فى القاهره
فى احد المستشفيات الكبيره شبه الخيريه فى القاهره مجموعه من الطلاب يدرسون الطب تحت التدريب يتهامسون برفق تظهر على وجوههم السعاده والاعجاب والدهشه .
احد الطلاب : بس بس خرجت .
طالب اخر : دكتوره شمس ؟!
شمس بأبتسامه : نعم ، فى حاجه ؟!
الطالب : ابدا ، بس كنا عايزين نقول لحضرتك اننا قد ايه معجبين بيكى ، وبأدائك فى الجراحه ، حضرتك دكتوره ممتازه .
طالب اخر : بصراحه يا دكتوره شرحك وتشخيصك واسلوبك اثناء العمليه كان اكتر من رائع ، فخر لينا اننا نتعلم من حضرتك بجد شكرا .
شمس بسعاده واحراج : اولا بشكركوا جدا على كلامكو ، ثانيا ده شغلى وواجب عليه انفذه بكل تقدير عشان اما تتعلمو منى وتتخرجو وتشتغلو بصدق تسمعو كلام يشرف زى الى قولتوه من شويه ده .
طالب : طيب ممكن سؤال يا دكتوره ، هو حضرتك مبتدرسيش فى جامعه القاهره ليه .
شمس : عشان بحب الشغل فى الطب مش تدريسه وكمان انا مش باجى القاهره غير يومين فى الاسبوع وباقى الاسبوع بقضيه فى مستشفى بلدى فى الصعيد .
احد الطلاب : مش معقول هو فى صعيده بالحلاوه ولا الشطاره دى .
نكذه احد زملاءه بقوه فى كتفه .
شمس : هههههههه بص انا هعتبر دى مجامله مش معاكسه ولا تقليل من الصعايده ، بس على فكره الصعايده جدعان وشاطرين حلوين جدا كمان هههه.
احد الطلاب : احنا متشكرين جدا لحضرتك يا دكتوره واسفين لو كنا اخرناكى نستأذن احنا .
شمس بالابتسامه : مع السلامه ، بالتوفيق .
الممرضه : دكتوره شمس ، المدير عايزك فى مكتبه .
نظرت شمس فى ساعتها بدهشه ثم قالت لنفسها : الساعه بقت ١٠ هو لسه مروحش ليه من امتا وهو عنده ضمير ، ثم اكملت بصوت مسموع ، طيب شوفى انتى وراكى ايه عشان متتأخرين وانا هروحله .
أوئمت لها الممرضه بإيجاب ثم اتجهت ناحيه غرفه المدير ودخلت بعد ان سمح لها يعد رجلا فى نهايه العقد الخامس قصير القامه سمين البدن لا يشبه الاطباء بل يشبه الحانوتى ( الذى يدفن الموتى ) .
شمس بجمود : خير يا دكتور حضرتك طلبتنى .
المدير بإبتسامه عريضه : دكتورتنا المشهوره اتفضلى ، انا قولت اسلم عليكى اما بتيجى بتنورى المستشفى من ساعه مجيتى وانتى فى عمليات متعبتيش .
شمس : محدش بيتعب من حاجه بيحبها وانا بحب شغلى .
المدير : وعشان كدا فى ناس كتير بتقدرك وبتقدر شغلك ده بمبالغ كبيره .
شمس بحده : مش فاهمه كلام حضرتك ياريت توضح .
المدير : انا عارفه انك زكيه بس بلاش تتسرعى ، ده شيك ب خمسه مليون دولار بأسمك مقابل عمليتين تلاته كدا فى زراعه القلب هيتمو برا مصر ، وقبل متقولى اى حاجه فكرى ولو عايزه الفلوس تزيد موافق .
أنت تقرأ
حجر القلوب (صعيدى)
Adventure_ ابعد عنى . = نزلى السلاح الى فى ايده ده يا شاطره بدل متتعورى . كاد ان يخطو خطوه ناحيتها حتى قامت بإطلاق رصاصه فى الهواء . _ لو قربت بخطوه تانيه ، الرصاصه هتبقى فى قلبك وبدل متبقى دخلتك هتبقى خارجتك . = لو حد سمع صوت الرصاصه تحت هيطلعم وهتنفضحى . _...
