Unicode
Sora သည် Soekjin ရဲ့အိမ်ကနေ
သူမရဲ့အိမ်ကို Taxi နဲ့ပဲ ပြန်လာလိုက်
တော့သည် ။ ခါတိုင်း Soekjin ဆီမှ
ပြန်လာတဲ့စိတ်ခံစားချက်နဲ့ အခုစိတ်ခံ
စားချက်နဲ့ ကွဲပြားနေတယ်ဆိုတာ သူမ
ကိုယ်တိုင်လည်း သတိထားမိခဲ့သည် ။
Soekjin နဲ့အတူရှိနေရင် သူမ ပျော်သည် ။
စိတ်ပင်ပန်းမှုတွေပျောက်ပြီး ခဏတာ
စိတ်ပျော်ရွှင်မှူရခဲ့သည် ။ သူမအတွက်
တော့ Soekjin က ငြိမ်းချမ်းရေးအသွင်
ဆောင်ထားတဲ့ ဆည်းလည်းလေးလိုပါပဲ ။
ဘယ်လောက်သာပူလောင်တဲ့အရပ်ကနေ
လာပါစေ...သူ့ရင်ခွင်ရောက်ရင်နွေးနေ
တာမျိူးပေါ့ ။ နောက်တစ်ခု သိသွားတဲ့
အချက်တစ်ခုရှိပါသေးသည် ။ ထိုအချက်က
တော့ သူမ Soekjin ကို ချစ်မိသွားပြီဆိုတာ
ပါပဲ....။ လူတစ်ယောက်ကိုချစ်မိဆိုရင်
ပိုင်ဆိုင်ချင်လာတာ သဘာဝပါပဲ... ဒါကြောင့်
လည်း သူမ Soekjin ကိုပိုင်ဆိုင်ချင်လာ
တယ် ။ အခုလည်း သူမ Soekjin ပိုင်နေ
တယ်ဆိုပေမယ့် ထိုပိုင်ဆိုင်နေတာလေး
သည် ခဏတာမျှသာ ဖြစ်သည် ။ သူမ
ပိုင်ဆိုင်ချင်တာ တစ်သက်လုံးပိုင်ဆိုင်
နေခြင်းမျိုးဖြစ်နေသည် ။ ပိုင်ဆိုင်လုပ်ဖို့
အတွက်လည်းသူမမှာ သတ္တိတွေရှိလာခဲ့
ပြီဖြစ်နေသည် ။
Tee.....Tee.....Tee
ကိုယ့်အတွေးနဲ့ကိုယ်ကျေနပ်နေရင်း
ဖုန်းဝင်လာတော့သည် ။ အတွင်းရေးမှူး
Kim ဆီဖြစ်သည် ။
" Hello.... အတွင်းရေးမှူး Kim "
" မမလေး....Master Kai က
ဂျပန်မှာ ဆောက်မယ့် Hotel စီမံကိန်း
နဲ့ပတ်သတ်ပြီးဆွေးနွေးချင်လို့ပါတဲ့
ကျွန်မဆီဆက်သွယ်လာတယ် "
" Hotel ကိစ္စနဲ့ပတ်သတ်ပြီး
အကုန်လုံးဆွေးနွေးပြီးသားလေ
သူကဘာကိုအတွန့်တက်ချင်ရတာလဲ "
" ကျွန်မစိတ်ထင်ဆောက်လုပ်ရေး
ကာလကို ပိုပြီးတိုချင်တာဖြစ်မယ်
အသေးစိတ်ကိုတော့ မမလေး လူချင်း
တွေ့ဆွေးနွေးတာပိုကောင်းမယ်ထင်တယ် "
" အင်း....သန်ဖက်ခါ Japan ကိုသွားမယ်
အစောဆုံး Flight ကိုစီစဥ်ထားပေး
အတွင်းရေးမှူး Kim ပါလိုက်ခဲ့ပေးပါ "
" ဟုတ်ကဲ့...မမလေး "
" အင်း....See You "
Sora သည် ဖုန်းကိုဘေးကိုပစ်ချပြီး
ကားနောက် Sofa ကို ခေါင်းမှီကာ
အပြင်ဘက်ကမီးရောင်တွေကို
စိတ်လေးကန်စွာကြည့်နေမိပြန်သည် ။
