوضه دى هتتفرغ والبت دى مهتدخلش البيت ده تانى .
حسيبه : الاوضه دى الى بعدا شمس عنينه لو فرغناها شمس هتولع فى البيت واحنا جواه .
قمر : عارفه اي الفرق الى بينى وبينك ياما ، انك طول عمرك بتخافى من ليله لكن انا مبخافش من شمس ، واللى عندى جولته وخلص .
___________________________
(منزل فاروق وهدان )
فاروق : ماشى ديرى بالك على حالك يا بتى ، بالسلامه .
مريم : اى رايك فى اللى سمعته ده يا جدى .
فاروق : شمس عملت الصالح .
أنت تقرأ
حجر القلوب (صعيدى)
Aventura_ ابعد عنى . = نزلى السلاح الى فى ايده ده يا شاطره بدل متتعورى . كاد ان يخطو خطوه ناحيتها حتى قامت بإطلاق رصاصه فى الهواء . _ لو قربت بخطوه تانيه ، الرصاصه هتبقى فى قلبك وبدل متبقى دخلتك هتبقى خارجتك . = لو حد سمع صوت الرصاصه تحت هيطلعم وهتنفضحى . _...
