Unicode
မြူမှုန်တွေစိုင်းတဲ့ သဘာဝတောအုပ်လေး
သူရော ကျွန်တော်ရော ရောက်ရှိနေခဲ့တယ်။
သူ့လက်ကလေးကို ကျွန်တော်တွဲပြီး သာယာ
တဲ့ တောအုပ်လေးထဲမှာ ပြေးနေခဲ့တယ်လေ။
မြူတွေစိုင်းနေတဲ့ ပတ်ဝန်းကျင်ကိုနောက်ခံ
ထားပြီး ပြုံးပျော်နေတဲ့ သူ့မျက်နှာလေးကို
ကြည့်ရတာ ကျွန်တော့်အတွက် သိပ်ကို
ကြည်နူးစရာကောင်းတဲ့ မြင်ကွင်းပါပဲ....။
ဒါပေမဲ့ ရုတ်တရက်ကြီး သူ့ရဲ့ခြေလှမ်းတွေ
ရပ်ပစ်လိုက်တယ် ။ ဘာလို့ရပ်လိုက်တာလဲ
ဆိုတာ ကျွန်တော်ကြည့်လိုက်တော့ အရှေ့မှာ
အဆုံးမရှိအောင် နက်နဲလွန်းတဲ့ချောက်ကြီး
တစ်ခုရှိနေတယ် ။ ဆက်သွားလမ်းမရှိတာမို့
ချောက်ထဲခုန်ချမှပဲရတော့မယ် ။ ဒါကြောင့်
သူရော ကျွန်တော်ရော ဒီချောက်ထဲကို ခုန်
ချမှရတော့မယ် ။ သို့ပေမယ့် သူကတွဲထား
တဲ့ကျွန်တော့်လက်ကိုဖြုတ်ချပစ်လိုက်တယ်။
ကြောက်လန့်နေတဲ့ပုံပေါ်ပြီး မျက်ဝန်းအိမ်
ကလည်း မငြိမ်မသက်ဖြစ်နေခဲ့တယ်။ သူ
ကျွန်တော်နဲ့အတူ ဒီချောက်ထဲကိုခုန်ချဖို့
ကြောက်နေပုံပေါ်တယ် ။
ကျွန်တော်သူ့ကို လက်ကမ်းပြီး အတူတူ
ခုန်ချရန်ခေါ်ပေမယ့်လည်း သူကျွန်တော့်
ကိုလျစ်လျူရှုကာ ထွက်သွားချေပြီ.... ။
ကျွန်တော်ကိုယ်က ရူးမိုက်ခဲ့တာပါ ။
သူမလိုက်နိုင်မှန်းသိတဲ့လမ်းကို အတင်း
မခေါ်ခဲ့သင့်ဘူး ။ အခုတော့ ချန်ထားခဲ့သူ
ထက် ကျန်ရစ်ခဲ့သူက ပိုကာနာကျင်ရတော့
တယ်....။
ထိုအိပ်မက်က ကျွန်တော်လန့်နိုးလာ
တော့ ပါးပြင်မှာမျက်ရည်တွေရွှဲနေခဲ့တယ်။
အိပ်မက်ကတောင်ကျွန်တော့်ကို နာကျင်
စေပါတယ် ။ ထိုအချိန်ကျွန်တော်သတိ
ထားမိလိုက်တော့ ကျွန်တော့်ရဲ့
ပုခုံးကို သိုင်းဖက်ထားတဲ့
သူ့လက်ပါပဲ ။ နောက်လည်ဂုတ်လေးပေါ်
ကျရောက်နေတဲ့ သူ့ရဲ့ဝင်သက်ထွက်သက်
လေးနဲ့တင် စောနကနာကျင်မှုတွေ ပျောက်
သွားရပြန်တယ် ။ သူကတော့အိပ်မောကျ
နေတဲ့ပုံပါပဲ ။ အိပ်ပျော်နေတဲ့ သူ့မျက်နှာ
လေးကို ကျွန်တော်ကြည့်ချင်လာတယ်။
သူ့မျက်နှာလေးကို ဒီလိုအချိန်ပဲ တဝကြီး
ကြည့်လို့ရတာမလား ။
