فى القاهره
تبعثر الوسط فى الشركه بعد مكالمه سام
عاصم : اى رايكم .
احمد : انت هتستهبل يا عاصم مرفوض طبعا .
فارس : حاسس انك حابب الموضوع يا عاصم .
عاصم : مش حكايه حابب بس تجربه .
احمد : لا ، اسمع يا عاصم الناس ممكن تفكر اننا شياطين بس احنا اتفقنا ان دى الصوره الى هتظهر قدام الناس بس ، لكن مع نفسنا عمرنا منتعرض لطفل او نإذى واحده ست .
فارس : انا مع احمد ، ده مش قارنا يا صاحبى وانت اكتر واحد لازم تبعد عن الموضوع ده انت عندك اخت وممكن تبقى هى الى فى الموقف ده ولا ايه .
عاصم : ولا أه ، عندكو حق ، تعالو بقى نشوف الفاكس ونلقى نظره على الملكه يجوز تكون حلوه .
احمد : لا ، وآدى الفاكس .
عاصم : انت هببت ايه .
احمد بخبث : مسحته عشان عارف فضولك ودماغك ممكن يجرجروك للرزيله وانت بتحبها .
عاصم : انت عيل رخم .
__________________________
فى الصعيد
استيقظت من غفوتها على ذلك الصوت المزعج الذى يصدر من هاتفها .
شمس بخمول : ألو
مريم بحده : انتى ناويه تكملى حياتك عندك ولا ايه .
شمس : انتى لو حد تانى وبيزعقلى كدا كنت علقته ، عايزه ايه .
مريم : صحصحى يا خيتى ، جولتى لخلف انك هتعاودى البيت الظهر واحنا دلوقتى داخلين على العصر .
شمس : عصر ايه يا اوفر انتى الساعه لسه واحده .
مريم : ياستى اتوحشتك وكمان جعانه و جدى قال منحطش الاكل غير فى وجودك .
شمس : ههههه طيب طيب يلا جيه اهو مسافه السكه .
مريم بسعاده : ماشى فى رعايه الله يا حبيبتى .
_____________________________
منزل الزناتى
كان الجميع مجتمع حول مائده الغداء ، كان من يتزعمها عثمان الزناتى وعلى يمينه روحيه وبجانبها علي ومن الجانب الايسر زينب زوجت عثمان وبجانبها ابنها ثم بدر ابنة عم عثمان .
عثمان : سفره دايمه يا حجه .
اردف بذلك بعد أن قبل يد روايح ، فقابلته بحنان وهى ترتب على كتفه .
روايح : يدوم عزك يا ولدى .
زينب : وه انت لحجت تاكل حاجه ، لسه منابك كامل ، وكلت عصفوره دى ولا ايه .
عثمان : لا كلت واتمليت الحمد لله .
روايح : كنك مستعجل يا ولدى ، على وين ان شاء الله .
عثمان : كُبرات البلد متجمعين عشان نشوف موضوع انتخابات المجلس هيرسى على مين المره دى .
أنت تقرأ
حجر القلوب (صعيدى)
Aventura_ ابعد عنى . = نزلى السلاح الى فى ايده ده يا شاطره بدل متتعورى . كاد ان يخطو خطوه ناحيتها حتى قامت بإطلاق رصاصه فى الهواء . _ لو قربت بخطوه تانيه ، الرصاصه هتبقى فى قلبك وبدل متبقى دخلتك هتبقى خارجتك . = لو حد سمع صوت الرصاصه تحت هيطلعم وهتنفضحى . _...
